«Միսս Տիեզերք Արմենիա 2019» տիտղոսակիր, մոդել Դայանա Դավթյանը նոր ֆոտոշարք է իրականացրել, որում հանրահայտ Բարբի տիկնիկի կերպարում է: Գեղեցկուհին նշում է, որ թեեւ իրեն հաճախ են նմանեցնում Բարբիի, ինքը երբեք չի ձգտել տիկնիկի նմանվել, իսկ ֆոտոշարքի գաղափարը լուսանկարիչ Անի Ավետյանինն է:
Դայանան NEWS.am STYLE-ին է տրամադրել իր նոր լուսանկարներն ու պատմել գեղեցկուհի լինելու առավելությունների ու թերությունների մասին:
«Բարբիի զգեստը, որը կրում եմ լուսանկարներում, հատուկ այս ֆոտոշարքի համար է կարվել, ընդ որում՝ մեկ օրում: Հեղինակն իմ շատ սիրելի դիզաներ Անահիտ Բավեյանն է, իսկ տիկնիկին բնորոշ դիմահարդարումս վստահել եմ իմ սիրելի Հասմիկ Ժասմինային: \
Ինձ հաճախ են ասում, որ նման եմ Բարբիի՝ հատկապես մեծահասակներից եմ նման կարծիք լսել, բայց դա իմ կողմից դիտավորյալ ընտրված կերպար չէ»,-շեշտեց Դայանան:
Կարծիք կա, թե Բարբի տիկնիկները հաճախ հոգեբանական վատ ազդեցություն են ունենում աղջիկների վրա, քանի որ նրանց համար դառնում են գեղեցկության չափանիշ ու ստիպում նմանվել իրենց: Դայանան նշեց, որ փոքր տարիքում ինքն էլ է ունեցել բազմաոճ բարբիներ, սակայն դժվարացավ ասել, թե ինչ ազդեցություն են թողել տիկնիկներն իր վրա.
«Ունեի շատ բարբիներ, տարբեր զգեստներ էի հագցնում, խաղում էի նրանց հետ, անգամ Բարբիի տնակ ունեի: Հիշում եմ, որ ամեն տարի Ձմեռ Պապիկից Բարբի տիկնիկ էի ուզում (ժպտում է): Չեմ կարող ասել՝ ինչ ազդեցություն են դրանք թողել ինձ վրա. փոքր ժամանակ բոլորս էլ տարբեր խաղալիքներով խաղացել ենք, սակայն հստակ չենք կարող ասել, թե որը ինչ հոգեբանական ազդեցություն է ունեցել: Կարծում եմ՝ ինձ, պարզապես, գրավում էին գեղեցիկ, թիթիզ զգեստները, երկար մազերը…»:
«Միսս Տիեզերք 2019» տիտղոսակիր գեղեցկուհին, որն աչքի է ընկնում յուրահատուկ արտաքինով, նշում է, որ գեղեցկությունն իրեն կյանքում թե´ օգնում է, թե´ խանգարում:
«Ամեն բան կախված է միջաայրից, մարդկանցից, իրավիճակները միշտ տարբեր են, բայց նկատել եմ, որ աղջիկները չեն սիրում տեսնել այլ գեղեցիկ աղջիկների, եւ դա միշտ խանգարում է՝ թե´ աշխատանքի մեջ, թե´ առօրյայում»:
Հարցին՝ արդյոք գեղեցկությունը խանգարո՞ւմ է ինտելեկտը նկատելուն, Դայանան պատասխանեց.
«Չի եղել նման դեպք. միգուցե, ընկերներս մազերիս գույնի հետ կապված կատարկեր անեն, բայց որ լուրջ կասկածի տակ դնեն ինտելեկտս միայն արտաքինի պատճառով` ոչ»:
Մոդելի կարծիքով՝ գեղեցկությունն առաջնահերթ ներսից է բխում,-«Որքան էլ աղջիկը գեղեցիկ լինի, եթե չլինի բարի, կանացի եւ համեստ, դա չի երեւա: Շատ կարեւոր է կանացի էներգետիկան կնոջ մեջ»:
Դայանայի հետեւորդները նկատած կլինեն նաեւ, որ գեղեցկուհին հաճախ սոցցանցերում հրապարակումներ է անում՝ ակնկարկելով, որ սիրտն արդեն զբաղված է: Հարցին՝ արդյոք շուտո՞վ կլինեն անձնական կյանքում նորություններ, մոդելը ժպիտով պատասխանեց՝ «Այս թեման թող գաղտնիք մնա»:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով