• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• Վլադիմիր Սահակյանի առաջին հետմահու ցուցահանդեսը մեծ հետաքրքրություն է առաջացրել արվեստասեր հասարակության շրջանում

  Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը...

• Լոնդոնում հայտնվել է Բենքսիի նոր որմնանկարը

  Գիշերը Լոնդոնի հյուսիսում գտնվող բնակելի շենքի վրա հայտնված որմնանկարը հայտնի փողոցային նկարիչ Բենքսիի աշխատանքն է․․․

• Moth and Rabbit օծանելիքի բրենդը թողարկել է Սերգեյ Փարաջանովի «Նռան գույնը» ֆիլմից ոգեշնչված բույր

  Moth and Rabbit լյուքս դասի օծանելիքի բրենդը թողարկել է բուրմունք՝ ոգեշնչված Սերգեյ Փարաջանովի «Նռան գույնը» ֆիլմից, հայտնում է Հայկական կինոընկերությունը․․․

• Կյանքի լույսը Գարիկ Միքայելյանի կտավներում

  Գարիկ Միքայելյանը ԵՊՀ-ի Ֆիզիկայի ֆակուլտետի շրջանավարտ է, ծառայել է Արցախում: Գարիկը նկարել սկսել է զինհաշմանդամություն ստանալուց հետո..

Ապրիլի 9-ից «Դալան» ցուցասրահում բացվել է նկարիչ Արման Օհանյանի «Հոգեբուժարան» ցուցահանդեսը, որը, ինչպես հուշում է խորագիրը, ներկայացնում է նկարներ՝ մարդկային տարբեր հոգեվիճակների մասին:

Երիտասարդ նկարիչը, NEWS.am STYLE-ի հետ զրույցում, պատմեց, որ այս շարքի շուրջ աշխատել է մոտ 7 տարի, իսկ ոգեշնչման աղբյուրը հանդիսացել է հոգեբուժարանի մասին պատմող հայկական վավերագրական ֆիլմերից մեկը, որը դիտելու պահին 8 տարեկան է եղել, ու այնքան է տպավորվել մարդու հոգեբանությամբ, որ տարիներ շարունակ ուսումնասիրելով այն՝ փորձել է փոխանցել իր աշխատանքներում:

«Իմ նկարները բուն հոգեբուժարանի պատերի մասին չեն, այլ՝ մարդկային աշխարհի: Շարքը նկարելու ընթացքում եղել եմ նաեւ հոգեբուժարանում, շփվել տարբեր մարդկանց հետ, քանի որ սեփական փորձը միշտ շատ եմ կարեւորում, եւ դա օգնում է ամեն ինչ ավելի լուրջ ու ռեալ ներկայացնելուն: Իմ բոլոր մտքերը ներառված են այս շարքում»:

Ցուցահանդեսին ներկայացված է մոտ 23 աշխատանք, որոնցից յուրաքանչյուրը ստեղծվել է տարբեր փուլերում՝ ելնելով նկարչի հոգեվիճակից ու հույզերից,-«Բոլոր նկարներում կա նաեւ իմ անձնական հոգեվիճակը, քանի որ կարծում եմ՝ նկարիչները հաճախ հենց իրենց են նկարում, իրենց անհանգստությունները»,-նշեց նա:

Արմանը նկարել սկսել է ինքնուրույն՝ 5 տարեկանից, իսկ ավելի ուշ մասնագիտացել Թերլեմեզյանի անվան գեղարվեստի պետական քոլեջում, որն ավարտելուց հետո ուսումը շարունակել է Մանկավարժական համալսարանում: «Հոգեբուժարան» շարքի շուրջ սկսել է աշխատել ուսանողական տարիներից, եւ առայժմ իր բոլոր աշխատանքներն այս թեմայով են:

Ինչ վերաբերում է ցուցահանդեսին, այն տեւելու է մինչեւ ապրիլի 13-ը ներառյալ:

Սյունե Առաքելյան

Լուսանկարները՝ Վահե Աղամյանի

Հետևեք NEWS.am STYLE-ին Facebook-ում, Twitter-ում և Instagram-ում