«Եվրատեսիլ 2022»-ում Հայաստանի ներկայացուցիչ Ռոզա Լինն այսօր պատրաստվում է մրցույթում իր եզրափակիչ ելույթին, իսկ մինչ այդ հասցրել է ոչ պակաս բուռն ու հետաքրքիր օրեր անցկացնել Թուրինում: Երգչուհին երեկ ելույթ է ունեցել մրցույթի ժյուրիի համար նախատեսված շոուին, որի շրջանակում մասնակիցներին գնահատում են ժյուրիի անդամները, մայիսի 11-ին հանդիպում է ունեցել Թուրինում բնակվող հայերի հետ, ինչպես նաեւ հասցրել ելույթ ունենալ եվրատեսիլյան հայտնի` Wiwibloggs կայքի կազմակերպած Wiwijam միջոցառմանն ու մի քանի այլ համերգային ծրագրերի, որոնց ընթացքում կատարել է իր Snap երգը, իսկ եվրոպացի երկրպագուները ձայնակցել են նրան:
Посмотреть эту публикацию в Instagram
«Եվրատեսիլ»-ում Հայաստանի պատվիրակության ղեկավար Դավիթ Ծերունյանն ու Հանրային հեռուստաընկերության հանրային կապերի ղեկավար Աննա Օհանյանը NEWS.am STYLE-ին տրամադրել են Ռոզա Լինի հետաքրքիր հանդիպումների կադրերից մի քանիսն ու պատմել Հայաստանի ներկայացուցչի «իտալական արկածների» մասին:
Посмотреть эту публикацию в Instagram
Հայաստանն այս տարի եվրատեսիլյան կիսաեզրափակիչ անցավ չորս տարվա դադարից հետո: Դավիթ Ծերունյանի խոսքով՝ թեեւ եվրոպացի գործընկերները, միանշանակ, վստահություն էին հայտնում Հայաստանի՝ այս տարվա հաջողության մասին, պատվիրակության հուզմունքն, այնուամենայնիվ, մեծ է եղել.
«Տպավորություններն ավելի, քան դրական են, ու շատ հուզված էինք, երբ կանաչ սենյակում նստած էինք, ու հայտարարեցին, որ Հայաստանն անցնում է եզրափակիչ փուլ: Իհարկե, փորձերի ընթացքում թե´ այլ երգիչերի, թե´ պատվիրակությունների ղեկավարների, թե´ պրոդյուսերների կողմից անընդհատ գովեստի խոսքեր էի լսում, ոգեւորում էին, ասում, որ Ռոզան ունի հրաշալի վոկալ, ունի լավ երգ, լավ բեմադրություն, որ ամենալավերից մեկն ենք առաջին կիսաեզրափակչի»,-ասաց «Եվրատեսիլ»-ում Հայաստանի պատվիրակության ղեկավարը: Նա նաեւ խոսեց կիսաեզրափակչի ելույթի ընթացքում հայ երգչուհու ցուցաբերած պրոֆեսիոնալիզմի մասին: Գուցե, շատերը նկատած էլ չլինեին, որ Ռոզա Լինի ելույթի ժամանակ դեկորը փոքրիկ խնդիր էր առաջացրել, եւ երգչուհին ստիպված է եղել երկրորդ փորձից պոկել այն:
«Այո, դեկորի հետ կապված, իսկապես, խնդիր կար, եւ առաջին անգամ էր, որ նման բան էր լինում, այն էլ՝ հենց ուղիղ եթերի ժամանակ: Դրանից առաջ մի քանի անգամ փորձ էինք ունեցել, եւ երբեք նման դեպք չէր գրանցվել: Այդ պահին ես մեր բեմադրող ռեժիսորների հետ միասին ետնաբեմում էի, էկրանին դիտում էի ելույթը` շատ լարված, որովհետեւ փորձում էի միանգամից մի քանի բանի վրա կենտրոնանալ՝ լույսեր, տեսախցիկների աշխատանք եւ այլն, ու երբ Ռոզան քաշեց դեկորն ու ընդամենը մեկ թուղթ պոկվեց, ինչ խոսք, մի փոքր ցնցվեցի (ծիծաղում է):
Բայց այս պամության մեջ ամենակարեւորն այն էր, որ Ռոզան բացարձակ չշփոթվեց` եւս մեկ անգամ փորձեց, ու թուղթը պատռվեց, կարողացավ շարունակել բեմադրությունը, եւ այն, ինչ տեղի ունեցավ, հասկացան միայն այն երկրպագուներն ու լրագրողները, ովքեր հասցրել էին տեսնել փորձերը: Կարծում եմ` հեռուստադիտողներից շատերը, նույնիսկ, չէին մտածել, որ դա խնդիր էր, ինչն, իհարկե, խոսում է Ռոզայի բարձր պրոֆեսիոնալիզմի մասին, եւ դա թե´ ինձ, թե´ մեր թիմին շատ ուրախացնում է: Մենք շատ հպարտ ենք, որ հենց Ռոզան է մեզ այս տարի ներկայացնում, հպարտ ենք իր ելույթով, իսկ մնացածն արդեն եզրափակչում կտեսնենք. ամեն բան կախված է ժյուրիի եւ հեռուստադիտողի քվեարկությունից»:
Կիսաեզրափակչում Հայաստանի ելույթից ոգեւորված հայերը հաջորդ օրը հանդիպում են կազմակերպել Ռոզա Լինի հետ: Աննա Օհանյանի խոսքով՝ այն անցել է ջերմ մթնոլորտում եւ էլ ավելի է ոգեւորել մեր պատվիրակին:
«Թուրինում բնակվող մեր հայրենակիցները մեզ հրավիրեցին հայկական ռեստորան, որտեղ հավաքվել էին ընտանիքներով: Նրանք Ռոզային շրջապատեցին, լուսանկարվեցին եւ, իհարկե, ջերմ խոսքեր ասացին: Շատ դրական օր ստացվեց»:
Եզրափակչին հաշված ժամեր են մնացել, բայց Ռոզա Լինը փորձերին զուգընթաց շարունակում է հարցազրույցներ տալ ու իր ելույթի վերջին շտկումներն անել:
«Որքան մոտեցավ եզրափակչի օրն, այնքան աշխատանքներն ավելի թեժացան, մեծացավ հետաքրքրությունը Ռոզայի հանդեպ: Չի անցել մի օր առանց հարցազրույցների. Ռոզան զրուցել է ինչպես իտալական հայտնի լրատվամիջոցների, այնպես էլ եվրոպական մեծ պահանջարկ վայելող մեդիաընկերությունների հետ. թե´ առաջատար, թե´ ֆան կայքերը շատ հետաքրքրված են մեր մասնակցով, ինչը ոգեւորիչ է»,-նշեց Աննան:
«Եվրատեսիլ 2022»-ի եզրափակիչը տեղի է ունենալու այսօր՝ մայիսի 14-ին. մրցույթին կարող եք հետեւել Երեւանի ժամանակով 23:00-ին՝ Առաջին ալիքի ուղիղ եթերով: Ռոզա Լինն իր Snap երգով ներկայանալու է 8-րդ համարի ներքո:
Սյունե Առաքելյան
Լուսանկարները՝ EBU-ի եւ Armenia in Eurovision-ի Instagram-ից
Հետևեք NEWS.am STYLE-ին Facebook-ում, Twitter-ում և Instagram-ում
21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից11:17, 18 ապրիլի
Ջիջի Հադիդը կիսվել է Victoria's Secret-ի նոր գովազդային արշավի կուլիսային կադրերով10:30, 18 ապրիլի
«Դիսնեյլենդ» այցելելու համար Բիանկա Սենսորին ընտրել էր համեմատաբար համեստ հանդերձանք, սակայն հրաժարվել էր կոշիկներից