Դերասաններ Նազիկ Բաղդասարյանն ու Արթուր Գեղամյանը սպասում են իրենց երկրորդ երեխային: NEWS.am STYLE-ի հետ զրույցում Նազիկն ասաց, որ գտնվում է ամենաերանելի կարգավիճակում. «Զգացողություններս այլ են, երջանկության չափաբաժինը՝ նույնքան շատ»,-անդրադառնալով առաջին ու երկրորդ հղիությունների շրջանում ունեցած ապրումներին՝ նշեց դերասանուհին:
Ինչպես Նազիկն է ասում՝ այժմ հղիության ամենակարեւոր՝ երրորդ եռամսյակում է, ու կամաց-կամաց պատրաստվում է փոքրիկի հետ հանդիպմանը.
«Հրաշալի եմ ինձ զգում, ես երբեք չեմ դժգոհում, այլ վայելում եմ կյանքի ցանկացած շրջան, իսկ հղիությունն՝ առավել եւս»:
Հայտնի ամուսինների առաջնեկը՝ Դանիելը, լույս աշխարհ է եկել 2013 թ-ին: Զույգը կրկին որդի է ունենալու, որին որոշել են Միքայել կոչել.
«Անվան շուրջ մտածել ենք ընտանիքով, եւ Դանիելն իր մասնակցությունն է ունեցել ու իր կարծիքը հայտնել: Միքայել անունը միասին որոշեցինք, քանի որ վաղուց այդ միտքը կար, եւ հետո Դանիել եւ Միքայել անունները կածես, թե հրաշալի են հնչում»,-մանրամասնեց դերասանուհին, որն այս շրջանում էլ շարունակում է աշխատել նոր երգի շուրջ ու թատրոնում, սակայն նշում է, որ շուտով արդեն դադար կվերցնի:
Բոլորովին վերջերս էլ Նազիկի մասնակցությամբ «Չնչիկ» ֆիլմը Հայկական ազգային կինոակադեմիայի «Անահիտ» մրցանակաբաշխության մի քանի անվանակարգերում հաղթանակ գրանցեց: Ռեժիսոր Արամ Շահբազյանի ֆիլմն էկրաններ է բարձրացել մոտ 17 տարվա աշխատանքից հետո, հետեւաբար դերասանական կազմից շատերն իրենց առաջին լուրջ քայլերն արել են հենց այդ ֆիլմում: Նազիկն էլ ֆիլմում նկարահանվելու շրջանում դեռ ուսանողուհի էր.
««Չնչիկը» այն ֆիլմն էր, որին վաղուց էինք սպասել. ես 2-րդ կուրսի ուսանողուհի էի, երբ քասթինգի միջոցով ստացա դերն ու հնարավորություն ունեցա լինելու այդ հրաշալի ֆիլմի մի մասնիկը: Այս ֆիլմը կյանքս փոխեց, եւ հենց դրա շնորհիվ ես կարողացա տարբերել իսկական կինոն, լավն ու վատը: Ուղղակի, դիտեք ֆիլմը, եւ կհասկանաք, որ ունենք իսկական կինո, թերեւս վերջին հայկական ֆիլմը նկարահանած ժապավենի վրա»,-նշեց դերասանուհին, որի համար դերը հետաքրքիր էր, հատկապես, նրանով, որ իր կարիերայի ընթացքում առաջին բացասական կերպարն էր.
«Ես մարմնավորում էի Չնչիկի քրոջը, որը բավական չարացած աղջիկ է: Չափազանց հետաքրքիր աշխատանք է խաղալ այն, ինչ քեզ հետ կապ չունի: Կյանքումս շատ բան է փոխվել, շատ տեղեր եմ նկարահնվել, խաղացել, բայց այդ ֆիլմը հնարավորություն ինձ տվեց ավելի բարձր արժեքներ գնահատել ֆիլմարտադրության մեջ: Վախով եմ առաջին անգամ նայել ֆիլմը՝ կարծելով, որ, միգուցե, բացեր կունենամ խաղիս մեջ, չէ՞ որ ուսանող եմ եղել, ու առաջին փորձս է եղել նկարահանման, բայց հակառակը՝ հասկացա, որ ամեն բան շատ ճիշտ էր ու բնական: Այնուամենայնիվ, եթե խաղայի այսօր, լիովին այլ կերպ կներկայացնեի այդ կերպարը»:
Խոսելով իր առաջիկա նորությունների մասին՝ երգող դերասանուհին նշեց, որ շուտով նոր հոլովակ է ներկայացնելու իր լսարանին, իսկ մյուս նորությունների մասին պարզ կդառնա ամռանը՝ իր կյանքի այս շրջանի ամենակարեւոր իրադարձության՝ Միքայելի ծնունդից հետո:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ