Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Շատերը չգիտեին, որ Լիլիի քույրն եմ, ու շոկի մեջ էին». Թերեզա Մարտիրոսյանը՝ «Women’s Club»-ում Լիլի Մորտոյին ժամանակավոր «փոխարինելու» մասին

16:31, 25 մայիսի

Women’s Club-ի նախորդ թողարկումը շատերի համար անակնկալ էր. բեմից բացակայում էր ակումբի ամենավառ կերպարներից մեկը՝ Լիլի Մորտոն, որն այս շրջանում ԱՄՆ-ում է, բայց նախագծում նրան փոխարինելու էր եկել նրա հարազատ քույրը՝ մոդել Թերեզա Մարտիրոսյանը: Թերեզան թե´ արտաքուստ, թե´ իր կերպարով չափազանց տարբեր է Լիլիից, եւ այս առումով շատերը զարմացած էին՝ մի՞թե նա, իսկապես, Լիլի Մորտոյի քույրն է, եւ արդյոք հնարավո՞ր է, որ Լիլիի վերադարձի դեպքում էլ մոդելը շարունակի նկարահանվել հումորային նախագծում՝ համալրելով դրա հիմնական կազմը: NEWS.am STYLE-ը Թերեզայի հետ զրուցեց հումորային նախագծում լինելու առաջին փորձի, Լիլիին փոխարինելու դժվարության ու նկարահանվելու հնարավոր շարունակության մասին:

Մոդելը խոստովանեց, որ երբ ստացել է Women’s Club-ում լինելու առաջարկը, սկզբում տարակուսել է, քանի որ չնայած տարբեր հոլովակներում նկարահանվելու փորձերին՝ հումորային նախագիծն իր համար բացարձակ նորություն էր:

282252758_3246870055582923_4157452479666346538_n.jpg (117 KB)

«Նախագծում լինելու առաջարկը ստացել եմ հենց սցենարիստներից: Քույրս՝ Լիլին էլ ասում էր, որ անպայման ընդունեմ այն, որ հետաքրքիր կլինի եւ նոր բան կփորձեմ, բայց ես սկզբում մտածում էի, որ դա իմը չէ, չէի կարծում, թե ինձ մոտ նախագծում նկարահանվելը լավ կստացվեր… Սակայն հետո որոշեցի, որ կյանքում ոչինչ հենց այնպես չի լինում, ու եթե կա առաջարկ, պետք է փորձել»,-պատմեց նա՝ չհերքելով,-«Իրականում դա շատ ռիսկային քայլ էր, քանի որ հենց Լիլիի համար շատերն են դիտում հաղորդումը, ու նրա բացակայության դեպքում նրան փոխարինելը, կարծում եմ, դժվար է: Իսկ աղջիկների հետ աշխատելը շատ հեշտ էր, ու այն, որ ես լարված չէի, հենց նրանցից էր գալիս: Թե´ փորձերի ժամանակ, թե´ ետնաբեմում նրանք ինձ օգնել են, որ ամեն բան լավ ստացվի ինձ մոտ: Ուզում եմ շեշտել, որ աղջիկներն, իրականում, շատ ավելի լավն են, քան եթերից կարող եք զգալ, ու սա, պարզապես, գովասանք չէ»:

Առաջին թողարկումից հետո Թերեզան արդեն լսել է դրական արձագանքներ, ասում է՝ շատերն էին զարմացել իրեն նոր ձեւաչափում տեսնելով.

283619406_333595485553183_3101156324146597931_n.jpg (83 KB)

«Դեռ միայն լավ արձագանքներ եմ ստացել: Շատերը չգիտեին, որ ես Լիլիի քույրն եմ, ու շոկի մեջ էին, քանի որ մենք շատ տարբեր ենք ամեն առումով: Ուրախ եմ այդ դրական արձագանքների համար, ու կարող եմ ասել, որ իմ մասնակցությամբ երկրորդ եթերն ավելի հետաքրքիր է լինելու: Առհասարակ, փորձել ենք անել այնպես, որ մաքսիմալ որակով ստացվի ամեն ինչ, չլինեն վուլգար բաներ»,-նշեց մոդելը՝ շեշտելով,- «Ես կուզեի, որ մարդիկ հաղորդումը դիտելիս, հասկանան, որ դա հումորային նախագիծ է, եւ երբ, օրինակ, Լիլիին տեսնում են այդ կերպարում, պետք է հասկանան, որ դա, ուղղակի, կերպար է, որը, գուցե, սիրվի, կամ՝ ոչ, քանի որ չես կարող բոլորի համար լավը լինել: Նույնն էլ իմ դեպքում է»:

Թերեզան նշեց, որ հեռուստադիտողն իրեն նախագծում կտեսնի առաջիկա հինգ հաղորդումների ընթացքում. թե ինչ կլինի հետագայում, մոդելը դժվարացավ ասել.

283294591_1033798737566152_693739334137754693_n.jpg (105 KB)

«Ժամանակի բերումով չգիտեմ՝ ինչպես կստացվի, քանի որ ունեմ նաեւ այլ աշխատանք, այլ նկարահանումներ: Առայժմ այն, ինչ նկարել ենք, ժամային առումով ինձ հարմար է եղել»:

Ինչ վերաբերում է հետագա այլ առաջարկներին՝ մոդելն ասաց.

«Հումորային նախագծում նկարահանվելը, կարծում եմ, այդքան էլ իմը չէ, քանի որ ես այլ բաների եմ ձգտում կյանքում, բայց հետագայում եթե լինեն նոր առաջարկներ, կարող եմ մտածել դրանց շուրջ: Այս պահի դրությամբ, այնուամենայնիվ, շատ մեծ ձգտում չունեմ դեպի այդ ոլորտը»:

Սյունե Առաքելյան

Լուսանկարները տրամադրել է Թերեզա Մարտիրոսյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել