• Սելին Դիոնը պատմել է իր հազվագյուտ հիվանդության դեմ պայքարի մասին

  Սելին Դիոնը Vogue France-ին տված բացառիկ հարցազրույցում պատմել է իր հազվագհուտ նյարդային համախտանիշի (SPS) դեմ պայքարի մասին․․․

• Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել

  Քանյե Ուեսթը հայտնել է, թե որ հայտնի մարդո հետ են ինքն ու իր կինը՝ Բիանկա Սենսորին, պատրաստ երեքով սեքսի…

• Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով

  54-ամյա Քեթրին Զետա-Ջոնսի դուստրը նրան շատ նման է։ Քոլեջի ուսանողուհի Կարիսն այս շաբաթավերջին նշել է իր 21-ամյակը…

• Բրիթնի Սփիրսի «կեղտոտ պարը»

  Բրիթնի Սփիրսն իր Instagram-ում հերթական տեսանյութն է հրապարակել, որում նա էրոտիկ պար է կատարում․․․

• Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ

  Միայն Ռիհաննան կարող է կրել ընձառյուծի պրինտով մուշտակ և կաշվե մինի կիսաշրջազգեստ, որպեսզի դա ոչ թե գռեհիկ, այլ ոճային տեսք ունենա․․․

• Ասիայի ամենահարուստ մարդու էքստրավագանտ նվերներն իր ընտանիքին և ընկերներին

  Ասիայի ամենահարուստ մարդու՝ Մուկեշ Ամբանիի ունեցվածքը գնահատվում է 116 միլիարդ դոլար, և նա և իր ընտանիքը շքեղ կյանք են վարում, հայտնում է GQ India-ն։ Միևնույն ժամանակ, Ամբանին առանձնանում է իր առատաձեռնությամբ, երբ խոսքը վերաբերում է սիրելիներին նվերներ անելուն։ Ահա թանկարժեք նվերների ցանկը, որոնք Մուկեշը տվել է ընտանիքի անդամներին և ընկերներին...

• Նյու Յորքի հայտնի Թայմս Սքվերում գրեթե 20 մ երկարությամբ հսկայական հոթ-դոգ կհայտնվի

  Ստեղծագործությունը Բրուքլինում բնակվող նկարիչներ Ջեն Քաթրոնի և Փոլ Աութլաուի մտահղացումն է, ովքեր իրենց քանդակի միջոցով  «փողոցի միսը նոր բարձունքների կհասցնեն»...

• Թեյլոր Սվիֆթի վերջին ալբոմը մեկ օրում վաճառվել է 1,6 միլիոն օրինակով

  Թեյլոր Սվիֆթի վերջին ալբոմը ԱՄՆ-ում մեկ օրում վաճառվել է 1,6 միլիոն օրինակով, այդ թվում՝ 600,000 վինիլային օրինակ՝ The Tortured Poets Department-ը դարձնելով ամենավաճառվող երաժշտական թողարկումներից մեկն այն ժամանակվանից, ինչ Nielsen Luminate-ը սկսել է հետևել ալբոմների վաճառքին 1991 թվականից...

Գործակալ Օրսոն Ֆորչունը (Սթեթհեմ) աշխատում է բրիտանական լրտեսների էքստրավագանտ թիմի հետ՝ կանխելու գաղտնի բարձր տեխնոլոգիական զենքի հայտնվելը միջազգային հանցագործների ձեռքում:

Գայ Ռիչին սրընթաց բարձրացավ համաշխարհային կինոյի օլիմպոս՝ նկարահանելով «Խաղաքարտեր, գումար,  երկու ատրճանակ» (1998թ,) եւ «Մեծ ավար» (2000թ,) նորարարական, էներգիայով լի քրեական ժապավենները։ Շնորհիվ հանդուգն հումորի, վառ ու անցենզուր երկխոսությունների, խառը պատումի եւ կլիպային մոնտաժի բրիտանացի ռեժիսորը ստացավ «Մախառլախպատ Ալբիոնի Տարանտինո» մականունը։

Սակայն տարիներն անցնում էին, Ռիչին մեկ փորձում էր տարակերպ հաջողությամբ  զանգվածային հանդիսատեսի համար կոնյուկտուրային կինո նկարել («Շերլոք Հոլմս» (2006թ․), «Արքա Արթուրի թուրը» (2017թ․), «Ալադին» 2019թ․), կամ ջանում էր կրկնել իր իսկ ոճը «Ռոքն ռոլ կատարողը» (2008թ․)), եւ դարձյալ, տարբեր արդյունքներով։

Բրիտանացի ռեժիսորի խնդիրն այն է, որ նրա շահութաբեր ֆիլմերը գրեթե զուրկ են բացառիկ հեղինակային ձեռագրից, իսկ այն ֆիլմերը, որոնցում նա փորձում է որսալ այն, երկրորդական են։

Երկար սպասված հաջողությունը Ռիչիին բերեց «Ջենթլմեններ» (2020թ․) ֆիլմը, որում, կարծես թե, գտնվեց հաջողության բանաձեւը՝ պատումի եղանակով այն նման է նրա առաջին ֆիլմերին, բայց ավելի բովանդակազուրկ եւ հոլիվուդյան եղանակով կոկված։

Բրիտանացի ռեժիսորի հաջորդ ֆիլմը՝ «Մարդկային զայրույթը» (2021թ․), մատնանշեց տագնապալից միտումը։ Ռիչին, ասես, նկարահանեց ոչ հեգնական մարտաֆիլմ, որում կատակները դադարեցին մարմնավորել մետա-հումորը (հեգնանքն ընդհանրապես կինեմատոգրաֆի հանդեպ), իսկ իրականում պետք էին լոկ այն բանի համար, որպեսզի զվարճացնեին հանդիսատեսին, իսկ Ջեյսոն Սթեյթեմը ներկայանում էր իր համար տիպիկ՝ հերոսական կերպարում, որը սաստիկ տարբերվում էր ռեժիսորի այլ ֆիլմերում նրա դերերից։

«Օպերացիա «Ֆորտունա» ֆիլմում նույն մոտեցումն է, միայն ավելի անողոք:

Այն հնարքները, որոնք հռչակել են Գայ Ռիչի առաջին ֆիլմերը, իջեցված են արհեստի տեխնիկայի մակարդակի։ Այո, նոր ֆիլմում գրեթե միեւնույն դինամիկ մոնտաժն է, սյուժեն, որը պարբերաբար տրոհվում է դրվագների խճանկարի, արտառոց դիալոգների, եւ անգամ մակգաֆինի պատումի։ Այսինքն, տեխնիկապես, Ռիչին նախկինի պես կարողանում է լավ սարքված կինոսցենարներ գրել եւ վստահ մարմանավորել դրանք էկրանին։ Ինչ-որ առումով նա անգամ ավելի  արհեստավարժ է դարձել՝ ամեն ինչ կատարվում է վստահ ավտոմատիզմով, ամեն դետալ իր տեղում է։ Իսկ ահա այն հմայքը, որը վարպետի վաղ աշխատանքերը պաշտամունքային են դարձրել՝ անհետացել է։

Այո, լրտեսական մարտաֆիլմի սյուժեն բավականին գրավիչ է, բայց, որքա՞ն նման  սյուժեներ են եղել։ Այո, երկխոսությունները հագեցած են հումորով, բայց հոլիվուդյան անցողիկ բլոքաբաստերի մակարդակի են։ Այո, կերպներն արտառոց են, բայց հիշվում են հազիվ մի քանիսը։ Գլխավոր պրիման՝ Ջեյսոն Սթեթեհեմն, ավանդականի պես ինքն իրեն է խաղում, բայց իբրեւ էքշն հերոս ի վիճակի չէ որեւէ նոր բան առաջարկել եւ տարիների հետ նրա մասնակցությամբ մարտական դրվագներն ու հնարքները ձանձրալի են դառնում։ Այդ իսկ պատճառով նրա փոխարեն էշը ցեխից հանում է Ջոշ Հարնեթը, որի կարիերան Գայ Ռիչին տառացիորեն վերածնեց։

Հարնեթը հաջողակ դերասանի կերպարում է՝ հավաքագրված որպես գաղտնի գործակալ եւ դա անում է անկաշկանդ ու հաճույքով։ Լավն է նաեւ Հյու Գրանտը, որը խարդախ բիզնսմենի է մարմնավորել։ Բայց դրանք բոլորը երկրորդ պլանում գործող անձինք են, եւ նրանք ձանձրույթը վանելու համար բավարար չեն։ Այնինչ ռեժիսորի նախորդ աշխատանքներում հիշվում էր յուրքանչյուր նշանակալից կերպար։ Իսկ ռեժիսուրան առաջվա պես լավն է, բայց դրանում որեւէ նորրական բան պետք չէ փնտրել՝ այդ ամենը մենք արդեն տեսել ենք։

Սակայն յուրաքանչյուր ֆիլմ արժե գնահատել որպես ինքնուրույն ստեղծագործություն, եւ, եթե հաշվի չառնենք հեղինակին եւ ուղեկցող համատեքստը։ «Օպերացիա «Ֆորտունա»»-ն  լավ ժամանցի ատրակցիոն է։ Դրանից շատ բան պետք չէ սպասել եւ դիտումից հետո այն անպայման շուտ կմոռացվի, բայց լիովին ունակ է հաճելի հույզեր հաղորդել այստեղ եւ հիմա։ Սցենարն ամեն դեպքում հետաքրքրում է, կատակները ստիպում են ժպտալ։ Պարզապես հարկ է հաշտվել այն բանի հետ, որ Գայ Ռիչին տաղանդավոր ռեժիսոր-հեղինակից վերածվել է արհեստավարժ ռեժիսոր-արհեստավորի։

Անտոն Մուխորտով

Հետևեք NEWS.am STYLE-ին Facebook-ում, Twitter-ում և Instagram-ում