11 «Գրեմմիի» արժանացած ջազ երաժիշտ, շեփորահար Ֆիլիպ Լասիթերի համերգով երեկ՝ դեկտեմբերի 2-ին, փակվեց Yerevan Jazz Fest 2022-ը։ Հայտնի երաժիշտի համերգը, որի բացումը տրվեց Mad Blues Band-ի կողմից, կայացավ Ararat Music Night-ի շրջանակում։
Yerevan Jazz Fest ամենամյա փառատոնը կազմակերպվում է Ջազի հայկական ասոցիացիայի եւ Mezzo ակումբի ջանքերով։ Ասոցիացիայի նախագահ Կամո Մովսեսյանը նշեց, որ այս տարի ունեցել են 8 համերգ, որոնցից յուրաքանչյուրն անցել է լեփ-լեցուն դահլիճներում՝ հանդիսատեի բուռն արձագանքների ներքո․
Посмотреть эту публикацию в Instagram
«Կարող եմ արձանագրել, որ այս տարվա փառատոնը հաջողված է՝ ինչպես միշտ: Մյուս տարվա համար ավելի մասշտաբային մտքեր ունենք, փառատոնի փակումից հետո արդեն սկսելու ենք աշխատել, պատրաստվել հաջորդ տարվա ծրագրին: Մեզ պետք է, որ մեր երկրում միայն խաղաղություն լինի, ինչը ամենակարեւորն է բոլորիս համար, որպեսզի կարողանանք արարել եւ կազմակերպել մասշտաբային միջոցառումներ»,-հավելեց նա։
Ֆիլիպ Լասիթերը հայտնի է որպես գործիքավորող եւ շեփորահար, որը համագործակցել է այնպիսի աստղային անունների հետ, ինչպիսիք են՝ Արիանա Գրանդեն, Timbaland-ը, Քելլի Ռոուլանդը, Ջիլ Սքոթը եւ այլք։ Աշխարհի մի շարք բեմերն ու փառատոնները գրաված երաժիշտը Seven Visions հյուրանոցում կայացած իր առաջին հայաստանյան համերգին հնչեցրեց իր հեղինակային երգերը՝ փոխանցելով ու ստանալով էներգիայի մեծ պաշար։ «Ակնկալում եմ, որ հանգիստ չկանգնեք, այլ շարժվեք»,-բեմից ասաց երաժիշտը, որի խնդրանքն, իհարկե, անտեսել չէր լինի։ Հանդիսատեսը ողջ երեկոյի ընթացքում պարեց Լասիթերի հնչյունների ներքո, իսկ վերջում ճանապարհեց բարձր ծափահարություններով։
Լրագրողների հետ զրույցում երգիչը նշեց, որ վայելել է ողջ երեկոն ու ստացել իրեն փոխանցած էներգիան․
«Իմ առաջին այցն է Հայաստան, եւ ես այն, իսկապես, վայելում եմ: Հանդիսատեսը հիասքանչ է: Միայն մեկ համերգով եմ այստեղ։ Այս պահի դրությամբ հասցրել եմ լինել «Արարատ» թանգարանում, որը շատ գեղեցիկ է, բայց հույս ունեմ՝ մինչեւ մեկնելս կհասցնեմ շրջել քաղաքով, համտեսել հայկական ուտեստներ»:
Երաժիշտի հայաստանյան այցը կարճ է, բայց տպավորություններն՝ ահռելի։ Նա նշեց, որ դեռեւս ծանոթ չէ հայկական երաժշտությանը, բայց փորձելու է այդ բացն էլ լրացնել։
Yerevan Jazz Fest--ն այս տարի անցկացվեց 8-րդ անգամ: Փառատոնի մեկնարկը տրվել էր նոյեմբերի 15-ին՝ «Գրեմմիի» դափնեկիր վոկալիստ, դաշնակահար, կոմպոզիտոր Ջուդիթ Հիլի մենահամերգով։
Սյունե Առաքելյան
Լուսանկարները՝ Դավիթ Ջոթյանի
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ