«Անահիտ» կինոմրցանակաբաշխության կարմիր գորգն ու հաղթողները (ֆոտո)

10:31, 17 ապրիլի

Հայկական ազգային կինոակադեմիան, «Շարմ» հոլդինգի մասնակցությամբ ու «Թովմասյան» միջազգային հիմնադրամի աջակցությամբ, անցկացրեց երրորդ «Անահիտ» մրցանակաբաշխությունը, որի ընթացքում հայտարարվեցին ոլորտի` նախորդ երեք տարիների լավագույնների անունները:

«Անահիտը» կարեւոր մրցանակաբաշխություն է հայկական կինոյի համար՝ կարծում է ռեժիսոր, սցենարիստ Էդգար Բաղդասարյանը, որը խոստովանում է՝ երկրում տիրող իրավիճակով պայմանավորված՝ սկզբում տարակուսել է՝ արժի՞, արդյոք, մասնակցել միջոցառմանը, սակայն հետո վճռել՝ կինոն կարեւոր ոլորտ է, անկախ ամեն ինչից՝ պիտի շարունակենք նկարել, արարել՝ ի հեճուկս թշնամու:

ARS_1520.JPG (1.35 MB)

«Ես շատ ծանր եմ տանում այն ամենն, ինչ հիմա մեր երկում է կատարվում: Երեք տարի է՝ մեղքի զգացումով ման եմ գալիս՝ գրեթե չեմ շփվում, բայց կինոյի տոնը ոչ թե մեզ համար է, այլ երիտասարդներին ոգեշնչելու՝ նրանց, ովքեր վաղն են գալու կինոյի աշխարհ»:

Ռեժիսորը վստահեցրեց, որ կինոակադեմիայի անդամները ընտրությունը կատարել են հնարավորինս օբյեկտիվ ու թափանցիկ: Նրա խոսքով՝ կարեւորը ոչ թե մրցանակն է, այլ այն չափանիշն ու ոգեշնչումը, որը մրցանակաբաշխությունը փոխանցում է նոր սերնդին:

ARS_1480.JPG (1.05 MB)

«Մշակութայաին քաղաքականությունն, ըստ իս, շուկա ձեւավորելն է, ոչ թե գնալ ընկնել մեջը ու լողալը: Պետք է այն շատ զգուշորեն ձեւավորել, որ հետո ազդի կինոյի որակի վրա, ինչն այսօր շատ տխուր է: Ես այսօր կուզեմ տեսնել, թե մենք ինչպես ենք վերապրում, գիտակցում մեզ հետ կատարվածը, թե մենք ով ենք, որն է մեր մշակութային հիմքը, որի վրա մենք հիմնված ենք, որը մեր ազգային գաղափարախոսությունն է»:

Մրցանակաբաշխությանը ներկայացված էր 12 անվանակարգ, ինչպես նաեւ ներառված էր հատուկ մրցանակ` «Թովմասյան» հիմնադրամի կողմից, որը շնորհվեց Գուժ Մանուկյանին՝ կինոյի զարգացման գործում ունեցած իր ավանդի համար:

Ներկայացնում ենք մյուս հիմնական անվանակարգերն ու հաղթողներին.

«Լավագույն խաղարկային ֆիլմ»

«Երբ որ քամին հանդարտվի», Նորա Մարտիրոսյան

«Լավագույն ռեժիսորական աշխատանք»

«Երբ որ քամին հանդարտվի», Նորա Մարտիրոսյան

«Լավագույն օպերատորական աշխատանք»

«Չնչիկ», Հայկ Կիրակոսյան

ARS_1438.JPG (1.33 MB)