Yans Music Hall-ում նոյեմբերի 29-ին կայացավ «Ռեինկարնացիա» խմբի մենահամերգը: Խմբի հիմնադիրն ու առաջատարը՝ Ռոլանդ Գասպարյանը, NEWS.am STYLE-ի հետ զրույցում նշեց, որ հատուկ է վերադարձել Միացյալ Նահանգներից՝ մենահամերգով հանդես գալու համար:
«Մի քանի ամիս է, ինչ Ամերիկայի Միացյալ Նահանգներում էի: Որոշել էի, որ երբ վերադառնամ Հայաստան, համերգ պետք է տամ: Երբ մենահամերգով ես հանդես գալիս, պետք է ամեն ինչ անես, որ որակյալ լինի: Իսկ Հայաստանում քիչ ակումբներ կան, որ այդ հնարավորությունը տալիս են արտիստներին: Yans Music Hall-ում այդ հնարավորությունները կան»,- ասաց Ռոլանդը:
Մենահամերգը ինչ-որ խորագիր չէր կրում: Ինչպես երգիչը նշեց, «Մենք այդպիսի զիզի- բիզի բաներ չենք սիրում: Համերգի խորագիրը վերջում է պարզ լինում»:
Համերգին հնչեցին խմբի ինչպես հիթ դարձած հին երգերը՝ «Էլի լավա», «Մի գդալ սեր», «Աշխարհումս իմն դուն իս» եւ այլն, այնպես էլ նոր երգեր, որոնք նոր ալբոմում են ներառված լինելու: Իսկ ալբոմը, երգչի խոսքով, մյուս տարի կթողարկվի:
Մենահամերգի բացումը Ռոլանդը «Մի գդալ սեր»-ով արեց եւ ողջունեց բոլորին՝ շնորհակալություն հայտնելով այսօր իր կողքին լինելու համար:
Իսկ «Էլի լավա» երգի ժամանակ դահլիճում միանգամից ակտիվություն նկատվեց. ակնհայտ է, որ այդ երգը հանդիսատեսի կողմից ամենասիրվածն էր: Իսկ այ նույնը չենք ասի Ռոլանդի մասին:
«Հիթ դարձած իմ երգերից մի քանիսը ես չեմ սիրում: Եվ զարմանում եմ, թե ինչու են մարդիկ այդքան շատ սիրում հենց այդ երգերը: Օրինակ՝ «Էլի լավա» երգը: Շատ եմ սիրում
«Աշխարհումս իմն դուն իս» երգը: Այն պարզապես չեմ կարող չսիրել, քանի որ այդ երգն ինձ համար մի կարեւոր լեգենդի գործ է, որին մենք նոր շունչ ենք տվել»,- ասաց Ռոլանդը:
Համերգի գլխավոր հյուրը երգչի համար իր սիրելին՝ Գայանե Հովհաննիսյանն էր։ Վերջինս մեզ հետ զրույցում նշեց, որ ուրախ եւ երջանիկ է, որ Ռոլանդն իր կողքին է:
Նշենք, որ մյուս տարի բացի ալբոմ թողարկելուց «Ռեինկարնացիա» խումբը պատրաստվում է ներկայանալ մենահամերգային մեծ ծրագրով։ Միաժամանակ, հանրության դատին կներկայացվեն նոր տեսահոլավակներ:
Մելինե Տոնոյան
Լուսանկարներ՝Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան