Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Նոր գլխավոր հերոսներ ու զարգացումներ․ «Կհանդիպենք անտառի տնակում» սերիալը կվերադառնա 2-րդ եթերաշրջանով

15:30, 2 օգոստոսի

«Կհանդպենք անտառի տնակում» հեռուստասերիալը վերադառնում է եթեր։ 24 մասից բաղկացած հեռուստաֆիլմը, որը պատմում էր գյուղում հայտնված հարուստ աղջկա, նրա արկածների ու այնտեղ գտած սիրո մասին, երկրորդ եթերաշրջանում հեռուստադիտողին կներկայացնի նոր գլխավոր հերոսների ու նոր պատմություն։ 

Առաջին եթերաշրջանում գլխավոր կերպարներին՝ Լյուսիին ու Վարդանին, մարմնավորում էին Իննա Խոջամիրյանն ու Բեն Ավետիսյանը, որն այս շրջանում Միացյալ Նահանգներում է։ Այդպիսով, նոր եթերաշրջանում այս զույգին չեք տեսնի, բայց կլինեն այլ հետաքրքիր զարգացումներ, որոնց մասին սցենարիստ Անի Մաղաքյանը պատմել է NEWS.am STYLE-ի հետ զրույցում։

225399516_4882942388401067_4621490027687993132_n.jpg (266 KB)

Անին անկեղծորեն նշեց, որ երբ գրում էր առաջին եթերաշրջանի սցենարը, երկրորդի մասին դեռ խոսք չկար, բայց կանխազգում էր, որ լավ գործ է ստացվելու․

«Այնպես է ստացվել, որ նման հարցերում երբեք չեմ սխալվել, «Կհանդիպենք անտառի տնակում» նախագիծը բացառություն չեղավ։ Առաջին եթերաշրջանի հաջողությունից հետո, հեռուստադիտողների խնդրանքներով ու արձագանքներով առաջնորդվելով, կայացվեց որոշում՝ անպայման անել երկրորդ եթերաշրջան»,-ասաց Անին՝ բացահայտելով նաեւ, թե ինչ լուծումներ են գտել նոր եթերաշրջանի համար․ 

295949621_2237961883022573_7274506977771023996_n.jpg (64 KB)

«Ըստ սյուժեի՝ Վարդանը եւ Լյուսին՝ առաջին եթերաշրջանի գլխավոր հերոսները, ամուսնական ճանապարհորդության են մեկնել։ Փոխարինվել են ոչ թե դերասանները, այլ հերոսները։ Նոր հերոսներ են, նոր կերպարներ։ Երկրորդ եթերաշրջանն ունի ընդհանրություններ առաջինի հետ, բայց, միեւնույն ժամանակ, ինքնուրույն զարգացող պատմություն է։ Այս անգամ գլխավոր հերոսուհին Լիլիթն է, որին մարմնավորում է Մարիամ Ադամյանը։ Նա որոշ հանգամանքների բերումով ժամանում է Լեռնաբերդ եւ ստիպված է մնալ այնտեղ։ Նոր հերոսուհին կտրուկ տարբերվում է արդեն սիրված Լյուսիից, փորձել եմ այս կոնտրաստի միջոցով թարմություն հաղորդել պատմությանը։ Լեռնաբերդցիներին են միացել նաև Բազմաշեն գյուղից (գյուղի անունը հորինված է) երկու բնակիչ»։ 

Սցենարիստի խոսքով՝ այս անգամ պատմության առանցքում Մոսոն է, որին մարմնավորում է Կարեն Ճաղարյանը, «որի բախտը սիրո հարցում առաջին եթերաշրջանում այդքան էլ չբերեց»։ Սերիալում իրենց կերպարային գծերը կշարունակեն նաեւ Ջուլիա Եղշատյանը, Իրինա Այվազյանը, Ռոբերտ Հակոբյանը, Սուսաննա Բաղդասարյանը, Ալինա Ավետիսյաը եւ այլք․

«Ուրախ եմ, որ թիմին են միացել նաեւ Վարուժան Մարգարյանը, Միկա Ղափլանյանը եւ Հայկ Հովհաննիսյանը»,-հավելեց Անին։

Khandipenq antari tnakum2.jpg (163 KB)

Սերիալի նկարահանումներն արդեն սկսվել են։ Ինչպես նախորդ եթերաշրջանում, այս անգամ էլ դեպքերի զարգացման վայրը նույնն է՝ Քարինջ գյուղը։ Անին դժվարացավ կոնկրետ ժամանակացույց նշել սերիալի եթերային մեկնարկի մասին՝ հույս հայտնելով, որ աշնանն, այնուամենայնիվ, արդեն հնարավորություն կունենան ուրախացնելու իրենց հավատարիմ հեռուստադիտեղին։ Սերիալի ռեժիսորն ու պրոդյուսերը Սերգեյ Հայրապետյանն է․ այն կհեռարձակվի «Նոր Հայաստան» հեռուստաալիքով։

Սյունե Առաքելյան
Լուսանկարները՝ հայտնիների ֆեյսբուքյան եւ ինստագրամյան էջերից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել