News.am Style -ը ներկայացնում է Արցախյան պատերազմների եւ հակամարտության մասին պատմող 5 գեղարվեստական ֆիլմեր, որոնք պետք է դիտել:
«Զեմլյակ»
Կարճամետրաժ դրաման, որը նկարահանվել է 2010 թվականին Շարմ Հոլդինգի կողմից, Էդգար Բաղդասարյանի եւ Կարեն Հովհաննիսյանի համատեղ աշխատանքն է եւ հիմնված է իրական պատմության վրա: Գլխավոր դերում Խորեն Լեւոնյանն է: Ֆիլմում նկարահանվել են մաեւ Ալեքսանդր Խաչատրյանն ու Բաբկեն Չոբանյանը:
Ֆիլմի սյուժեն ծավալվում է 1992 թվականին`պատմելով հայ հետախույզների մասին, որոնք անցնում են ձյունապատ լեռներով: Նրանցից մեկը ի վիճակի չի լինում շարունակել ճանապարհը եւ հրամանատարը հրամայում է մնալ տեղում եւ սպասել օգնության, ինչը կերպարի համար բարդագույն հոգեբանական ընտրություն կատարելու հրամայական է դառնում:
«Զեմլյակ»-ը դասվում է ֆիլմերի շարքին, որոնք պատերազմից բացի նաեւ խաղաղության կոչ են անում:
«Կյանք ու կռիվ»
Ֆիլմը էկրաններ է բարձրացել 2016 թվականին. ռեժիսորը Մհեր Մկրտչյանն է: Այն լիամետրաժ ֆիլմ է, որի գործողությունները ծավալվում են 1990-ից 1992 թվականներին`Երեւանում եւ Արցախում:
Ֆիմը պատմում է դպրոցական տարիներից ընկերացած 4 տղաների եւ իրենց 2 քույրերի մասին: 25-ամյա հերոսները տարբեր ճակաըագրեր ունեն, սակայն բոլորին միավորում է մեկ պատմություն`Արցախյան ազատամարտը: Արմենը թարգմանիչ է՝ կադրային զինծառայողի որդի։ Տիգրանը մաթեմատիկայի ուսուցիչ է եւ դասավանդում է գյուղական դպրոցում՝ խուսափելով զինծառայությունից։ Էդուարդը, ում ընտանիքը տեղափոխվում է Միացյալ Նահանգներ, նկարիչ է։ Իսկ Լեւոնը վիրաբույժ է եւ արդեն երկար տարիներ ապրում է Մոսկվայում, որտեղ նրա հայրը կլինիկայ է ղեկավարում։ Երեք ընկերները սիրահարված են Աննային՝ Արմենի քրոջը եւ հանուն ազնվության պայմանավովում են, որ աղջկա սիրտը գրավելու համար յուրաքանչյուրը 3 ամիս ունի՝ առանց միիմյանց խանգարելու: Ֆիլմում քաղաքի սովորական տղան դառնում է հերոս՝ պատերազմի հերոս:
Ֆիլմում օգտագործվել են իրական կադրեր Շուշիի ազատագրումից, րական զինտեխնիկա եւ զինամթերք: Հերոսներին մարմնավորել են Սամվել Թադեւոսյանը, Անի Խաչիկյանը, Հայկ Պետրոսյանը, Սամվել Թոփալյանը, Դավիթ Հակոբյանն ու այլոք:
«Վերջին բնակիչը»
Ֆիլմը արցախցի ռեժիսոր Ջիվան Ավետիսյանի հեղինակային աշխատանքն է, որը նկարահանված է Ծովինար Խաչատրյանի «Գյուրջեւանի վերջին բնակիչը» պատմվածքի հիման վրա`Մասիս Բաղդասարյանի հետ համատեղ մշակված սցենարով: Այն 5 պետությունների՝ Հայաստանի, Լիտվիայի, Շվեդիայի, Լիբանանի եւ ԱՄՆ-ի համատեղ արտադրություն է: Ֆիլմի նկարահանումները կատարվել են Արցախի Խաչմաչ գյուղում:
2017 թվականին Ֆիլմն առաջադրվել է 74-րդ «Ոսկե Գլոբուս» մրցանակաբաշխությանը։ Ցուցադրվել է Շանհայի 20-րդ Միջազգային կինոփառատոնի պաշտոնական՝ «Պանորամա» ծրագրում, Վենետիկի 74-րդ միջազգային կինոփառատոնի Venice Production Bridge -ում եւ Սկանդինավյան միջազգային կինոփառատոնում հաղթող է ճանաչվել միանգամից երկու՝ «Լավագույն լիամետրաժ ֆիլմ» եւ «Լավագույն դերասան» անվանակարգերում։
Ֆիլմը պատմում է պատերազմի ընթացքում գյուղում միայնակ մնացած Աբգարի եւ նրա դստեր մասին, ով Սումգայիթյան ջարդերի ականատես է եղել եւ հոգեկան խնդիրներ ունի:
Ֆիլմում ննկարահանվել են Ալեքսանդր Խաչատրյանը, աշխարհահռչակ պարսիկ դերասան Հոմայուն Էրշադին, լատվիացի դերասանուհի Սանդրա Դաուկշայտե Պետրովլենեն, հույն դերասանուհի Դիմիտրա Խուտապին եւ այլոք: Ֆիլմի երաժշտության հեղինակը System of A Down ռոք խմբի մեներգիչ Սերժ Թանկյանն է:
«Իմ Խաչը»
Իրական պատմությունների հիման վրա նկարահանված գեղարվեստական ֆիլմ է, որը ներկայացնում է 1991-1992 թվականներին արցախյան ազատագրական պայքարի մասնակիցների սխրանքների մասին: Ֆիլմը էկրաններ է բարձրացել 2019 թվականին:
Նախագծի մեկնարկը տրվել է 2014 թվականին՝ «Ռակուրս» եւ մոսկովյան «AP Cinema» ընկերութիւնների կողմից՝ Հայաստանի ազգային կինոկենտրոնի հետ համատեղ: Ֆիլմում տեղ են գտել Շավարշ Վարդանյանի անձնական արխիվից երբեւէ չհանրայնացված վավերագրական կադրեր:
Ֆիլմի սյուժեն հյուսվում է Բաքու գործուղված ֆրանսիացի բժիշկ Ժակի եւ որդեկորույս հայ կնոջ՝ Սոնայի ճակատագրերի շուրջ: Երկու հերոսները միասին բազմաթիվ փորձություններով են անցնում եւ իրենց անձնական դրաման հաղթահարում միմյանց հանդեպ նվիրման շնորհիվ:
Ֆիլում խաղացել են Նարինե Գրիգորյանը, Երո Մուրյանը, Բորիս Խովոշնեանսկին, Սարգիս Գրիգորյանը, Շանթ Հովհաննիսյանը, Գնել Ուլիխանյանն ու այլոք:
«Գարուն ա...»
Ֆիլմ՝ պատերազմի, սիրո, մեր օրերի նվիրյալների, միասնության, պետական մտածողության կերտման ու հայրենասիրության մասին՝ երեք սերունդների աչքերով. այն էկրաններ է բարձրացել 2022 թվականին:
Ֆիլմի ռեժիսորը Ռոման Մուշեղյանն է, գլխավոր պրոդյուսերը դերասան Ալեքսանդր Խաչատրյանը, սցենարի հեղինակը Հարություն Ղուկասյանը: Ֆիլմի երաժշտության հեղինակը Արման Էլբերտն է: Aratta Production-ի, Vision Studio-ի, Phoenix Art Foundation-ի համատեղ արտադրությունն է: Ֆիլմի ստեղծման գաղափարը գլխավոր պրոդյուսեր եւ դերասան Ալեքսանդր Խաչատրյանինն է:
Ֆիլմի սյուժեն պտտվում է երեք հերոսների՝ պապի, որդու եւ թոռան ծուրջ, որոնցից յուրաքանչյուրն արտացոլում է մերօրյա հասարակության մտածելակերպը: Պապը, ով պահեստազորային գնդապետ է եւ մասնակցել է Արցախյան ազատամարտին, կարծում է, որ թոռը պիտի ծառայի բանակում, իսկ որդին՝ բիզնեսմեն Գնելը մինչ օրս չի ներել հորը՝ հայրենիքն ընտանիքից վեր դասելու համար: Թոռը երաժիշտ է եվ ծնողները ցանկանում են, որ Եվրոպայում պրոֆեսիոնալ կրթություն ստանա, սակայն տղան, ոգեւորված պապի գաղափարափոսությամբ, մեկնում է զինվորական ծառայության եւ հենց այդ ժամանակ էլ սկսվում է Արցախյան քառօրյա պատերազմը:
Գլխավոր հերոսներին մարմնավորել են Ալեքսանդր Խաչատրյանը, Լեւոն Հախվերդյանը, Արմեն Մարգանյանը, Մարջան Ավետիսյանը, Ալիս Կապլաջյանը եւ Եվա Զոհրաբյանը:
Հետևեք NEWS.am STYLE-ին Facebook-ում, Twitter-ում և Instagram-ում
13:05, 19 մարտի
Վալերի Լեոնտեւը հեռանում է բեմից12:20, 19 մարտի
Բրյուս Ուիլիսի դուստրն առաջին անգամ հայտնել է, որ աուտիզմ ունի11:50, 19 մարտի
Ֆիլիպ Կիրկորովը մեջքին երեխաների անուններով դաջվածք է արել11:25, 19 մարտի
Բրիտանացի դերասան Ահարոն Թեյլոր-Ջոնսոնին «պաշտոնապես առաջարկվել է Ջեյմս Բոնդի դերը խաղալու հնարավորություն»10:44, 19 մարտի
Նա նորից դա արեց. Բիանկա Սենսորին շարունակում է ցնցել իր ներքնազգեստի բացակայությամբ10:15, 19 մարտի
Նատալյա Եփրիկյանը՝ Comedy Woman շոուն փակելու եւ Հայաստան տեղափոխվելու մասին09:00, 19 մարտի
ՄԱՐՏԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:07, 18 մարտի
«Սելֆիի մշակույթը» մարդկանց ստիպում է դիմել պլաստիկ վիրահատությունների, որպեսզի նմանվեն ֆիլտրացված լուսանկարներին22:10, 18 մարտի
Մոնիկա Բելուչիի դուստրը Dior-ի նոր դեսպանն է դարձել21:30, 18 մարտի
«Արյան վրեժը», խմիչքը և Տիխուանան - «Կեսար» աղցանի ծագման պատմությունը21:04, 18 մարտի
Seven Visions, The Dvin-ը հաղթել է World Travel Awards Europe Gala Ceremony 2024-ի վեց հեղինակավոր անվանակարգերում20:15, 18 մարտի
Կյանքի լույսը Գարիկ Միքայելյանի կտավներում