Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Ինչպե՞ս սովորել բարձրակրունկ կոշիկ հագնել: «Անվտանգության կանոններ» բարձրակրունկների սիրահարների համար

18:19, 4 դեկտեմբերի

Որքան հաճախ ենք հանդիպում աղջիկների, ովքեր բարձրակրունկ կոշիկներով ջայլամի տեսք ունեն: Չեն կարողանում քայլել, բայց եւ դրանք չեն հանում ոտքերից: Նման աղջիկները կարող են օրինակ վերցնել եվրոպացի կանանցից: Եվրոպայում նոր միտում կա. կանայք կոլագենի ներարկում են անում ոտնաթաթերի հիմքի մոտ գտնվող «բարձիկներում»: Այդ գործողությունը հնարավորություն է տալիս բարձրակրունկ կոշիկ հագնել՝ գրեթե ոչ մի անհարմարություն չզգալով: Իսկ եթե տարիներ շարունակ բարձրակրունկ հագնելու հետեւանքով ոտքերը սկսել են ցավել, բժիշկները կարող են ոտնաթաթերի հատվածում բոտոքս առաջարկել: Իհարկե, սրանք ծայրահեղ միջոցներ են. առողջությունն այն զոհաբերությունը չէ, որը պետք է անել հանուն նորաձեւության եւ տղամարդկանց աչքերում ավելի գրավիչ դառնալու համար: Ավելի լավ է հետեւել մի քանի խորհրդի


Անվտանգ բարձրության վրա

Ամենահարմարը համարվում է 3-4 սմ-ից ոչ բարձր կրունկը: Այսպիսի բարձրությունը պահպանում է ոտնաթաթերի բնական դիրքը: Եթե սիրում եք բարձրակրունկ կոշիկ հագնել, հետեւեք ձեր օրգանիզմի պահանջներին: Ոտքերի ուռածությունը, ձգված մկանները, թմրած մատները, չլավացող կոշտուկները խոսում են այն մասին, որ ժամանակն է դիզայներական բարձրակրունկ կոշիկները փոխարինել ավելի համար մոդելներով: Թեկուզ ժամանակավորապես, որպեսզի ոտքերը պարբերաբար հանգստանալու հնարավորություն ունենան: Բարեբախտաբար, նորաձեւության տներն առաջարկում են նաեւ հարթ կամ ոչ շատ բարձր ներբանով հարմար եւ պրակտիկ կոշիկներ: Նույնիսկ 3-4 սմ կրունկով կոշիկներով ավելի բարձրահասակ կլինեք, իսկ ոտքերը սլացիկ տեսք կունենան:

Ինչո՞վ են վտանգավոր բարձրակրունկ կոշիկները

Բժիշկները կարծում են, որ ոտնաթաթն ու ողնաշարն ամբողջությամբ ձեւավորվում են 23 տարեկանում: Մինչ այդ տարիքն օրթոպեդները խորհուրդ են տալիս խուսափել բարձրակրունկ կոշիկ հագնել: Բայց դրանից հետո նույնպես պետք է ուշադիր լինել: Անընդհատ բարձրակրունկ եւ նեղ կոշիկ հագնելու հետեւանքով ոտքերի մատները ձեւափոխվում են, ուժեղանում է ոտնաթաթի առջեւի հատվածի ծանրաբեռնվածությունը, ինչը նույնպես ժամանակի ընթացքում բերում է ոտնաթաթի ձեւափոխման: Բարձրակրունկ կոշիկների սիրահարների մոտ հաճախ, այսպես կոչված, հինգերորդ ոսկոր է աճում (Plantar Fasciitis): Երկար ժամանակ նման կոշիկ հագնելու հետեւանքով ձեւափոխվում է նաեւ աքիլլեսյան ջիլը, ինչի արդյունքում հետագայում հարթ ներբանով կոշիկ հագնելն անհնար է դառնում: Այդ դեպքում իրավիճակը հնարավոր է փրկել միայն վիրահատության միջոցով:

Բացի այդ, որքան բարձր է կոշիկի կրունկը, այնքան մեծ է ողնաշարի ծանրաբեռնվածությունը: Երկար ժամանակ բարձր կրունկով կոշիկ (8 սանտիմետրից սկսած) հագնելու հետեւանքով միջողնաշարային ճողվածք, գոտկատեղի ցավեր, հոդերի խնդիրներ են առաջանում: Բարձրակրունկը վնասակար է նաեւ սկոլիոզ ունեցողների համար: Եվ, իհարկե, եթե բարձրակրունկ հագնելուց հետո ոտքերն ուժեղ ցավում են, ուրեմն պետք է ավելի ուշադիր լինել առողջության նկատմամբ:

Ինչպե՞ս բարձրակրունկ կոշիկ հագնել

Բարձրակրունկ կոշիկ խորհուրդ է տրվում հագնել օրական 3-4 ժամից ոչ ավելի: Այդ պատճառով աշխատավայրում կարելի է ավելի հարմար «փոխարինող» ունենալ:

Ոտքերին հաճախ հանգստանալու հնարավորություն տվեք: Ցանկացած հնարավորության դեպքում հանեք կոշիկները եւ ոտքերի համար պարզ վարժություններ կատարեք, որոնք կլավացնեն արյան շրջանառությունը եւ կհանեն ոտքերի հոգնածությունը:

Կոշիկի համար նախատեսված օրթոպեդիկ ներդիրները դիզայներական կոշիկն ավելի հարմարավետ կդարձնեն: Կարելի է նաեւ սիլիկոնե հատուկ բարձիկներ գործածել, որոնք նվազեցնում են ոտնաթաթի ծանրաբեռնվածությունը եւ կանխարգելում կոշտուկների առաջացումը:

Ինչպե՞ս սովորել քայլել բարձրակրունկ կոշիկներով: Եվ «անվտանգության ի՞նչ կանոնների» պետք է հետեւեն բարձրակրունկների սիրահարները:

Բարձրակրունկ կոշիկով պարեր

Բարձրակրունկ կոշիկներով արագ պարերը կարող են վտանգավոր լինել: Այդ պատճառով նման կոշիկները դիսկոտեկի համար տեղին չեն: Ամենեւին էլ լավ գաղափար չէ դրանք մի կողմ դնել եւ բոբիկ դուրս գալ պարահրապարակ: Լավագույն դեպքում ինչ-որ մեկը կկանգնի ձեր ոտքին, վատագույն դեպքում՝ ինքներդ ապակու կտորի վրա կկանգնեք: Ակումբ կամ համերգի գնալու համար հարմար է հարթ ներբանով կոշիկը:

Աղբյուրը՝ domashniy.ru


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել