• 19-րդ «Ոսկե ծիրան»-ի փակումը կազդարարվի Կարին Հովհաննիսյանի «Չտեսնված հանրապետություն» ֆիլմով

  2020 թվականի Արցախյան պատերազմ․․․

• Թոմ Հենքսը քննադատել է «Բազ Լայթեր» մուլտֆիլմը

  Ես դա չեմ հասկանում․․․

• «Արդեն ապացուցել ես, որ մենք կարող ենք միասին անցնել ամեն ինչի միջով․․․»․ Լուսինե Թովմասյանի շնորհավորանքն ամուսնու տարեդարձին

  Սիրառատ լուսանկար․․․

• Բրեդ Փիթն անբուժելի հիվանդություն ունի

  Ինձ ոչ ոք չի հավատում․․․

• «Ինքդ քեզ լուսանկարիչ»․ Սոնա Մաթեւոսյանի ծովափնյա կերպարը

  Նոր լուսանկարներ․․․

• «Եկել եմ ամենահամեղ ջրի եւ ամենահաճելի կոնյակի երկիր». Ժաննա Լեւինան Հայաստանում է

  Բարեւ, արեւոտ, գեղեցիկ, հյուրընկալ, Հայաստան․․․

• «3 ամիսն ամռան համար քիչ ա»․ Արեւիկ Ուդումյան

  Արեւից բողոքելով, շոգին չդիմանալով․․․

• Գեղեցիկ կազմվածք, արեւայրուք․ Լիլի Մորտոն՝ լողափնյա կերպարում (վիդեո)

  Գրավիչ․․․

Փետրվարի 22-ին հայազգի հայտնի իրավաբան Ռոբերտ Քարդաշյանի ծննդյան օրն է: Ամերիկահայ փաստաբանը մեծ ճանաչում է ձեռք բերել՝ հաղթելով աշխարհահռչակ ֆուտբոլիստ Օ. Ջեյ Սիմփսոնի սկանդակալային գործը: Ռոբերտ Քարդաշյանը Keeping Up With The Kardashians աղմկահարույց ռեալիթի շոուի աստղեր Քորթնի, Քիմ, Քլոե եւ Ռոբ Քարդաշյանի հայրն է՝ Քրիս Ջենների նախկին ամուսինը:

Ձեր ուշադրությանն ենք ներկայացնում մի քանի հետաքրքիր փաստ հայազգի փաստաբանի մասին:

Ռոբերտ Քարդաշյանը ծնվել է 1944 թ-ին՝ Լոս Անջելեսում: Նրա հայրը Արթուր Քարդաշյանն էր, մայրը՝ Ջեյն Առաքելյանը: Քարդաշյանի ընտանիքը զբաղվում էր մսապահածոյի բիզնեսով: Քարդաշյանները ծնունդով Կարսից են:

Ռոբերտ Քարդաշյանն իրավաբանական կրթությունը ստացել էր Սան Դիեգոյի համալսարանում, սակայն մինչ այդ սովորել էր Հարավային Կալիֆոռնիայի համալսարանում՝ բիզնեսի կառավարման բաժնում: Որպես իրավաբան Քարդաշյանն աշխատել էր մոտ 10 տարի, այնուհետեւ զբաղվել սեփական բիզնեսով:

Հայ փաստաբանի եւ ամերիկացի ֆուտբոլիստ Օ. Ջեյ Սիմփսոնի ընկերությունը սկիզբ էր առել 1967 թ-ից` Հարավային Կալիֆոռնիայի համալսարանում ուսանելու տարիներին: 1994  թ-ին կնոջ՝ Նիկոլ Բրաուն Սիմփսոնի եւ նրա ընկերոջ՝ Ռոնալդ Գոլդմանի սպանությունից հետո ֆուտբոլիստը մնում էր Քարդաշյանների տանը՝ մեդիայի ուշադրությունից խուսափելու համար: Երբ ընկերոջ դեմ մեղադրանք հարուցվեց սեփական կնոջ եւ նրա ընկերոջ սպանության մեջ, Քարդաշյանը, որն արդեն թողել էր փաստաբանական գործը, վերադարձավ ոլորտ՝ որպեսզի օգներ Օ. Ջեյ Սիմփսոնին՝ միանալով վերջինի փաստաբանական թիմին:

Սիմփսոնը հաղթել է գործը, սակայն ավելի ուշ՝ 1996 թ-ին, ABC-ին տված հարցազրույցի ժամանակ Քարդաշյանը նշել էր, որ սկսել էր կասկածի տակ դնել Սիմփսոնի անմեղությունը, որից հետո ընկերները դադարել էին միմյանց հետ շփվել:

Օ. Ջեյ Սիմփսոնի պատմությունը էկրանավորվել է 2016 թ-ին նկարահանված American Crime Story սերիալում, որտեղ ներառված է նաեւ Ռոբերտ Քարդաշյանի կերպարը:

Ռոբերտ Քարդաշյանը մահացել է 2003 թ-ին. մահվան պատճառ դարձել է քաղցկեղը:

Ռոբերտ Քարդաշյանի հանրահայտ զավակները հաճախ են հոր մասին հիշում ու կիսվում սոցիալական ցանցերում: Քիմ Քարդաշյանն, օրինակ, անցած տարի՝ հոր ծննդյան օրը, հուզիչ գրառում էր կատարել՝ նշելով, որ ամեն օր է հիշում ու կարոտում նրան.

«Ես, նույնիսկ, զանգահարել էի քո հեռախոսահամարին. հետաքրքիր էր՝ արդյոք ինչ-որ մեկը կպատասխանե՞ր այսքան տարի անց. խնդրում եմ այցելիր ինձ երազում, կամ որեւէ նշան ուղարկիր»,-գրել էր ռեալիթի շոուի աստղը:

Լուսանկարները՝ Instagram, Vince Bucci/AFP/Getty Images, Ron Gallela/Getty Images

Հետևեք NEWS.am STYLE-ին Facebook-ում, Twitter-ում և Instagram-ում