«Հայաստան, մենք սիրում ենք քեզ»․ այս արտահայտությունը 2022-ին լսվեց մի շարք հայտնիների շուրթերից, որոնք այցելելով մեր երկիր՝ անմիջապես բախվեցին հայկական հյուրընկալությանն ու երեւանյան ջերմությանը։ Այս տարի մեր մայրաքաղաքը հյուրերի պակաս չունեցավ։ NEWS.am STYLE-ը լուսաբանել է յուրաքանչյուրի այցի մանրամասները․ տարին ամփոփում ենք՝ համաշխարհային ճանաչում ունեցող մեր հյուրերին վերհիշելով․
Փետրվարին Հայաստան ժամանեց աշխարհահռչակ իտալացի երգիչ եւ դերասան Ալեսանդրո Սաֆինան։ Երգիչը փետրվարի 13-ին եւ 15-ին Երեւանում հանդես եկավ «Սիրո երգեր» խորագիրը կրող համերգային ծրագրով, որի շրջանակում ներկայացրեց պրեմիերաներ ու կատարեց իր բոլոր հայտնի հիթերը, այդ թվում՝ Luna-ն, որին հայ լսարանը ծանոթ է բրազիլական «Կլոն» հեռուստասերիալից: Սա իտալացի երգչի երկրորդ այցն էր Հայաստան. առաջինը եղել էր 2011-ին։
Կանադացի հայտնի երգիչ Garou-ն ապրիլի 21-ին ու 22-ին ելույթ ունենացավ Երեւանում՝ Կարեն Դեմիրճյանի անվան մարզահամերգային համալիրում։ Երգիչը հայ հանդիսատեսի համար կատարեց իր բոլոր սիրված հիթերը՝ «Belle», «Souls le vent», «Gitan» եւ այլն, որոնք ներկայացրեց նորովի: Արտիստը Հայաստանում առաջին անգամ ելույթ էր ունեցել 2009 թ-ին։
Անգլիո-նորվեգացի երաժիշտ, դիջեյ Ալան Օլավ Ուոլքերը, որը հայտնի է Faded երգով, նույնպես, այս տարի եղել է Երեւանում։ Երաժիշտն իր ինստագրամյան էջում լուսանկար էր հրապարակել Կասկադից եւ տեղեկացրել, որ հանգստանում է Հայաստանում։
Այս տարի տրվեց «ՀԱՅԱ» փառատոնի մեկնարկը, որի շրջանակում Երեւանը հյուրընկալեց համաշխարհային հայտնիություն վայելող աստղերի։ Փառատոնի առաջին հյուրը ֆրանսիացի երգչուհի Զազն էր, որի մենահամերգը կայացավ հունիսի 25-ին։
Փառատոնի ամենասպասված հյուրը, թերեւս, ռեփեր 50 Cent-ն էր, որը Երեանում ելույթ ունեցավ հուլիսի 1-ին։ Երգչի այցը կարճատեւ էր, բայց հայաստանյան ջերմությունն, ըստ երեւույթի, երկար կհիշի։ Երեւանին նա սեր խոստովանեց ոչ միայն համերգի օրը, այլեւ սոցիալական ցանցերի էջերում։ Ռեփերի հետ ելույթ ունեցավ նաեւ G-Unit հայտնի բենդը։
«ՀԱՅԱ» փառատոնը 2022-ին եզրափակեց London West End բրիտանական հայտնի ռոք խումբը՝ ներկայացնելով Led Zeppelin Symphonic բացառիկ նախագիծը։ Փառատոնի բոլոր համերգները տեղի են ունեցել Հրազդան մարզադաշտում։
Ամերիկահայ հայտնի դիմահարդար Հրուշ Աճեմյանն այս ամառ եւս այցելել է հայրենիք։ Քարդաշյանների դիմահարդարը իր միկրոբլոգում, պարբերաբար, կիսվում էր իր այցի մասին վկայող հրապարակումներով։
«Պոկերի արքա» Դեն Բիլզերյանն այս տարի առաջին անգամ այցելեց Երեւանի սրտում գտնվող իր բրենդային խանութը՝ Ignite-ը, որտեղ հանդիպեց երկրպագուներին եւ ներկայացրեց իր «Դրվածք» գիրքը: Բիլզերյանը ոչ միայն ստորագրեց գրքերն ու լուսանկարվեց ցանկացողների հետ, այլեւ ընդունեց նրանց պատրաստած նվերները: Իսկ նրան հանդիպելու էին եկել ոչ միայն հայ, այլեւ՝ այլազգի երկրպագուները։
Այս տարի Հայաստանում անցկացվեց STARMUS VI փառատոնը, որի շրջանակում Երեւանը հյուրընկալեց մի շարք հայտնիների։ Նրանց թվում էին Queen խմբի կիթառահար Բրայան Մեյը եւ հայազգի հայտնի երգիչ, System of a Down խմբի վոկալիստ Սերժ Թանկյանը։ Փառատոնին մասնակցել են նաեւ մի շարք այլ հայտնիներ, որոնց մասին ավելի մանրամասն կվերհիշենք առաջիկա հրապարակման մեջ։
Հետևեք NEWS.am STYLE-ին Facebook-ում, Twitter-ում և Instagram-ում
16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ