Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Պրեմիերայի էի գնացել». ինչ-որ բան պակասում է. «Դոկտոր Սթրենջը խելագարության մուլտիտիեզերքում» (առանց սփոյլերի)

14:15, 12 մայիսի

Դոկտոր Սթիվեն Սթրենջի արգելված կախարդանքը դռներ է բացում դեպի մուլտիտիեզերք: Այլընտրանքային տարբերակները մարդկության համար վտանգավոր են դառնում  նույնիսկ այն դեպքում, երբ  Սթրենջը, Վոնգը և Վանդա Մաքսիմոֆը միավորել են  իրենց ուժերը:

«Խելագարության մուլտիտիեզերքը», անկասկած, «Սարդ մարդ։ Տունդարձի ճանապարհ չկա»-ից հետո ստուդիայի ամենաինտրիգային ֆիլմերից մեկն է:  

Որքանո՞վ է  հեղինակներին հաջողվել  արդարացնել հանդիսատեսի սպասելիքները։

Եկեք պարզենք դա։

«Ֆինալ»-ից հետո հանդիսատեսը Marvel-ի յուրաքանչյուր նախագծից արդեն ակնկալում է ինչ-որ մեգաէպիկական բան, ինչն ակնհայտորեն ձեռնտու չէ ստուդիայի մյուս ֆիլմերին, որոնք, իհարկե, կինոտիեզերքի մաս են կազմում։ Բայց դրանք, առաջին հերթին, պետք է լինեն անկախ ֆիլմեր, հետևաբար հանդիսատեսը կարիք չունի սեփական ուռճացված սպասումների զոհը դառնալու։

s1-2.jpg (50 KB)

Ֆիլմը բավականին դինամիկ է, արագ տեմպը թույլ չի տալիս ձանձրանալ։ Այնուամենայնիվ, այն ակնհայտորեն չունի խորություն, որպեսզի հիշվի որևէ ավելի էական բանի համար: Նույն «Տունդարձի ճանապարհ չկա»-ն ցույց տվեց ավելի անձնական դրամա։

Ֆիլմի սցենարը տեղ-տեղ անհավասար է, տեղ-տեղ հստակ նկատվում են սյուժեի անցքեր։ Ավելին, ունենալով ստեղծագործության այդքան ծավալուն շրջանակ՝ ի դեմս մուլտիտիեզերքի, այս ֆիլմի հեղինակները բացահայտեցին այս գաղափարը չափազանց «տեղական», այլ ոչ էպիկական և մեծ մասշտաբով, ինչպես շատերն էին սպասում:

Երկրորդ Դոկտոր Սթրենջի ֆիլմը նկարահանել է Սարդ-մարդը եռերգության ռեժիսոր Սեմ Ռեյմին։

Մաեստրո Ռեյմին անկրկնելի է․ նրա բեմադրությունը բարձրակարգ է, ռեժիսուրայի հետ կապված դժգոհություններ չկան և չեն կարող լինել։ Ինչքան էլ այս ֆիլմը ստուդիայի նախագիծ լինի, այնուամենայնիվ, հստակ  երևում է ռեժիսորի ոճը։

s2-2.jpg (56 KB)

Ժապավենի սարսափ տարրերը, որոնք Ռեյմին բերել է իր հետ, իսկապես սահմռկեցուցիչ են, վախեցնող, դիտարժան և դաժան։

Ֆիլմի անվերապահ զարդարանքը Էլիզաբեթ Օլսենի խաղն է։ Հենց նրա դերասանական տաղանդն է, որ թույլ չի տալիս հանդիսատեսին  կախվել սցենարի բացթողումներից և սյուժեի անցքերից:

Բենեդիկտ Քամբերբեթչը, ինչպես միշտ, ֆիլմում իր դերում փայլում է ամեն րոպե՝  ճնշելով ամեն ինչ և ամենքին իր հոյակապ խաղով և խարիզմայով։

s3-2.jpg (55 KB)

Բայց բոլոր առավելությունների  հետ մեկտեղ ֆիլմը շատ թերություններ ունի, որոնցից ամենամեծը տևողությունն է: Երկու ժամը, ինչպես պարզվեց, շատ քիչ է՝ ամբողջությամբ ցուցադրելու, պատմելու և բացատրելու համար այն ամենը, ինչ տեղի է ունենում էկրանին։ Ամեն ինչ ճիշտ իր տեղը դնելու համար ֆիլմին կարծես պետք է ևս 30ր ժամանակ։

Երկրորդ թերությունն այն է, որ որոշ կերպարներ ներկայացվեցին զուտ որպես սցենարային գործիք: Նրանք պարզապես կատարում են մեկ գործառույթ, թեև պարզ երևում է, որ նրանց մեջ ավելի շատ ներուժ է դրված, քան մեզ ցույց տվեցին։

Արդյունքում՝ եթե ​​խոսենք ֆիլմի մասին ամբողջությամբ, ապա խորհուրդ ենք տալիս նվազեցնել ձեր սպասելիքները ժապավենի հանդեպ։ Այն  հեռու է գլուխգործոց լինելուց, չի հանդիսանում կինոկոմիքսների խորհրդանիշ և   կինոտիեզերքի առաջնորդող աստղ չէ: Այն Marvel-ի միջին դասի հորոր դրամա է: Սակայն Սեմ Ռայմիի աշխատանքի շնորհիվ այս ֆիլմը հիանալի տեսք ունի։

Հաճելի դիտում

Նորայր Նազարյան

 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել