Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Հատուկ դասարան»-ից մինչեւ դասախոսություն ու կրկին՝ «Մանկական Եվրատեսիլ»․ Դալիթան՝ NEWS.am STYLE-ի ամանորյա ֆոտոշարքով ամփոփեց 2022-ը (ֆոտո/վիդեո)

12:22, 1 հունվարի

Դալիթա Ավանեսյանի համար 2022-ը եղել է բուռն աշխատանքային տարի, սակայն երգչուհին դրական ծանրաբեռնվածությունը դասում է իր ձեռքբերումների շարքում։ Դալիթան հենց տարեսկզբին առաջարկ ստացավ նկարահանվելու «Հատուկ դասարան» հեռուստասերիալում, դրան զուգահեռ սկսեց դասավանդել Հայաստանի ամերիկյան համալսարանում, իսկ տարվերջին դարձավ Երեւանում կայացած «Մանկական Եվրատեսիլ 2022»-ի բացման արարողության հաղորդավարներից մեկը։ 

Երգչուհին նաեւ հասցրել է լուսանկարվել NEWS.am STYLE-ի ամանորյա ֆոտոշարքում եւ պատասխանել մեր հարցերին։

IMG_6928.JPG (688 KB)

Հիշելով «Հատուկ դասարան»-ի մեկնարկը՝ Դալիթան նշեց, որ ի սկզբանե լսումներին իրեն կանչել էին Մերիի կերպարի համար․ նրա խոսքով՝ այս հերոսուհին տարբերվում է մինչ այդ կերտած իր կերպարներից, քանի որ սերիալի սկզբում ուներ ավելի բարդ ու բացասական գծեր։  

«Ֆիլմերում, հիմնականում, բարի հեոսուհիների եմ մարմնավորել, բայց Մերին, ինչպես հատուկ դասարանի մյուս աշակերտները, սկզբում ներկայացվեց որոշակի բացասական կողմերով։ Առհասարակ, դեմ չեմ բացասական կերպարներ կերտելուն, կարծում եմ՝ դա, նույնիսկ, ավելի հետաքրիր փորձ կլինի, կօգնի դուրս գալ հարմարավետության գոտուց»։

IMG_6878.JPG (833 KB)

Երգչուհին կարծում է՝ «Հատուկ դասարան»-ի հաջողությունը պայմանավորված է այնտեղ բարձրացվող թեմաներով, որոնք կարող են պատահած լինել շատ դեռահասների կյանքում․

««Հատուկ դասարան»-ն, իսկապես, շատ տարբերվող սերիալ է դպրոցականների մասին, որը ներկայացնում է դեռահասների շրջանում տարածված տարբեր խնդիրները՝ թե տանը, թե դպրոցում, ու կարծում եմ՝ հենց դրա շնորհիվ սիրվեց, քանի որ ներկայացնում է իրականությունը»։

Երգչուհի-դերասանուհին 2023-ին շարունակելու է նկարահանվել սերիալում՝ այս աշխատանքը համատեղելով նաեւ համալսարանում դասավանդելու հետ․

IMG_7067.JPG (691 KB)

«Երբ մագիստարատուրան ավարտեցի, սկսեցի աշխատել, որպես դասախոսի օգնական։ Հետագայում դեկանատից առաջարկ ստացա դասավանդելու Դատաբազաների հիմունքներ առարկան։ Ես ավարտել եմ ծրագրավորման բաժինը, ու այս առարկան այս ոլորտի կորիզներից է։ Ինձ համար սա շատ մեծ պատիվ է, մեծ պատասխանատվություն, քանի որ ենթադրում է մշտական պատրաստվածություն, որպեսզի կարողանաս ուսանողներին էլ ապահովել ճիշտ ու օգտակար նյութերով»։

Գրեթե, հասակակից ուսանողների համար Դալիթան փորձում է լինել ընկեր, որը, պարզապես, կիսվում է ստացած գիտելիքներով։ Երգչուհին խոստովանում է, որ երբ ստացել է դասավանդելու առաջարկը, փոքրիկ վախեր ունեցել է, որոնք հաղթահարել է ժամանակի ընթացքում․

IMG_6872.JPG (782 KB)

«Ես դասավանդում եմ նաեւ մագիստրատուրայի բաժնի ուսանողներին, այսինքն՝ նրանցից շատերը համարյա իմ հասակակիցներն են, ունեցել եմ նաեւ ինձանից ավելի մեծ տարիքի ուսանողներ, ինչը շատ պարտավորեցնող է։ Փորձում եմ ավելի ընկերական լինել բոլորի հետ եւ ըմբռնող, քանի որ ինքս էլ բոլորովին վերջերս եմ ավարտել մագիստրատուրան։ Եղել են ինչ-որ բաներ, որոնք ինձ դուր չեն եկել իմ՝ սովորելու տարիներին, եւ հիմա փորձում եմ ավելի հետաքրքիր մոտեցում ցուցաբերել դրանց՝ տեսականի փոխարեն ավելի պրակտիկ դասեր ապահովել եւ այլն»։

Երգչուհուն լսարանում դրական են ընդունում․ նրա խոսքով՝ երբեմն, նույնիսկ, կիսվում են իր մասնակցությամբ այս կամ այն նախագծի տպավորություններով․

IMG_6897.JPG (862 KB)

«Եղել են դեպքեր, որ ինձ ասել են՝ «Վայ, հետեւել ենք «Մանկական Եվրատեսիլ»-ին, շատ լավ եք վարել»։ Լինում է, որ հյուրեր ենք ունենում․ օրինակ՝ մի անգամ հրավիրել էի «Հատուկ դասարան»-ի իմ խաղընկերներին։ Փորձում եմ հնարավորինս ինտերակտիվ ու անմիջական մոտեցում ցուցաբերել դասերին»։

Ինչ վերաբերում է «Մանկական Եվրատեսիլ»-ին հաղորդավարի կարգավիճակում վերադառնալուն, Դալիթան նշում է,-«2011 թ-ին շատ փոքր էի․ այն ժամանակվա ու այժմյան էմոցիաներս տարբեր էին։ Հշում եմ՝ երբ ներկայացնում էի Հայաստանը «Մանկական Եվրատեսիլ»-ում, հուզմունք ու մեծ պատասխանատվություն էի զգում, քանի որ Հայաստանն առաջին անգամ էր հյուրընկալում այդ մեծամասշտաբ մրցույթը։ Այս տարի նմանատիպ զգացողություններ էլի ունեցել եմ։ Շատ ուրախ էի, որ կրկին Հայաստանում անցկացվեց մրցույթը։ Հանդիսատեսի էմոցիաները շատ ցայտուն էին զգացվում»։

IMG_7060.JPG (526 KB)

23-ամյա երգչուհին, շատերի բնորոշմամբ, շատ չի փոխվել տարիների ընթացքում։ Դալիթան պատմում է, որ մրցույթի շրջանակում իրեն հաճախ էին մոտենում ու նշում այդ մասին․

«Շատերն ասում են, որ ընդհանրապես չեմ փոխվել, ինչի համար ուրախ եմ։ Դա, իրականում, կինոարվեստում ինձ խանգարում է, քանի որ երբեմն կանչում են քասթինգի, իսկ հետո ասում, որ փոքր եմ երեւում տվյալ հերոսուհու համար։ Բայց ես տարիքից փոքր երեւալը առավելություն եմ համարում, ու հուսով եմ՝ ուշ կծերանամ (ծիծաղում է)»։

Հարցին՝ արդյոք չի՞ մտածում նաեւ մեծերի «Եվրատեսիլ»-ին մասնակցելու մասին՝ երգչուհին պատասխանեց․

«Այս ընթացքում շատ եղան հարցեր՝ արդյոք չէ՞ի ցանկանա ներկայացնել Հայաստանը նաեւ մեծերի «Եվրատեսիլ»-ին։ Իրականում, երբեմն մտածում եմ դրա շուրջ։ «Եվրատեսիլ»-ը տարբերվում է «Մանկական Եվրատեսիլ»-ից՝ ավելի մասշտաբային է ու մեծ, ավելի մեծ պատրաստվածություն է պահանջում, բայց, իհարկե, եթե լինի նման հնարավորություն, սիրով կմասնակցեմ»։

IMG_7000.JPG (815 KB)

Անդրադառնալով նոր տարվա ծրագրերին՝ Դալիթան նշեց, որ ցանկանում է ավելի շատ ժամանակ տրամադրել սիրելիներին ու ճամփորդելուն․

«Այս տարի շատ էի ցանկանում ճամփորդել, բայց, աշխատանքի բերումով, չկարողացա դա անել։ 2023-ին հուսով եմ՝ կստացվի այդ ցանկությունս իրականացնել»։

Հայրենակիցներին երգչուհին մաղթեց ամենակարեւորը՝ առողջություն եւ խաղաղություն․

«Մաղթում եմ, որ տարին լի լինի երջանիկ ու գեղեցիկ պահերով»,-հավելեց նա։

IMG_6923.JPG (677 KB)

IMG_6932.JPG (708 KB)

IMG_6939.JPG (656 KB)

IMG_6968.JPG (686 KB)

IMG_7057.JPG (545 KB)

IMG_7023.JPG (721 KB)

IMG_7053.JPG (779 KB)

IMG_7039.JPG (638 KB)

Հարցազրույցը՝ Սյունե Առաքելյանի
Լուսանկարները՝ Արսեն Սարգսյանի
Տեսանյութը պատրաստեց Մելինե Տոնոյանը
Նկարահանումն իրականացվել է Photon ֆոտոստուդիայում


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել