Հոկտեմբերի 28-ից մեծ էկրաններ կբարձրանա ռեժիսոր, սցենարիստ Հարութ Ղուկասյանի եւ պրոդյուսեր Արմեն Սողոյանի «Անքնություն» հոգեբանական թրիլերը։ Ֆիլմի գլխավոր հերոսն Արմանն է, նա տառապում է անքնությամբ։ Արմանի կյանքն ամբողջությամբ փոխվում է մի գիշերվա ընթացքում, երբ պատահական զանգ է ստանում անծանոթուհուց, որն օգնության կարիք ունի։ Այս իրադարձությունն էլ դառնում է ֆիլմի կարեւորագույն գործողությունների սկիզբը։
«Անքնությունը» սցենարիստ Հարութ Ղուկասյանի ռեժիսորական դեբյուտն է․
«Պարբերաբար ունենում եմ հետաքրքիր գաղափարներ, բազում ֆիլմերի սցենարներ եմ հեղինակել, սակայն ցանկացած սցենարիստ երեւի, երբ իր ստեղծագործությունը տեսնում է էկրանին, մտածում է՝ ինքը ինչպե՞ս կնկարեր այս կամ այն տեսարանը, հիմա կարծում եմ՝ հասունացել է այն պահը, որ իմ պատկերացումը ներկայացնեմ։ Հետաքրքիր ձեւաչափ ենք ընտրել այն պատմելու համար, բայց դրա մասին չեմ ուզում մանրամասնել։ Թե որքանով է դա մեզ մոտ ստացվել, կդատի հանդիսատեսը»,-NEWS.am STYLE-ի հետ զրույցում նշեց ռեժիսորը։
«Անքնություն» ֆիլմի գլխավոր հերոսներին մարմնավորում են Սամվել Թադեւոսյանն ու Ինգրիտ Կոկչյանը։ Ֆիլմում հանդես են գալիս նաեւ Բաբկեն Չոբանյանը, Ալիս Մելիքսեթյանը եւ պրոդյուսեր Արմեն Սողոյանը։
«Հարությունի հետ մոտ 20 տարի է՝ աշխատում ենք, հաճախ առաջարկում էր, որ փորձենք այնպիսի ֆիլմ նկարահանել, որը կհետաքրքիր ամբողջ աշխարհին։ Երբ կարդացինք տվյալ ֆիլմի սցենարը, հասկացանք, որ այն յուրօրինակ կլինի հայաստանյան շուկայում եւ կհետաքրքիր ոչ միայն հայերին, այլեւ ամբողջ աշխարհին։ Կարծում եմ՝ միջազգային տարբեր կառույցները կընդունեն այս ֆիլմը։ Նկարահանումներն արված են բարձր որակով, իսկ սցենարը կհետաքրքիր բոլորին»,-հավելեց Արմեն Սողոյանը։ Պրոդյուսերի խոսքով՝ ֆիլմն արդեն առաջարկվել է Netflix ընկերությանը․ սցենարը հավանել են, այժմ տեխնիկական բանակցություններն են ընթանում։
«Ֆիլմը շատերիս մտածելու տեղ կտա՝ իսկ ի՞նչ կանեինք մենք, եթե լինեինք տվյալ հերոսի փոխարեն։ Տպավորված եմ նաեւ դերասանների պրոֆեսիոնալիզմով, բոլորը շատ նվիրված էին իրենց աշխատանքին, ինչի շնորհիվ կարողացանք մեր նախատեսած ժամկետներում ավարտել նկարահանումները։ Մինչ նկարահանումները սկսելը մենք մոտ մեկ ամիս փորձեր ենք իրականացրել, որպեսզի յուրաքանչյուրը լավագույնս մտներ իր կերպարի մեջ։ Բացի այն, որ այս ֆիլմը կհետաքրքիր հանդիսատեսին ու դիտելու ընթացքում կպահի լարվածության մեջ, այն նաեւ ունի ուսուցողական բնույթ՝ կսովորեցնի չլինել անտարբեր»,-ասաց նա։
Սյունե Առաքելյան
Լուսանկարները՝ «Անքնություն» ֆիլմի ֆեյսբուքյան էջից
Հետևեք NEWS.am STYLE-ին Facebook-ում, Twitter-ում և Instagram-ում
09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ