14-ամյա Միլեն Կարանյանը, 9 օկտավա դիապազոնով, աշխարհում ամենահզոր ձայնն ունի՝ ըստ InterRecord ռեկորդների միջազգային գրքի։ Երգչուհին ընդգրկվել է նաեւ հայկական «Դյուցազնագրքում»։
Հայուհու ձայնային տվյալները գրավել են անգամ Բուլղարիայի եւ Ռուսաստանի ժողովրդական արտիստ Բեդրոս Կիրկորովին, որն այժմ հանդիսանում է Միլենի պաշտոնական ներկայացուցիչը։ Կիրկորովն օրերս երգչուհուն հրավիրել էր մասնակցելու նոյեմբերի 21-ին Կրեմլի դահլիճում կայացած իր հոբելյանական համերգին։ Միլենի կատարումից հետո արտիստի որդին՝ Ֆիլիպ Կիրկորովն, այնքան է տպավորվել հայուհու ձայնային տվյալներով, որ ետնաբեմում խնդրել է նրան լրագրողների ներկայությամբ երգել ակապելա տարբերակով՝ «որ հանկարծ չմտածեն, թե կենդանի չես կատարել»,-նշել է երգիչը։ Նա նաեւ հավելել է, որ Միլենի ելույթի սկզբում ապշել է․ «Մտածեցի, թե տղա է երգում, հետո հասկացա, որ կատարողն աղջնակ է»։
Посмотреть эту публикацию в Instagram
Միլենը NEWS.am STYLE-ին բացառիկ լուսանկարներ եւ տեսագրություններ է տրամադրել, կիսվել Ֆիլիպ Կիրկորովի հետ հանդիպման տպավորություններով ու պատմել իր ելույթի ու նոր ձեռքբերումների մասին։
«Մեծ հպարտությամբ ընդունեցինք Բեդրոս Կիրկորովի համերգին ելույթ ունենալու առաջարկը, քանի որ նրա հետ անձամբ շփվելուց հետո շատ մեծ տպավորություններ ունեի նրանից։ Նա մեզ համար յուրօրինակ հայ մարդու, բարի, արդար ու պրոֆեսիոնալ արտիստի վառ ու եզակի օրինակ է»,-ասում է երգչուհին։
Միլենը համերգին ներկայացրել է 4 երգ, որոնցից 3-ը՝ հեղինակային։ Համաշխարհային հիթերից կատարել է Անդրեա Բոչելիի եւ Սելին Դիոնի հանրահայտ՝ The Prayer երգը։
Երգչուհին նշեց, որ երեկոյից միայն դրական լիցքեր է ստացել, եղել են նաեւ խոչընդոտներ, բայց դրանք չեն խանգարել վայելելու օրը․
«Բազում դժվարություններ այս ճանապարհին ունեցել ենք, ինչպես նաեւ համերգի հետ կապված, որովհետեւ կային մարդիկ, ովքեր ամեն կերպ փորձում էին խանգարել իմ ելույթին, բայց Աստծո կամքով եւ Բեդրոս Կիրկորովի արդար ու անշահախնդիր մոտեցման շնորհիվ ամեն ինչ շատ լավ ստացվեց»։
Ամենատպավորիչ պահն, իհարկե, եղել է Ֆիլիպ Կիրկորովի հետ հանդիպումն ու նրա դրական արձագանքը․
«Ֆիլիպ Կիրկորովի հետ հանդիպումը մեծ անակնկալ էր։ Հպարտ եմ ու շատ ուրախ, որ նման պրոֆեսիոնալ երգիչների կողմից արժանացա նման գնահատականի, որը մեծ նշանակություն ունի ինձ համար։ Խոսեցինք իմ ձայնային տվյալներից, խնդրեց կենդանի ու ակապելա տարբերակով կատարեմ հատված երգից՝ առանց միկրոֆոնի եւ երաժշտության, որպեսզի բոլորը հավատան, որ ամբողջ երգը իմ կատարումն է։ Կատարեցի, ինչին արձագանքեց՝ «Господи, "Голос" по тебе плачет»:
Միլենի մեծ երազանքն է՝ համերգային շրջագայություններ ունենալ ամբողջ աշխարհում,-«Երազանքս էր, որ սկսեի իմ հայրենիքից, չնայած, ցավոք, Հայաստանում որոշ կառույցներ մերժել են մեր առաջարկը, անկախ այն փաստից, որ մենք պատրաստ ենք, նույնիսկ, բարեգործական համերգների»,-պատմում է նա։
Երգչուհին ծնվել է Բուլղարիայում, մեծացել Երեւանում, բայց արդեն մի քանի տարի է՝ բնակվում է Մոսկվայում։ Ավարտել է Մոսկվայում «Эврика» երաժշտական ակադեմիան։ Ինչ վերաբերում է առօրյա նախասիրություններին՝ սիրում է կիթառ եւ դաշնամուր նվագել, հետաքրքրվում է նաեւ հեռուստահաղորդավարի մասնագիտությամբ։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան