• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

  Մենք փորձել ենք այս անգամ բացահայտել, թե որն է ամուսնանալու լավագույն տարիքը եւ ինչպես են մարդիկ վերաբերվում դավաճանություններին․․․

• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

• «Հասկացա, որ պատկանում եմ այս վայրին». հնդիկ գրող Արջուն Կրիշնա Լալը Հայաստանում իր արկածների մասին պատմող գիրք է գրել

  Հնդիկ գործարար, ժամանակակից գրող, Penguin Harper-Collins-ի հեղինակ Արջուն Կրիշնա Լալը Հայաստանում իր արկածների մասին պատմող գիրք է գրել՝ «Կյանք, Սեր, Գինի»…

• Առաջին անգամ Հայաստանում կներկայացվի լեգենդար Էնիո Մորիկոնեի հեղինակային ծրագիրը

  «Երևանյան հեռանկարներ» 25-րդ միջազգային երաժշտական փառատոնը շարունակում է ներկայացնել իրադարձային համերգների շարքը...

• Աֆիշա․ ո՞ւր գնալ այս շաբաթ

  NEWS.am STYLE-ն առաջարկում է․․․

Orange Fitness-ի բացօթյա լողավազանի տարածքում մարզիչ Սեւան Շահմիրյանը համախմբել էր մարզասրահի հաճախորդներին, ընկերներին ու այլ հյուրերի, բայց այս անգամ՝ ոչ մարզման նպատակով։ Իրեն 50%-ով մարզիչ, մնացած 50-ը՝ երաժիշտ համարող Սեւանը հանդես եկավ իր երկրորդ խոշոր համերգային ծրագրով, որի շրջանակում հնչեցին նրա հեղինակային ստեղծագործությունները։

Սեւան Շահմիրյանը երաժշտական ուղին սկսել է ռոք երաժշտության մեջ՝ աստիճանաբար անցնելով էլեկտրոնայինի, սակայն ինչպես ինքն է նշում՝ իր ընկալումներում այս ոճը տարբերվում է շատերին ծանոթ բիթային տրամադրությունից․ Սեւանն իր երաժշտությամբ ցանկանում է մարդկանց մտածելու, խորհելու տեղիք տալ։ Հենց այդ նպատակով էլ մարզիչ-երաժիշտն, ընկերների աջակցությամբ, կազմակերպել էր իր հերթական համերգը․

«Պարզապես ուզում եմ, որ մարդիկ ավելի լավ ծանոթանան իմ երաժշտությանը։ Իմ ոճը փոքր-ինչ տարբերվում է այն էլեկտրոնային երաժշտությունից, որն, ընդհանրապես, շատերը լսում են, որովհետեւ այն ավելի դանդաղ է, եւ նպատակս է, որ ոչ միայն պարեն իմ երաժշտության ներքո, այլեւ մտածեն։ Ես, մոտավորապես, 14 տարի նվագել եմ ռոք խմբում, ռոքից միանգամից անցել եմ էլեկտրոնային ժանրին․ առհասարակ, այն երաժշտությունը, որն այս ոճում հնչում է, քիչ մեղեդի է պարունակում, ավելի շատ ռիթմ է ներառում, բայց իմ գործերի մեջ կա մեղեդի, կա խոսք, որը հնչում է աշխարհին հայտնի տարբեր մարդկանց ձայներով։ Ուզում եմ, որ այն լսելով ժողովուրդն ավելի շատ մտածի։ Ես շատ եմ գրում, բայց իմ ընդհանուր ասելիքն այն է, որ յուրաքանչյուրը լինի անկեղծ, աշխատի ու դառնա իր լավագույն տեսակը»,-NEWS.am STYLE-ի հետ զրույցում ասաց նա։

Սեւանի հաճախորդներն արդեն ծանոթ են իրենց մարզչի տաղանդին, ամեն անգամ սիրով ներկայանում են նրա մասնակցությամբ համերգներին, հերթականը՝ բացառություն չէր։ Իր մարզումները եւս Սեւանը նախընտրում է անցկացնել երաժշտության ներքո։ Ասում է՝ երաժշտությունն ու սպորտը միմյանց օգնում են․ այն էներգիան, որը ստանում է, որպես մարզիչ, հետո ներդնում է իր ստեղծագործությունների մեջ։

Համերգին Սեւանը նվագեց ու կատարեց 18 ստեղծագործություն՝ ինչպես իր Fractals ալբոմից, այնպես էլ՝ նոր գործեր, որոնք հանդիսատեսն առայժմ հնարավորություն ունի լսելու միայն կենդանի կատարումներով։ Ինչպես նախապես ծրագրել էր՝ ստիպեց իրեն հետեւելով կտրվել առօրյայից ու մտորել, շարժվել, լսել ու հասկանալ․․․

Առանց երաժշտության իր կյանքը չպատկերացնող Սեւանը մեծ ցանկություն ունի, որ իրեն ճանաչեն ոչ միայն որպես մարզիչ, այլեւ՝ երաժիշտ։ Ճանապարհին դժվարությունները շատ են, բայց մարզիչ-երաժիշտը պատրաստ է հաղթահարել դրանք՝ կյանքի կոչելով իր նպատակները․

«Որպես երաժիշտ, ինչպես մյուսները, ես էլ՝ ուզում եմ, որ իմ երաժշտությունը լսեն։ Գիտեմ, որ պատանիները, գուցե, մեծ հետաքրքրություն չունենան այս ոճի հանդեպ, կարծում եմ՝ այն ավելի հոգեհարազատ է իմ հասակակիցներին, բայց ուզում եմ, որ երաժշտության միջոցով ասելիքս հասանելի լինի բոլորին»։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում