• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

• Կոմպոզիտոր Շառլ Ազնավուր․ շանսոնյեի հարյուրամյակի առթիվ

  Շառլ Ազնավուրի ծննդյան հարյուրամյակին ընդառաջ NEWS.am STYLE-ը պատրաստել է նյութերի շարք՝ նվիրված հայտնի շանսոնյեի կյանքին ու գործունեությանը․․․

• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

Մոդել ԷմմանուԷլլա Գրիգորյանը դարձել է «Միսս Երեւան 2021» մրցույթի հաղթողը: Երեւանի տիտղոսակիր գեղեցկուհու թագադրումը տեղի է ունեցել դեկտեմբերի 1-ին՝ Հակոբ Պարոնյանի անվան երաժշտական կոմիեդիայի պետական թատրոնում:

ԷմմանուԷլլան 28 տարեկան է, մասնագիտությամբ՝ արեւելագետ: Շատերը մոդելին կհիշեն նաեւ մի շարք գովազդային հոլովակներից եւ «Հայաստանի գեղեցկուհի 2019» մրցույթից, որտեղ նա զբաղեցրել է երկրորդ տեղը:

ԷմմանուԷլլային անդրադարձել ենք նաեւ NEWS.am STYLE-ի «ArmenՅԱՆs» խորագրում: Մոդելն արդեն երկու տարի է՝ բնակվում է Մումբայ քաղաքում ու աշխատում հնդիկ ու այլազգի հայտնի դիզայներների ու բրենդների հետ: Անցած տարի հայուհին հայտնվել է նաեւ հնդկական Vogue ամսագրի էջերին:

NEWS.am STYLE-ը ԷմմանուԷլլայի հետ զրուցել է հերթական հաղթանակի մասին: Մոդելը նշեց, որ Հայաստան իրեն բերել է ոչ միայն մրցույթում մասնակցությունը, այլեւ կարոտը՝ ընտանիքի ու հայրենիքի նկատմամբ:

«Մասնակցեցի մրցույթին, որովհետեւ ունեի եռանդ, պայքարելու ցանկություն եւ մեծ վստահություն կազմակերպիչների ու մրցույթի՝ արդար լինելու հանդեպ: Հաղթանակի, իհարկե, սպասում էի, բայց լինում էին նաեւ անհանգստության պահեր: Լինում են իրավիճակներ, որոնք կարող են կոտրել, բայց միշտ պետք է հավատալ հաղթանակին ու անկախ փորձություններից՝ քայլել մինչեւ նպատակը»,-ասաց նա:

Մրցույթում հաղթանակի համար պայքարել է 16 աղջիկ: Անդրադառնալով իր մրցակիցներին՝ ԷմմանուԷլլան վստահեցրեց, որ իր համար բոլորն էլ արժանի էին հաղթանակի, քանի որ ըստ նրա՝ յուրաքանչյուրն ունի իր առանձնահատկությունը:

Բացի գեղեցկուհու տիտղոսից ու թագից՝ ԷմմանուԷլլան նաեւ այլ առավելություններ է ստացել.

«Գլխավոր մրցանակս ուղեւորություն է դեպի նորաձեւության մայրաքաղաք Փարիզ, որտեղ կմասնակցեմ ցուցադրության ու կհանդիպեմ հայ համայնքին: Մնացած փակագծերը դեռ չեմ բացի: Մրցույթի կազմակերպիչները բազում ծրագրեր ունեն թե´ Հայաստանում, թե´ Հայաստանից դուրս»:

Մոդելը շարունակելու է իր գործունեությունը ինչպես Հայաստանում, այնպես էլ՝ Հնդկաստանում: Ծրագրում է նաեւ աշխատել այլ երկրներում.

«Առհասարակ, նպատակ ունեմ հասնելու ավելի մեծ բարձրունքների եւ պատվով ներկայացնելու երկիրս աշխարհում»,-ընդգծեց նա:

Ինչ վերաբերում է «Միսս Երեւան»-ին, մրցույթն անցկացվում է 2019 թ-ից: Այս տարի այն ներառել է 4 տարիքային խումբ, որոնցից յուրաքանչյուրն ունի իր հաղթողը: Փոքր տարիքային խմբերում հաղթող են ճանաչվել Սուսաննա Հովհաննիսյանը, Լյուսի Ջանվելյանը եւ Անգելինա Թովմասյանը: Մրցույթի կազմակերպիչը Արթուր Վարդապետյանն է:

Սյունե Առաքելյան

Լուսանկարները տրամադրել է  ԷմմանուԷլլա Գրիգորյանը

Հետևեք NEWS.am STYLE-ին Facebook-ում, Twitter-ում և Instagram-ում