«Ժառանգ80» նախագծի նկարահանման մեկնարկը տրված է

ՇոկTok. «Բուքմեյքերների գովազդ չեմ անի». Ռաֆո Համբարձումյանը` բլոգային կյանքի, տիկտոկերներին բլոկելու մասին

Ամերիաբանկի «Դարձիր փոփոխությունը» մրցույթի հաղթող թիմը ստացավ 3 մլն ՀՀ դրամ մրցանակ

ՇոկTok. Մագա Հարությունյանը` միլիոններ աշխատելու, սիրելիից բաժանվելու եւ Քինգ Ռուզիի հետ կոնֆլիկտի մասին

ՇոկTok. Անյա Սահակյանը` տղամարդու վրա ձեռք բարձրացնելու, ոստիկանություն ընկնելու, բաց տեսարաններում նկարահանվելու մասին

«Նոյը եւ՛ ինձ է նման, եւ՛ ամուսնուս». Լյուսի

ՇոկTok. «Իմ բոլոր ուզողները հիմնականում «ճիշտ աբրած տղերք են»». Ջուլիաննա Հարությունյան (julianna_loo_)

«Սիրո հասակ». մարտի 18-ից կմեկնարկի նոր հումորային նախագիծը

ՇոկTok. «Երբ ինձ հարցնում են, կուզեիր բոյով լինել, ասում եմ ոչ». Աստվածուհի (Ելենա Վարդերեսյան)

Նոր արկածներով եւ փորձություններով հումորային սիթքոմ. «Հյուրերն անցյալից»

«Սա մի սիրո պատմություն է». Արամեի «Շատ սիրունա» տեսահոլովակի backstage-ը

Ու՞մ բաժին կհասնի տունը. Սամսոնի՞ն, թե՞ Շավոյին. «Բլբուլյանները 2»-ի նկարահանումները կադրից դուրս

#ՇոկTOK․ Աշայվին՝ Սիրուշոյի հետ հանդիպելու ցանկության, տիկին Գրետայի հետ կոնֆլիկտի մասին եւ ոչ միայն

Ինչպես են ընթանում «Պոլլի» գեղարվեստական ֆիլմի նկարահանումները

H2Օ Emotional Exposition. Kivera Naynomis բրենդի ցուցադրությունը

«Ամեն տարի գարնանը». նոր հեռուստասերիալի դերասանական կազմն ու նկարահանումները

Ի՞նչ սպասել 2022 թվականից. աստղաբան Գուրգեն Հովհաննիսյանը՝ Կապույտ ջրային վագրի տարվա մասին

Ի՞նչ դիմահարդարմամբ դիմավորել 2022-ը՝ Կապույտ ջրային վագրի տարին. խորհուրդներ Ագա Քանքանյանից

2022-ի նորույթները․ սերիալներ, որոնք արժե դիտել

20:17, 30 դեկտեմբերի

«Մատանիների տիրակալը»

270284284_447996090291101_4244365608902148652_n.jpg (61 KB)

Այս տարի վերջապես կդիտենք «Մատանիների տիրակալի» տիեզերքի՝ այդքան  սպասված սերիալը։ Գրող Ջոն Ռ․ Ռ․ Տոլկինը մեզ է նվիրել ամենազորեղ երեւակայական աշխարհներից մեկը։ Փիթեր Ջեքսոնը հիանալի էկրանավորել է այդ պատմությունը, եւ այժմ Amazon Prime-ը որոշել է ավելի խորասուզվել տիեզերքում՝ մեզ պատմելով այն մասին, թե ինչ է տեղի ունեցել Միջերկրում գրքի եւ ֆիլմերի իրադարձություններից հազարավոր տարիներ առաջ։

Amazon-ի սեփականատեր Ջեֆ Բրիջեսը Տոլկինի ստեղծագործության մոլի երկրպագու է, այդ պատճառով էլ 250 մլն դոլար է վճարել էկրանավորման իրավունքի համար։

Սերիալի ամբողջ բյուջեն աստղաբաշխական է՝ 1 միլիարդ դոլար։

Շոուի գործողությունները տեղի կունենան 2-րդ դարաշրջանի Միջերկրում։Հանդիսատեսին հանդիպում է սպասվում Գալադրիել թագուհու եւ տիրակալ Էլրոնդի, էլֆերի գերագույն թագավոր Գիլ-Գալադի, ինչպես նաեւ բազմաթիվ այլ կերպարների հետ։

Ամենակարեւորն այն է, որ մենք ծանոթանալու ենք  իրական Սաուրոնի հետ, որը ոչ թե պարզապես չարը մարմնավորող ֆիգուր է, ինչպիսի ֆիլմերում ենք տեսել, այլ ամբողջական, ինտրիգային, զորավոր, նենգ եւ սրամիտ կերպար։

Ըստ որոշ ինսայդերների՝ կարելի է ասել, որ Սաուրոնը կենտրոնական կերպար կլինի։ Իհարկե, հակահերոս, սակայն ոչ պարզունակ ու միանշանակ։

Պրեմիերան նախատեսված է 2022 թվականի սեպտեմբերի 2-ին։

«Հալո»

270047296_639177150762389_243186942808502684_n.jpg (49 KB)

Paramount+ սթրիմինգային սերվիսը կուրախացնի ինչպես բոլոր գեյմերներին, այնպես էլ՝  սովորական հեռուստադիտողներին։ Ալիքն այս տարի մեզ կնվիրի «Հալո» կուլտային խաղի էկրանավորումը։

Սերիալի սյուժեն հիմնված է առաջին խաղի՝ «Halo: Combat Evolved»-ի վրա։ Հեռավոր ապագա. երկրային զորքերը տանուլ են տալիս պատերազմը այլմոլորակային քաղաքակրթությունների կրոնական միությանը։ Երկրացիների վերջին հնարավորությունը SPARTAN-II նախագիծն է, որն ուղղված է ուժեղացված զինվորների ստեղծմանը:

Բայց, ցավոք, վճռորոշ ճակատամարտում երկրացիները պարտության են մատնվում, մոլորակը ոչնչացվում է։ Եվ միայն «Աշնան շարասյունը» տիեզերանավին է հաջողվում փրկվել։ Ջոն-117 նավի ուղեւորը, նույն ինքը՝ վարպետ Չիֆը,որը  սպարտացիների վերջին ներկայացուցիչն է, հայտնաբերում է «Հալո» խորհրդավոր արտեֆակտը: Այն իրենից ներկայացնում է օղակ աշխարհ, որի օգնությամբ կարելի է փոխել պատմության ընթացքը:

Սերիայի շոուրաները կլինի Օտտո Բաթհերսթը: Նա սերտորեն համագործակցում է խաղը ստեղծողների հետ, իսկ նախագծի պրոդյուսերը Սթիվեն Սփիլբերգն է: Գլխավոր դերերը կկատարեն Պաբլո Շրայբերն ու Նատաշա ՄակԷլհոունը։

Պրեմիերան նախատեսված է 2022 թվականի ապրիլի 23-ին։

«Վերջինը մեզանից»

269618031_4713356342056868_8113218352975497179_n.jpg (82 KB)

Կուլտային խաղի հերթական կինոադապտացիա, որը հեռարձակվելու է HBO կաբելային ալիքով։

Գոյատևման պայքարում կարծրացած Ջոելը և Էլլին՝ խիզախ, վաղահաս դեռահաս աղջիկը, ստիպված են միավորվել և օգնել միմյանց Միացյալ Նահանգների ավերակների միջով իրենց թափառումների ժամանակ:

Շարքը պետք է լինի մթնոլորտային: Ամենուր ավերված քաղաքներ են, որտեղ ամեն քայլափոխի վտանգ է սպառնում ոչ միայն մուտանտների, այլև հասարակ մարդկանց, ովքեր նույնպես ցանկանում են գոյատևել։ Շոուի իրադարձությունները, ինչպես ասում են, կհամապատասխանեն խաղի սյուժեին, բայց հուսով ենք, որ ստեղծողները նոր բան կավելացնեն դրան, քանի որ ղեկը  խաղը ստեղծող Նիլ Դրաքմանի ձեռքերում է, ով Քրեյգ Մազինի հետ հանդես է գալիս որպես պրոդյուսեր և սցենարիստ:

Գլխավոր դերերը կխաղան Պեդրո Պասկալը և Բելլա Ռեմզին։

Պրեմիերան նախատեսված է 2022 թվականի ամռանը։

«Լուսնի ասպետ»

269873433_4843114359060781_1105081188219201162_n.jpg (131 KB)

Marvel-ը կշարունակի մեզ ուրախացնել իր սերիալներով, որոնցից ամենասպասվածը՝ «Լուսնի ասպետ»-ը,  կցուցադրվի «Disney +» սթրիմինգային սերվիսի միջոցով։

Շոուն հետևում է Մարկ Սպեկտորի արկածներին: Նա ԱՄՆ բանակի նախկին ծովային հետևակային է, իսկ ավելի ուշ՝ անհատականության խանգարում ունեցող վարձկան։ Նման հերոսը, որին ոմանք համեմատել են Բեթմենի հետ, հաստատ Marvel –ի կինոտիեզերքին կարող է մռայլություն  ավելացնել։

Ջերեմի Սլեյթերը կլինի շոուի շոուրաները և սցենարիստը։

Իսկ գլխավոր դերերում են  ականավոր Օսկար Այզեքը և Իթան Հոքը։

Պրեմիերան նախատեսված է 2022 թվականի գարնան վերջին կամ ամռան սկզբին։

Հաճելի դիտում
Նորայր Նազարյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ