Երկու տարի Գոտեմի փողոցներում արդարադատություն փնտրելով՝ Բեթմենն իր համաքաղաքացիների համար դառնում է անողոք վրեժխնդրության մարմնացում։ Երբ քաղաքում սկսվում է էլիտայի ներկայացուցիչների վրա դաժան հարձակումների շարքը, առեղծվածային հանցանշանները Բրյուս Ուեյնին բերում են հանցավոր աշխարհի ամենամութ անկյունները, որտեղ նա հանդիպում է Կատու կնոջը, Պինգվինին, Կարմայն Ֆալկոնեին և Հանելուկասացին։ Այժմ նշանակետին հայտնվում է հենց Բեթմենը, որը պետք է տարանջատի ընկերոջը թշնամուց և վերականգնի արդարությունը հանուն Գոտեմի։
Պարզվել է, որ Մեթ Ռիվզին հաջողվել է կոմիքսների հիման վրա ստեղծել գրեթե կատարյալ թրիլլեր։ Նրա չարագործները իսկապես վախեցնում են, իսկ ճնշող մթնոլորտը ջախջախում է դեռ երիտասարդ և նյարդային Բրյուս Ուեյնին պողպատե արատով:
Բեթմենը չի կարողանում գլուխ հանել: Նա հարվածում է, խենթանում, սովորում, նորից հարվածում: Մենք երբեք չէինք տեսել այսքան կոշտ Բեթմեն, և այս կոշտությունն աճում է անփորձությունից և հանգամանքների առջև անզորությունից: Մոտակայքում չկա հավերժ ճիշտ Ալֆրեդ, և դեռ չկան սուր բարոյական սկզբունքներ։ Բայց հենց այդ պատճառով ամեն ինչ շատ ավելի ուժեղ, բնական և իրատեսական է թվում։
Ռեժիսոր Մեթ Ռիվզը, որն արդեն թրիլլերների վարպետ է, նույնպես համարձակություն ունի երեք ժամ տևողությամբ ֆիլմ թողարկել բազմոցի վրա ֆիլմեր դիտելու դարաշրջանում: Դիտելով ֆիլմը՝ հասկանում ես, թե ինչու որոշվեց ֆիլմն այդքան երկար նկարահանել։ Այն ունի այնքան անհրաժեշտ սյուժետային գծեր, շատ կերպարներ, և բոլորի համար բավական ժամանակ կա: Թեև տեսարանները երկար են, բայց չկա զգացողություն, որ դրանք ձգձգված են:
Ֆիլմի առավելություններից մեկը ֆիլմի ինքնաբավությունն է։ Եթե անգամ կերպարի մասին ոչինչ չգիտեք, ձեզ համար ամեն ինչ պարզ կլինի։
Իսկ այ Մայքլ Ջակինոիի սաունդթրեքը պարզապես հիասքանչ է, հատկապես՝ հենց Բեթմենի թեման:
Ինչ վերաբերում է դերասանական կազմին, ապա այն, ընդհանուր առմամբ, շատ լավն է:
Փոլ Դանան պարզապես գողանում է իր տեսարանները։ Իսկ Ռիդլերի կերպարի նկատմամբ մոտեցումը թարմացվել է մեր ժամանակներին համապատասխան։ Դու հավատում ես նրան, վախենում ես նրանից, ուզում ես նրան Արքխամի ճաղերի հետևում նստեցնել։
Զոյա Կրավիցը՝ որպես Կատու-կին, հրաշալի է: Նրա քայլվածքը, հայացքը, հարվածները կատարվում են կատվին բնորոշ «շնորհքով»։ Նրա կերպարը չի ներկայացվել որպես զուտ ֆան-սերվիս. նա սյուժեն շարժում է գրեթե Բեթմենի հետ հավասար:
Պատինսոնը հիանալի տեղավորվում է դեռևս անփորձ, դեռևս անզուսպ, բայց արդեն իսկ բարոյական կողմնացույցի և «մի՛ սպանիր» կոդեքսի տիրապետող Բեթմենի դերում:
Թեև Պատինսոնի հասցեին երկրպագուների կողմից շատ քննադատություններ եղան նույնիսկ դերի հաստատման փուլում, այնուամենայնիվ, նա կարողացավ հիասքանչ մտնել Բեթմենի կերպարի մեջ։
Այսպիսով, մենք ստացանք միանգամայն իրատեսական և նույնիսկ ակտուալ- դեպրեսիվ դետեկտիվ թրիլլեր՝ լավ սյուժեով, թարմացված կերպարներով, ցնցող վիզուալով և մթնոլորտային սաունդթրեքով, որը պահում և չի թողնում սկզբից մինչև վերջ:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ