Սցենարիստ Անի Մաղաքյանը շուտով հեռուստադիտողի դատին կհանձնի եւս մեկ պատմություն՝ սերիալի տեսքով: Անիի նոր աշխատանքը կոչվում է «Ապրիր ինձ հետ». այն 24 մասից բաղկացած ֆիլմ է, որը հեռարձակվելու է «Նոր Հայաստան» հեռուստաալիքով: Սերիալի գլխավոր հերոսներին մարմնավորում են Անի Խաչիկյանն ու Հայկ Հովհաննիսյանը, ընդգրկված են նաեւ այլ հայտնի դերասաններ, որոնց անուններն ու սցենարային մյուս մանրամասներն Անին բարձրաձայնել է NEWS.am STYLE-ի հետ զրույցում:
«Սերիալը դրամա է՝ համեմված հումորով, դրական էմոցիաներով, թեեւ թեման բավական լուրջ է, բայց ամեն ինչ արել ենք դեպրեսիվ ու բացասական էմոցիաներից զերծ մնալու համար։ Մեր նպատակն էր ցույց տալ, որ, անկախ ամեն ինչից, կյանքը շարունակվում է»,-նշեց Անին,-«Սցենարը սկսել եմ գրել նոյեմբերից։ Դեկտեմբերին մի մասը պատարստ էր, բայց ողջ ձմեռ աշխատել եմ սցենարի շուրջ: Վերջին սերիաներն ավարտել եմ նկարահանումներից օրեր առաջ։ Ավելի քան հինգ ամիս այս պատմությունն ինձ հետ է, վստահ եմ, որ արդյունքը լավ է ստացվել, եւ հեռուստադիտողը շուտով հնարավորություն կունենա գնահատելու այն»,-հավելեց նա:
Սցենարիստի նոր պատմությունն էկրանավորում է ռեժիսոր Հայկ Վարդանյանը, որը բազմիցս աշխատել է Անիի սցենարների շուրջ.
«Միասին աշխատել ենք «Էլենի օրագիր», «Երկուսով», «Բեկորներ» նախագծերի շուրջ։ Սա տարիների համատեղ աշխատանք է, որը թույլ է տալիս ճանաչել միմյանց ձեռագրերը, կես բառից հասկանալ իրար։ Ուրախ եմ, որ նաեւ այս ձեւաչափում ենք համատեղ նախագիծ անելու»:
Անդրադառնալով ֆիլմի պատմությանն ու գլխավոր հերոսներին՝ Անին մանրամասնեց.
«Վերնագիրն արդեն հուշում է՝ պատմությունը կյանքի մասին է, կյանքը սիրելու, կյանքի ամեն վայրկյանը գնահատելու մասին։ Այն մասին, որ մեզանից է կախված՝ կապրենք լիարժե՞ք կյանքով, թե՞ թույլ կտանք հուսահատությունն ու տխրությունը հաղթեն։ Գլխավոր հերոսները Լինան եւ Լեւոնն են։ Հերոսուհին կյանքի շատ բարդ փուլում է. երբ թվում է այլեւս իմաստ չկա պայքարելու, հանդիպում է կյանքն ամբողջովին աշխատանքին ու կարիերային նվիրած հերոսին։ Նրանք իրար մեջ փրկություն են գտնում։ Առաջինը գտնում է համախոհի, իրեն լիովին հասկացող մարդու, երկրորդը վերագտնում է ինքն իրեն, վերադառնում իր երբեմնի երազանքներին ու մարդկային տեսակին։ Հերոսուհուն մարմնավորում է Անի Խաչիկյանը, հերոսը Հայկ Հովհաննիսյանն է: Ֆիլմում զբաղված են նաեւ Ռոբերտ Հակոբյանը, Լիա Զախարյանը, Զիրոյանը, Կարեն Ճաղարյանը եւ այլք։ Պատմությունը շատ չեմ ծանրաբեռնել կերպարներով, որպեսզի հնարավորինս շատ տեղ ու ժամանակ տրամադրվի գլխավոր հերոսների պատմությանը։ Այնուամենայնիվ լավ կազմ է հավաքված, ինչն, իհարկե, չի կարող անտարբեր թողնել»:
Ինչ վերաբերում է սերիալի եթերային մեկնարկին, Անին նշեց, որ դեռեւս դժվարանում է ժամկետներ նշել, քանի որ նկարահանումները բոլորովին վերջերս են սկսել, սակայն հույս հայտնեց, որ, միգուցե, ամռանն արդեն հեռուստադիտողը կկարողանա հետեւել «Ապրիր ինձ հետ» սերիալի հերոսների կյանքի հետաքրքիր զարգացումներին:
Մինչ այդ ձեր ուշադրությանն ենք ներկայացնում մի քանի լուսանկար՝ նկարահանումների բեքսթեյջից:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը