• Վառ ու ոճային․ Աննա Թովմասյանի լուսանկարը

  Երգչուհին գեղեցիկ աքսեսուարներ է ընտրել․․․

• Մարիամ Ալեքսանյանի լուսանկարն Արաբական Միացյալ Էմիություններից

  Դերասանուհին բնական շպար է ընտրել․․․

• Մարտայի սպորտային լուքը

  Երգչուհին լեգնիս է ընտրել․․․

• «Հիասքանչ»․ Սոնա Հովհաննիսյանի լուսանկարը

  Սոնան արտահայտիչ շպարով է․․․

• «Ծննդյան տոն»․ Քրիստինա Կարապետյանի լուսանկարը

  Պատառոտված ջինսե տաբատ․․․

• «Եթե կա մեկն, ում ունեմ ինչ-որ բան ապացուցելու․․․»․ Սարգիս Գրիգորյան

  Դերասանը գրառում է արել․․․

• «Հանգիստ գույներ՝ հանգիստ նյարդեր»․ Նազենի Հովհաննիսյանի լուսանկարն ԱՄՆ-ից

  Դերասանուհու գարնանային լուքը․․․

• Դիանա Գրիգորյանը՝ գարնանային վառ կերպարում  

  Հմայիչ․․․

Հայաստանի ցանկացած հաղթանակ մեծ հպարտություն է մի ամբողջ ազգի համար, որը հաղթանակների կարիք շատ ունի: Նախորդ՝ 2021 թվականի ընթացքում մեր արտիստներից շատերը հավաքվեցին ու պայքարեցին միջազգային հարթակներում՝ Հայաստանի ու հայերի մասին պատմելով աշխարհին: Նրանցից երեքին հաջողվեց ոչ միայն պատվով ներկայացնել մեր երկիրը, այլեւ սպասված հաղթանակներ բերել Հայաստանին:

Սյուզաննա Մելքոնյան

Երաժշտական հաղթանակների շղթան սկսվեց Սյուզաննա Մելքոնյանի՝ ռուսական «Ну-ка, все вместе!» շոուում տարած փայլուն հաղթանակից: Սյուզաննան մրցույթի ընթացքում երկու երգ է ներկայացրել՝ Roxette խմբի «It Must Have Been Love»-ը եւ Սելին Դիոնի «I Surrender»-ը՝ երկու դեպքում էլ արժանանալով մրցույթի ժյուրիի հիացմունքին: Ժյուրիի 100 մասնագետներից 99-ը՝ այդ թվում նրանց գլխավորող Սերգեյ Լազարեւը, ոտքի են կանգնել հայ երգչուհու ելույթների ժամանակ:

Բացի գումարային մրցանակից՝ Սյուզաննան ռուսական «Նոր Ռադիո»-ի կողմից ստացել է նոր երգ, իսկ հաջորդ եթերաշրջանում երգչուհին կլինի 100 հոգուց բաղկացած ժյուրիի կազմում:

Սարո Գեւորգյան

Հաջորդիվ իր հաղթանակով հայրենակիցներն ոգեւորեց երիտասարդ երգիչ Սարո Գեւորգյանը՝ մասնակցելով «Նոր Ալիք 2021» մրցույթին: Հայաստանի ներկայացուցիչը դարձավ բոլոր երեք մրցութային օրերի առաջատարը՝ ընդհանուր առմամբ հավաքելով 267 միավոր:  

Առաջին մրցութային օրվա համար Սարոն ընտրել էր Բեյոնսեի «Listen» երգը, երկրորդի համար՝ Արամ mp3-ի «Կուզես»-ը, իսկ վերջին մրցութային համերգին, որին մասնակիցները կատարում էին պրեմիերաներ, ներկայացրեց իր պրոդյուսեր Դավիթ Բադալյանի հեղինակած՝ «Биполярная любовь» երգը:

Մալենա

Հայաստանի վերջին շրջանի ամենախոշոր հաղթանակը, թերեւս, «Մանկական Եվրատեսիլ 2021»-ի շրջանակում էր: Հայաստանի ներկայացուցիչ Մալենան մինչ մրցույթի մեկնարկն արդեն գերել էր Եվրոպային իր «Քամի, քամի» երգով ու տեսահոլովակով: Շատերն էին կանխատեսում 14-ամյա երգչուհու հաղթանակը, ինչը ոչ միայն իրականություն դարձավ, այլեւ մեր երկրին հնարավորություն տվեց կրկին հյուրընկալելու մրցույթը 2022 թ-ին:

«Քամի, քամի» երգի հեղինակը երգչուհու պրոդյուսեր Դավիթ Բադալյանն է, համահեղինակներն են՝ Դավիթ Ծերունյանը, Վահրամ Պետրոսյանն ու ինքը՝ Մալենան: Տեսահոլովակի ռեժիսորն ու Մալենայի բեմադրության հեղինակն Արթուր Մանուկյանն է, իսկ բեմում Մալենայի ելույթն ամբողջացրել են «Ամարաս» համույթի պարուհիները:

Սա Հայաստանի երկրորդ հաղթանակն է «Մանկական Եվրատեսիլ»-ում: Առաջին անգամ նման բերկրանք մեզ պարգեւել էր «Մանկական Եվրատեսիլ 2010»-ի հաղթող Վլադիմիր Արզումանյանն իր «Մամա» երգով:

Հետևեք NEWS.am STYLE-ին Facebook-ում, Twitter-ում և Instagram-ում