Բրիտանական The Guardian-ի վարկածով՝ Z սերնդի կուռքն իր հետքն է թողել նորաձեւության մեջ: Պեմը դյուրին ճանապարհ չի անցել՝ պարզից մինչեւ համարձակ կերպարներ: Այսօրվա նյութը ոգեշնչված է Մալիբուի գլխավոր գեղեցկուհու ոճային որոշումներով։
Օրերս Netflix սթրիմինգային ծառայությունը թողարկել է 90-ականների սեքս-խորհրդանիշ Պամելա Անդերսոնի ինքնակենսագրական ֆիլմը։ Դրանում աստղը խոսում է իր կարիերայի, սիրո հավերժական որոնման եւ կյանքի ամենաքննարկվող դրվագի՝ տան գողության տեսանյութի մասին, որը ձայնագրվել է արդեն նախկին ամուսնու ՝ Թոմի Լիի հետ: Կենսագրական ֆիլմն արժե դիտել հանուն ժամանակի հետ Անդերսոնի կերպարների փոփոխության:
NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում։ Իհարկե, փոքր-ինչ ադապտացնելով որոշ ոճային լուծումների հետ:
Ամբողջական լողազգեստ
Վերջին մեկ-երկու տարվա ընթացքում հայ գեղեցկուհիների մոտ առանձնահատուկ սեր է առաջացել բոդիի եւ նմանատիպ իրերի հանդեպ։ Ճիշտ է, նախապատվությունը հաճախ տրվում է սեւին եւ մարմնագույնին։ Գալիք գարուն/ամառ սեզոնին խորհուրդ ենք տալիս ընդլայնել գունապնակը եւ աչքաթող չանել կորալ լողազգեստը։ Օրինակ ՝ հայկական Marmin ապրանքանիշից։ Համադրեք այն բեժ լայն տաբատի կամ ցածր գոտկատեղով կարգոյի հետ: Ցերեկային ժամերին այս կերպարը կհամադրվի բարձր պլատֆորմ ունեցող սպորտային կոշիկների հետ: Երեկոյան կարող եք համադրել է եք տղամարդու ձեւվածքով բաճկոնի հետ եւ լուքն ամբողջացրեք սրածայր բարձրակրունկ կոշիկներով:
Ջինս՝ ջինսի վրա
Մինչ Mötley Crüe խմբի թմբկահարի հետ հանդիպումը դերասանուհու կերպարը բավականին լակոնիկ էր։ Նա ուլտրակարճ կիսաշրջազգեստների ու տոպ-կորսետների փոխարեն նախընտրում էր սովորական ջինսերն ու պազր վերնաշապիկները։ Իր ոսկե գանգուրներով ու բրոնզե արեւայրուքով նման դուետը հրաշալի տեսք ուներ: Հայ գեղեցկուհիներին առաջարկում ենք կերպարը մի փոքր ավելի ժամանակակից դարձնել։ Ընտրեք լայն փողքերով ջինսե տաբատը համադրել ջինսե վերնաշապիկի հետ՝ ինչպես Պամելան 1994թ․-ին: Ուլտրանորաձեւ ջինսը խորհուրդ ենք տալիս փոխարինել նույն կտորից երկար կիսաշրջազգեստով: Որպես այլընտրանք ՝ ջինսե զգեստ, որը ներկայացրել է Նատալյա Ալավերդյանն իր՝ A.W.A.K.E Mode ապրանքանիշի գարուն–ամառ 2023 հավաքածույում։
Total black
1995-ին Կաննի կինոփառատոնում Պեմի հայտնվելը ոչ մեկին անտարբեր չթողեց։ Անդերսոնի կազմվածքի հմայքն ընդգծվել է8 ընդամենը երեք տարրով ՝ նեղ ջինս, խորը բացվածքով կորսետ եւ երկար ձեռնոցներ։ Թեեւ ոճաբանները խորհուրդ չեն տալիս համատեղել սեւի տարբեր երանգներ մեկ կերպարում, ամերիկա-կանադացի գեղեցկուհուն հաջողվել է նրանց հակառակը համոզել: Style News.am-ը խորհուրդ է տալիս ավելի ուշադրություն դարձնել սեւ նեղ ջինսերին, որոնք շուտով կրկին կլինեն հայտնիության գագաթնակետին: Տեղական արտադրողներից դրանք կարելի է գտնել Zakaryan Jeans-ում։ Ավելի փոքր բացվածքով կորսետների համար կարելի է գնալ Platform Yerevan մուլտիբրենդային բուտիկ, որտեղ ներկայացված է տեղական SKIMlyam ապրանքանիշը, որը մասնագիտացած է կորսետների ստեղծման մեջ։ Metaks-ի երկար ձեռնոցները կամբողջացնեն կերպարը:
Հետևեք NEWS.am STYLE-ին Facebook-ում, Twitter-ում և Instagram-ում
10:25, 27 մարտի
Աֆիշա․ ո՞ւր գնալ այս շաբաթ10:10, 27 մարտի
Snap մեկ, երկու, երեք... եւ միլիարդ. Ռոզա Լինի թրեքը ռեկորդներ է սահմանում09:00, 27 մարտի
ՄԱՐՏԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:31, 26 մարտի
Հայտնիների ծովափնյա look-երը (ֆոտո)21:30, 26 մարտի
Ինչպես տանն ունենալ բարձրորակ աուդիոհամակարգ եւ չզղջալ դրա համար20:54, 26 մարտի
«CREED III»․ Հակոտնյա երկուսի կռիվը զուտ բռնցքամարտ չէ…19:21, 26 մարտի
«Քչով ընդգծիր շատը»․ հարցազրույց կինոռեժիսոր Դավիթ Սաֆարյանի հետ18:46, 26 մարտի
Ուղեւորություն դեպի Ֆորմոզա կղզի14:34, 26 մարտի
Քանյե Ուեսթը վերադարձել է Instagram եւ հայտարարել, որ «կրկին սիրահարվել է հրեաներին»12:08, 26 մարտի
Աստղային ոճ․ 10 կերպար Պենելոպե Կրուսից (ֆոտո)10:52, 26 մարտի
Օրվա թիվը․ Ջեյ Զիի կարողությունը գնահատվում է 2,5 միլիարդ դոլար09:00, 26 մարտի
Շաբաթվա հորոսկոպ․ ի՞նչ է սպասվում կենդանակերպի նշաններին՝ մարտի 27-ից ապրիլի 2-ը