«Օսկար» ամենամյա մրցանակաբաշխության արարողությանը հաշված օրեր են մնացել. գլխավոր կինոիրադարձությունը տեղի կունենա մարտի 27-ին։ Սա 94-րդ արարողությունն է, եւ,ինչպես կանխատեսում են անվանի կինոքննադատները, այն լի կլինի ամենատարբեր ինտրիգներով. յուրաքանչյուր անվանակարգի համար լուրջ պայքար կծավալվի։
Մենք առանձնացրել ենք չորս ամենաքննարկվող մրցանակային անվանակարգերն ու դրանք ներկայացնոմ ենք առանձին՝ միաժամանակ փորձելով նաեւ կանխատեսել հաղթողի անունը։
Հիասքանչ կանանց մասին, որոնք առաջադրված են «Լավագույն դերասանուհի» անվանակարգում, արդեն պատմել ենք։ Այսօր կխոսենք սմոքինգներ կրող ջենտլմենների մասին։ «Լավագույն դերասան» անվանակարգում կմրցի հինգ դերասան։
Ուիլ Սմիթ - «Ռիչարդ արքան»
Խավիեր Բարդեմ - «Լինել Ռիկարդո»
Բենեդիկտ Քեմբերբետչ - «Շան ուժը»
Էնդրյու Գարֆիլդ - «Տիկ-տակ, բում»
Դենզել Վաշինգթոն - «Մակբեթ»
Դենզել Վաշինգտոնի անունը, ըստ ամենայնի, ստիպված կլինենք ջնջել ցուցակից։ Դենզելի դերասանական խաղի հետ կապված հարցեր չկան. Ջոել Քոենի ֆիլմում Վաշինգտոնը փայլուն կերպով խաղում է շոտլանդացի լորդի դերը, որը կուրացել է իշխանության հասնելու տենչից և դարձել բռնակալ։ Բայց այս անվանակարգում մրցակցությունը մեծ է, և մրցակիցները ոչ մի կերպ չեն զիջում Դենզելին։ Բացի այդ, Վաշինգտոնն ունի երկու «Օսկար», ուստի նրա հաղթանակը քիչ հավանական է թվում։
Հաճելի կլիներ, եթե Խավիեր Բարդեմը արձանիկը ստանար իր էկրանային (Քիդման) կամ էլ իսկական կնոջ (Պենելոպա Քրուզ) հետ միասին, բայց դրա վրա հույս դնել պետք չէ: «Լինել Ռիկարդո»-ում Խավիերի կերպարը մնում է Նիկոլ Քիդմանի կերպարի ստվերում։ Բարդեմն ավելի տրամաբանական կդիտվեր «Երկրորդ պլանի լավագույն դերասան» անվանակարգում, բայց, ցավոք, նա այդ ցուցակում չկա։
Մյուզիքլ «Տիկ-տակ, բում»-ը կարծես բրիտանացի դերասան Էնդրյու Գարֆիլդի շահեկան ներկայացումը լինի: Նա երգում է, պարում, դաշնամուր նվագում և բառիս բուն իմաստով տարրալուծվում է իր հերոսի մեջ։ Գարֆիլդն արդեն ստացել է «Ոսկե գլոբուս», բայց «Ոսկե գլոբուսում» առաջադրվում են դերասանական անվանակարգեր՝ դրամատիկական ֆիլմում և կատակերգությունում կամ մյուզիքլում խաղացած դերերի համար, ուստի Գարֆիլդի հաղթանակը միանգամայն սպասելի էր։ Սակայն Էնդրյուն դժվար թե «Օսկար» ստանա։
Անվանակարգերի քանակով այս տարի առաջատար է Ջեյն Քեմփիոնի «Շան ուժը» վեսթերնը (12 հատ)։ Ֆիլ Բըրբենքի դերին՝ կոպիտ և կատաղի կովբոյին, Բենեդիկտը մոտեցավ ամենայն պատասխանատվությամբ։ Հանդիստեսը երբեք չի տեսել նման երկիմաստ հերոս, որը թաքցնում է փխրունությունն ու խոցելիությունը։ Բենեդիկտն ունի հաղթելու բոլոր հնարավորությունները:
Ուիլ Սմիթը թենիսիստուհիներ Վեներայի և Սերենայի հոր՝ Ռիչարդ Ուիլյամսի դերում, , պարզապես հիանալի է: Ֆիլմում նա սիրող, բայց պահանջկոտ հայր և մարզիչ է, ով ամեն ինչ կանի իր դուստրերի հաջողության համար:
Սմիթն ընդհանրապես կենսագրական ֆիլմերի վարպետ է. «Ալի» և «Երջանկության հետևից» ֆիլմերի դերերը նրան արդեն անվանակարգեր են բերել, բայց նա դեռ չի հասել բաղձալի արձանիկին։ Սմիթն արդեն ստացել է «Ոսկե գլոբուս», համարվում է բուքմեյքերների ֆավորիտը, ինչպես նաև վերջին տարիներին ընկնում է մի քանի հոլիվուդյան օրակարգերի մեջ, և, վերջապես, չենք մոռանում «Դի Կապրիոյի էֆեկտի» մասին (երկար սպասված «Օսկար», որը պետք է ստանա դերասանը):
Շարունակելի․․․
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ