• Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)

  Այս պահին տեղի է ունենում դերասան, երգիչ Գեւորգ Մկրտչյանի եւ բլոգեր, դերասանուհի Քրիստինա Հովհաննիսյանի հարսանյաց արարողությունը․․․

• Գեւորգ Մկրտչյանը և Քրիստինա Հովհաննիսյանը պսակադրվեցին

  Սուրբ Գայանե եկեղեցում այսօր պսակադրվեցին երգիչ Գևորգ Մկրտչյանը և Քրիստինա Հովհաննիսյանը: Նորապսակներն իրար հավերժ սիրելու խոստում տվեցին...

• «Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում

  «Լադանիվա» խմբի անդամները՝ Ժակլին Բաղդասարյանը եւ Լուի Թոմասը, Հայաստանում են, որտեղ անցել են նախաեվրատեսիլյան պատրաստություններին…

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• Իլոնա Նուրբեկյանը Փարիզում հանդիպել է Մոնիկա Բելուչիին (ֆոտո)

  Բլոգեր Իլոնա Նուրբեկյանը, որը հանրությանն առավել հայտնի է «Ոսկե դպրոց» սիթքոմից, հանդիպել է Մոնիկա Բելուչիին…

• «Սկսել եմ սիրո մասին երգեր գրել. շատ նոր է ինձ համար». yellowheart.-ը՝ նոր երգացանկի, համերգների ու բենդով հանդես գալու մասին

  NEWS.am STYLE-ի հետ զրույցում պատմել է նոր ձեւաչափով հանդես գալու ու ստեղծագործական նոր ոգեշնչման մասին, որի թեման սերն է...

• Մագա Հարությունյանն ու Սուրեն Փահլեւանյանը պսակադրվել են (ֆոտո)

  Բլոգեր, դերասանուհի Մագա Հարությունյանն ու հաղորդավար, դերասան Սուրեն Փահլեւանյանը պսակադրվել են…

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

«Արի, դե լավ էլի, մի քիչ մնա էլի»,-մեկ տարի առաջ A Chilla-ի հետ զուգերգում երգեց նա՝ գալով հայկական երգարվեստ, որտեղ բերեց իր յուրահատուկ գույնն ու մոտեցումը: Լիլիթ Օսիպյանը, որն առավել հայտնի է D’Litte կեղծանվամբ, խոստովանում է՝ չէին սպասում, որ «Կյանք ու տող» երգը կունենար նման մեծ տարածում (տեսահոլովակը YouTube-ում տեղադրվել  է մեկ տարի առաջ եւ ունի ավելի քան 2 միլիոն դիտում. հեղ.)

: 

«Եթե անկեղծ, երբեք ոչ գրել, ոչ էլ պատրաստվում ենք գրել հատուկենտ գործեր, որ դառնան թրենդ: Ժամանակի հետ հավասար քայլելը գժական է, բայց եթե փակվեն բոլոր  սոցկայքերը, դու կշարունակե՞ս էլի ստեղծագործել: Սա է ամբողջ խնդիրը»,-NEWS.am STYLE-ի հետ զրույցում նշում է երգչուհին՝ հավելելով, որ «Տիկ Տոկ»-ում երգի տարածման հաջողության գաղտնիքը չի բացահայտել, բայց համոզվել է մեկ բանում՝ «արտիստի անկեղծ լինելը միակ մնայուն թրենդն է»:

Երգչուհու՝ D’Litte կեղծանվան մտահաղացումը Ֆելիքս Խաչատրյանինն է, որը դիտարկել է անգլերեն «delete» (ջնջել) բառը:

««Դիլիթ»-ը վատ էմոցիաները ջնջող երաժշտությունն է: Իսկ, առհասարակ, Լիլիթ անունը հին Գիլգամեշից է գալիս, եղել է նաեւ Լիթ անունով ծառ: D’Litte-ը եւ այդ ծառի հետ կապ ունի, եւ բառախաղ է»,-մանրամասնում է նա:

Լիլիթը չունի երաժշտական կրթություն, սովորել է ԵՊԼՀ-ում, մասնագիտացել է, որպես լեզվաբան եւ լրագրող:

«Նոտաները վերջերս եմ սովորել, երբ սկսեցի սովորել ստեղնաշարային գործիքներ ու կիթառ: Կրետաիվությունն ու միտքը ոչ կարմիր դիպլոմ են պահանջում, ոչ էլ՝ անգիր արած թեորեմներ: Թատրոնի ու կինոյի հետ կապված դեռ չեմ մտածել, բայց զգում եմ, որ ինչ-որ էտապում շատ լուրջ կսկսեմ զբաղվել նաեւ դրանով»-ասում է նա:

Երգչուհին «սիրահարված է» ինչպես նոր, այնպես էլ հին սերնդի երաժիշտներից շատերին. սիրելի արտիստների ցանկում նա առանձնացնում է Terrace Martin-ին, Roy Ayers-ին, Jill Scott-ին, Wu-Tang Clan խմբին, Macy Gray-ին, Miles Davis-ին, ինչպես նաեւ՝ Mac Miller, Paak, Greentea Peng, Little Simz, IAMDDB, JINJ, Jacob Collier, Yussef Dayes եւ Christian Scott:

Լիլիթը նշում է՝ առաջարկներ ունեցել է փոխելու ոճը, սակայն նրա յուրահատուկ երգացանկի սիրահարները կարող են հանգիստ շունչ քաշել. երգչուհին չի պատրաստվում անդրադառնալ կոմերցիոն երաժշտությանը.

«Կոմերցիան ու արվեստը տարբեր տեսակի դերասաններ են։ Կոմերցիան այն դերասանն է, որը ցանկանում է միշտ սիրուն դուրս գալ կադրում, իսկ արվեստը՝ նա, ում համար կարեւորը դերը ճիշտ խաղալն է: Ես չափից շատ եմ սիրում այն, ինչ ստեղծում եմ, ու քանի այդ էմոցիաներն ինձ սիրուն գույներ են տալիս, չեմ պատրաստվում փոխել ոճս: Հավատացնում եմ՝ հիմա սոցցանցի ալգորիթմների հաշվին ավելի տեսանելի են լավ գործերը, ու կարելի է բավական լավ գումար աշխատել: Ճաշակով մարդիկ միշտ դա կգնահատեն»:

Ինչ վերաբերում է մրցույթներին մասնակցությանը՝ երգչուհին առայժմ այդ ուղղությամբ եւս չի մտածում:

«Մրցույթներին պիտի հարմարվել, կան հատուկ կանոններ, իսկ ես բացարձակ հարմարվող կամ ենթարկվող մարդ չեմ: Ես «լիլիթական» շատ գծեր ունեմ, բայց կարող է՝ ինչ-որ էտապում որոշումս փոխվի»:

Իր արվեստի սիրահարներին Լիլիթը վստահեցնում է՝ 2023-ին կներկայացվեն էլ ավելի շատ գործեր, կթողարկվի նաեւ ձայնասկավառակ: Երգչուհու երաժշտական երազանքները շատ են, որոնցից մեկը նա բարձրաձայնեց,-«Հետագայում երազում եմ քաղաքի տարբեր կետերում ստուդիաներ բացել ու տաղանդավոր արտիստների հետ նոր ու որակով գործեր գրել»:

Սյունե Առաքելյան
Լուսանկարները՝ Լիլիթ Օսիպյանի ինստագրամյան էջից

Հետևեք NEWS.am STYLE-ին Facebook-ում, Twitter-ում և Instagram-ում