• Քանյե Ուեսթը վերադարձել է Instagram եւ հայտարարել, որ «կրկին սիրահարվել է հրեաներին»

  Ոչ մի քրիստոնյայի չի կարելի հակասեմական անվանել՝ հաշվի առնելով, որ Հիսուսը հրեա է․․․

• Աստղային ոճ․ 10 կերպար Պենելոպե Կրուսից (ֆոտո)

  Բնականություն ու անսահման կանացիություն․ Պենելոպե Կրուսն այնպիսին է, ինչպիսին կա...

• Օրվա թիվը․ Ջեյ Զիի կարողությունը գնահատվում է 2,5 միլիարդ դոլար

  Այժմ Ջեյ Զին համարվում է աշխարհի ամենահարուստ ռեփերը․․․

• Գաղտնի սեքս-ակումբ Հոլիվուդի էլիտայի համար եւ ոչ միայն․ անդամակցությունն արժե 1 միլիոն դոլար

  Նրա նոր մեծ նախագծերից մեկը Secret Garden-ն է, որը կծախսի 100,000-ից 1 միլիոն դոլար շքեղ առանձնատան խնջույքների համար․․․

• Հինգ աստղեր, ովքեր հայտնի են դարձել սեքս-տեսագրությունների շնորհիվ

  Սեքսը մարդկությանը հուզող ամենաբուռն թեմաներից մեկն է․․․

• Աստղային գեղեցկության գաղտնիքները․ Սելենա Գոմես՝ նվազագույն շպար

  Սելենա Գոմեսի մաշկը եւ խնամված մազերը շատ են նպաստում նրա անթերի արտաքինին․․․

• «Ցանկանում եմ, որ այս ամենին վերջ տրվի»․ Սելենա Գոմեսը Հեյլի Բիբերի խնդրանքով դիմել է իր երկրպագուներին (ֆոտո)

  Հեյլի Բիբերը դիմել է Սելենային՝ հայտնելով, որ սպառնալիքներ է ստանում երգչուհու աջակիցների կողմից․․․

• Անհայտ անձը փորձել է ամուսնության առաջարկություն անել հղի Ռիհաննային

  Փոփ դիվայի անվտանգության ծառայությունը ոստիկանություն է կանչել․․․

Ամերիկացի հայտնի դերասան Ջո Մանգանիելոն PBS-ի Finding Your Roots («Գտնել արմատներդ») հաղորդաշարի շրջանակում պատմել է Հայոց ցեղասպանությունից փրկված իր մեծ տատի սարսափելի պատմությունը։

People-ին տրամադրած բացառիկ տեսանյութում Մանգանիելոն մանրամասնորեն ներկայացրել է, թե ինչպես է իր մեծ տատը, որն ականատես էր եղել ամուսնու եւ 7 երեխաների սպանությանը, 1915 թ-ին փախել Հայաստանից։

«Թուրքերը 1915-ին Առաջին համաշխարհային պատերազմի քողի տակ մտան նրա տուն եւ փորձեցին իրականացնել իրենց սկսած ցեղասպանությունը: Ամուսնուն սպանեցին, իրեն կրակեցին։ Նա պառկեց գետնին, ձեւացրեց, թե մեռած է․ հնչեցին եւս յոթ կրակոց, որոնք նրա յոթ երեխաներին էին ուղղված»,-պատմել է դերասանը։

Մանգանիելոյի տատը այդպես պառկած մնացել է, մինչեւ թուրքերը հեռացել են նրա տնից։ 

«Թուրքերը հեռացել էին, իսկ ութերորդ երեխային միայնակ թողել օրորոցի մեջ, որ սովամահ լիներ։ Նրանք հենց այդպես էին իրենց գործն անում»:

Ջոի տատն, այնուհետեւ կապել է երեխային իր մեջքից եւ փախել քաղաքից, բայց հազիվ է փրկվել սարսափելի «մահվան երթից»։

«Նրանք ուղղակի շղթաներով կապկպում էին հայերին եւ դուրս բերում անապատ, իսկ քրդերին ազատում՝ զինվորական վերարկուներ, ձիեր ու հրացաններ էին տալիս, որ կարողանային իրենց մահկանացու թշնամիների՝ հայերի հետ անել այն, ինչ ուզում էին։ Նա փախել է դրանից»,- ասել է դերասանը,-«Երեխային մեջքի վրա՝ հասել է Եփրատ գետը, լողալով անցել այն, բայց երբ հասել է մյուս ափը, երեխան խեղդվել է»:

Մանգանիելոն ավելացրել է, որ իր  մեծ տատը, այդպես վիրավոր, ապրում էր քարանձավում այլ փախստականների հետ, մինչեւ որ իրեն գտել են գերմանացի զինվորականները։ Նա հղիացել է գերմանական ռազմական ճամբարում՝ գերմանացի սպայից։

Հարցին՝ ինչն է ստիպել իրենց մասնակցել հայտնի շոուին, Մանգանիելոն պատասխանել է՝ «Ես փոքրուց իմացել եմ, որ Հայոց ցեղասպանությունից փրկվածի ծոռ եմ, եւ որ իմ մեծ պապը գերմանացի զինվորական էր։

Վերջին տասը տարիների ընթացքում ես ցանկանում էի գենետիկային վերաբերող հաղորդման մասնակցել, որպեսզի պարզեի, թե ով էր այդ գերմանացին, սակայն ինձ միշտ մերժում էին։ Այդպես, մոտ 2 տարի առաջ դրական պատասխան ստացա Finding Your Roots-ի կողմից, քանի որ նրանք հասկացան, որ տեխնոլոգիան այնպես է զարգացել, որ նրանք կարող են ինձ օգնել»։

Նախագծի հաղորդավար Հենրի Լուիս Գեյթս կրտսերը Rolling Stone-ին խոստովանել է, որ Ջո Մանգանիելոյի պատմությունը իր համար ամենատպավորիչներից էր։ 

Ի վերջո, հաղորդման շնորհիվ պարզվել է, որ այդ գերմանացի զինվորականի անունը Կառլ Վիլհեմ Բեթինգեր էր։ 

Աղբյուրը՝ Daily Mail
Լուսանկարները՝ Getty Images, Instagram

Հետևեք NEWS.am STYLE-ին Facebook-ում, Twitter-ում և Instagram-ում