• 19-րդ «Ոսկե ծիրան»-ի փակումը կազդարարվի Կարին Հովհաննիսյանի «Չտեսնված հանրապետություն» ֆիլմով

  2020 թվականի Արցախյան պատերազմ․․․

• «Արդեն ապացուցել ես, որ մենք կարող ենք միասին անցնել ամեն ինչի միջով․․․»․ Լուսինե Թովմասյանի շնորհավորանքն ամուսնու տարեդարձին

  Սիրառատ լուսանկար․․․

• «Ինքդ քեզ լուսանկարիչ»․ Սոնա Մաթեւոսյանի ծովափնյա կերպարը

  Նոր լուսանկարներ․․․

• «Եկել եմ ամենահամեղ ջրի եւ ամենահաճելի կոնյակի երկիր». Ժաննա Լեւինան Հայաստանում է

  Բարեւ, արեւոտ, գեղեցիկ, հյուրընկալ, Հայաստան․․․

• «3 ամիսն ամռան համար քիչ ա»․ Արեւիկ Ուդումյան

  Արեւից բողոքելով, շոգին չդիմանալով․․․

• Գեղեցիկ կազմվածք, արեւայրուք․ Լիլի Մորտոն՝ լողափնյա կերպարում (վիդեո)

  Գրավիչ․․․

• «Էլեգանտ»․ Էլեն Ասատրյանի երեկոյան լուքը

  Նոր հրապարակում․․․

• Վառ շպար, նորաձեւ սանրվածք․ Վիկտորյա Սահակյանի ոճային լուքը

  Նոր լուսանկար․․․

Այսօր՝ ապրիլի 2-ին, Աուտիզմի իրազեկման միջազգային օրն է, որի շրջանակում Երեւանի ժամանակակից արվեստի թանգարանում տեղի ունեցավ լուսանկարիչ Նարեկ Արշակյանի անհատական ֆոտո-ցուցահանդեսը:

«Աշխարհը՝ աշխարհի մեջ»՝ այսպես է կոչվում ցուցահանդեսը, որը ներկայացնում է տարբեր ոլորտների հայտնի հայերին աուտիզմ ունեցող երեխաների աշխարհում:

Աուտիզմի միջազգային օրը նման կերպ հիշատակելու գաղափարը եղել է ցուցահանդեսի համահեղինակ Լուսինե Ազնավուրյանինը եւ լուսանկարիչ Նարեկ Արշակյանինը.

«Երբ Նարեկի հետ մտածում էինք այս ցուցահանդեսի շուրջ, Աուտիզմի միջազգային օրվան շատ քիչ ժամանակ էր մնացել. շատ մեծ ցանկություն ունեինք նման միջոցառում կազմակերպելու, բայց պետք էր նաեւ ճիշտ գնահատել մեր ուժերը, արդյունքում ամեն բան հասցրինք: Աշխատանքը լարված էր, բայց այն էմոցիաները, որոնք ստացել ենք եւ այն արդյունքն, ինչ ունենք, արդարացնում է մեր ջանքերը»,-NEWS.am STYLE-ի հետ զրույցում նշեց Լուսինեն:

Նախագիծն իրականացվել է 25 օրվա ընթացքում, ցուցադրված է մոտ 46 լուսանկար: Անդրադառնակով իր աշխատանքներին՝ Նարեկ Արշակյանը նշեց, որ գաղափարի հիմքում իր լուսանկարների հորոսների ներաշխարհը ցուցադրելն ու հայտնիներին նրանց աշխարհի մասնակիցը դարձնելն էր:

«Իրենց ոլորտում հայտնի մարդիկ լուսանկարվել են աուտիզմ ունեցող երեխաների հետ. այս գործընթացը բավական հետաքրքիր էր, մենք հայտնվել էինք լրիվ ուրիշ աշխարհում, որն ամբողջությամբ տարբերվում է այն աշխարհից, որում մենք կանք»,-մանրամասնեց լուսանկարիչը՝ հորդորելով իր գործընկերներին միանալ գաղափարին ու բարձրաձայնել սոցիալական թեմաները.

«Ես, առհասարակ, կոչ եմ անում բոլոր լուսանկարիչներին, որ հարսանիքներ ու այլ միջոցառումներ լուսանկարելուց զատ նաեւ օգտագործեն իրենց տաղանդը բացահայտելու համար այն սոցիալական խնդիրները, որի մեջ մենք ապրում ենք, որովհետեւ իրականում դրա կարիքը շատ կա: Սա հրաշալի առիթ է, որպեսզի բոլորին համախմբենք եւ խոշորացույցի ներքո ցույց տանք այսպիսի հարցերը: Մենք ապրում ենք մի հասարակության մեջ, որտեղ այս երեխաներն ունեն հավասար իրավունքներ: Ճիշտ է` նրանք իրենց աշխարհում են ապրում, բայց այն ավելի մաքուր է, քան մերը: Որքան շփվում ենք նրանց հետ, այդքան ավելի ենք համոզվում, որ խնդիրը մեր մեջ է, ոչ թե նրանց»,-ասաց նա:

Ցուցահանդեսը բաց է մինչ ապրիլի 4-ը ներառյալ. մուտքն ազատ է:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում