• Sevan Summer Sprint ամենամյա միջոցառումը՝ երիտասարդների համար, հայտնի աստղերի մասնակցությամբ

  Խելահեղ ռիթմեր, լուսային և գունային էֆեկտներ 18 տարին լրացած բոլոր երիտասարդների համար...

• Ինչպես են նշում Վարդավառը՝ Երեւանում (ֆոտո)

  Հայ Առաքելական եկեղեցին այսօր, հունիսի 8-ին, նշում է Քրիստոսի Պայծառակերպության տոնը…

• Էկրանային լավագույն համբույրի տեսարանները՝ Համբույրի միջազգային օրվա առթիվ

  Հոգատարություն, հուզմունք, համակրանք, սեր եւ կիրք՝ այս բոլոր էմոցիաներն ու ավելին կարելի է արտահայտել ընդամենը մեկ համբույրի միջոցով...

• Երեխաների պաշտպանության միջազգային օրը Երեւանում. Սիթի տուր (Ուղիղ եթեր)

  Այսօր Երեխաների պաշտպանության միջազգային օրն է...

• Սիրուշոն, Սեւակ Խանաղյանը երգեցին, Փաշինյանն ու նախագահը՝ դիտեցին. Տոնական համերգ Երեւանում (ֆոտո/վիդեո)

  Այսօր Հայաստանում նշում են Առաջին հանրապետության 100-ամյակը...

• «Հայրական կողմի պապիկս՝ Մարտիրոսյան Արշակ Սահակի, զորացրվել է լուրջ վնասվածքների պատճառով». VARDA

  Այսօր մենք նշում ենք Շուշիի ազատագրման և Երկրորդ Համաշխարհային պատերազմի հաղթանակի օրը...

• «Ծաղկային» շնորհավորանք հայուհիներին՝ NEWS.am STYLE-ից (ֆոտո)

  Այսօր Կանանց միջազգային օրն է, որն ամեն տարի նշվում է մի շարք երկրներում, այդ թվում՝ մեր երկրում․․․

• Տղամարդկանց եւ կանանց հայացքը՝ Մարտի 8-ին. NEWS.am STYLE-ի հարցումը

  Մարտի 8՝ որքան հաճելի է հնչում կանանց եւ որքան սարսափելի տղամարդկանց համար...

Մոտենում է ամենահեքիաթային տոնը՝ Ամանորը, որն ինքնադրսեւորման ու երազանքների իրականացման լավագույն ժամանակահատվածն է: Եվ տոնի հավուր պատշաճի ներկայանալու համար, NEWS.am STYLE-ը կազմել է «ինչ պետք է անել»-ների ցանկ, որոնք կօգնեն կատարյալ տեսք ունենալ Նոր տարվա գիշերը:

1. Վարսեր: Նոր տարվա գիշերը պետք է անթերի սանրվածք ունենաս: Այդ կարող է լինել մեծ, փարթամ խոպոպների տեսքով: Հաջորդ տարվա նորաձեւ սանրվածքներից են տարբեր տեսակի հյուսքերը՝ թե՛ հավաքած, թե՛ թափված մազերի համար: Տոնական սանրվածքդ կարող ես զարդարել նաեւ մեծ ծաղիկներով կամ բնական քարերից հերակալներով ու ժապավեններով:

2. Դիմահարդարում: Տարեմուտը դիմավորելիս պետք է վառ դիմահարդարում ունենաս, բայց այն չպետք է վուլգար լինի: Ձին առեղծվածային կենդանի է, ուստի դիմահարդարման միջոցով պետք է հնարավորինս առեղծվածային կերպար ստեղծել: Օգտագործիր արծաթագույնի եւ մուգ մոխրագույնի համադրությունը, կաթնա-շոկոլադային երանգները՝ մինիմալիստական ոճ ստեղծելու համար, եւ կանաչն ու մանուշակագույնը՝ վառ ու նորաձեւ կերպար ստանալու համար: Հենց այս գույներն են գերիշխելու 2014 թվականին:

3. Մատնահարդարում: 2013-2014 սեզոնի մատնահարդարման հիթերից է nude-ը: Թափանցիկ, մարմնագույն, բաց վարդագույն երանգներն այնքան էլ ձանձրալի չեն, որքան կթվա առաջին հայացքից: Եթե, այնուամենայնիվ, մինիմալիստական ոճի սիրահար չես, ապա հավերժ նորաձեւ կարմիրն իր բոլոր երանգներով կա ու կա:

4. Զարդեր եւ աքսեսուարներ: Այս սեզոնին աղջիկները լայն ընտրության հնարավորություն ունեն: Նորաձեւ են ռոք ոճի զարդերը, մեծ ականջօղերն ու վզնոցները, քարերը, էթնիկ տարրերով աքսեսուարները: Քեզ մնում է միայն ընտրել որեւէ բան ու համապատասխանեցնել զգեստիդ հետ: Միայն թե հիշիր. 2014-ը փայտե ձիու տարի է, ուստի փայտից զարդերը նույնպես արդիական են:

5. Զգեստ: Ամանորյա զգեստ ընտրելիս ցանկալի է առաջնորդվել 2014-ի նորաձեւ գույներով: Դրանք են կապույտը, երկնագույնը, փիրուզագույնը, կանաչի բոլոր երանգները, ինչպես նաեւ մանուշակագույնն ու վարդագույնը:

Բալագույնն ու կարմիրի երանգները նույնպես չեն զիջում «դիրքերն» ու հանգիստ կարող են տեղ գտնել ամանորյա զգեստապահարանիդ մեջ: Ինչ վերաբերում է կտորին. նախընտրելի է, որ զգեստը կարված լինի բնական կտորներից: Այն կարող ես համադրել նաեւ բնական քարերից աքսեսուարներով:

6.Կոշիկ: Սեզոնի հիթերից են բարակ կրունկներով եւ սուր քթերով, ինչպես նաեւ երկարաճիտ կոշիկները: Հաստ ներբանն ու հաստ կրունկները նույնպես տեղին կլինեն: Գույնի հարցում կարող ես դարձյալ առաջնորդվել հաջորդ տարվա նորաձեւ երանգներով: 

Կենդանական նախշերով կոշիկներն այս սեզոնին դարձյալ արդիական են: Պարզապես դրանք պետք է համապատասխանեցնես զգեստիդ ու կերպարիդ եւ վերջ. ամանորյա շլացնող տեսքդ ապահովված է:

Շուշան Շատիկյան

Հետևեք NEWS.am STYLE-ին Facebook-ում, Twitter-ում և Instagram-ում