• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• «Պատանի երաժիշտների Եվրատեսիլ»-ում Հայաստանն այս տարի կներկայացնի Հայկ Հեքեքյանը

  Հայկ Հեքեքյանը կներկայացնի Հայաստանը 2024 թ-ի «Պատանի երաժիշտների Եվրատեսիլ»-ում...

Գյումրեցի արվեստագետ Արտակ Թադեւոսյանի մասին խոսում են ոչ միայն Հայաստանում, այլեւ դրա սահմաններից դուրս։ Մասնագիտությամբ նկարիչ-քանդակագործը 7 տարի առաջ սկսեց զբաղվել յուրահատուկ զարդերի ստեղծմամբ, որոնց նյութը փամփուշտն է․․․  «Ոչ թե պարկուճն է խնդիրը, այլ՝ այն կիրառողը»,-ասում է Արտակ Թադեւոսյանը, որն արվեստի միջոցով ցանկանում  է փոխանցել մահաբեր փամփուշտի հակառակ կողմն ու առաջարկել այն օգտագործել այլ նպատակով՝ ոչ թե մահ բերելու, այլ գեղեցկություն՝ կյանք ստեղծելու համար։ 

Արվեստագետն այս օրերին պատրաստվում է ԱՄՆ-ում՝ մարտ ամսին կայանալիք իր ցուցահանդեսին։ Շարքը, որով ներկայանալու է Թադեւոսյանը, կոչվում է «Զսպանակ»։ «Զսպենք չարության փամփուշտը։ Մեզ խաղաղություն է պետք»՝ այս գաղափարն է փոխանցվելու ներկայացված աշխատանքներում։ 
NEWS.am STYLE-ն Արտակ Թադեւոսյանի հետ զրուցել է կայանալիք ցուցահանդեսի ու արվեստի յուրահատուկ գործերի մասին է։

Գյումրեցի արվեստագետը փամփուշտից զարդեր սկսել է պատրաստել 2015 թ-ից։ Հենց այդ շրջանում էլ հիմնել է իր բրենդը՝ HayAr-ը, սակայն, ինչպես ինքն է խոստովանում, չէր էլ կարծում, որ այն, ինչ ստեղծում է, հետաքրքրելու է ոչ միայն տեղացիներին, այլեւ զբոսաշրջիկներին ու աշխարհի ամենահայտնի պարբերականներին ու կայքերին։ Նրան անդրադարձել է ֆրանսիական ու բրիտանական մամուլը, նրա արվեստանոցում հյուրընկալվել է նաեւ ռուսական «Ռոսիա 1» հեռուստաալիքի «По секрету всему свету» հաղորդաշարի անձնակազմը՝ պատմելով հայազգի արվեստագետի անսովոր զարդերի մասին։

«Երբ սկսեցի իմ գործով զբաղվել, երբեք չէի մտածի, որ իմ բրենդը պետք է աշխարհում ճանաչելի դառնար, որ դրա մասին կխոսեն շատ հեղինակավոր կայքեր ու պարբերականներ։ Բայց երբ դու քո գոծի նվիրյալն ես ու ամեն բան անում ես անշահախնդրորեն, հեղինակությունը, անունը, համբավը ինքըստինքյան են գալիս»,-ասում է Թադեւոսյանը։  

Պարկուճը, պարզապես, նյութ է, որի հակառակ կողմը կարող է լինել էսթետիկ ու զարդարող՝ վստահ է արվեստագետը,-«Պարկուճը մահաբեր իր է, բայց այն վերցնելով կոնցեպտուալ դաշտի մեջ՝ որպես կիրառական արվեստի դետալ, օգտագործել եմ այլ գաղափարի մեջ։ Ցանկացել եմ, որ սրա միջոցով մարդկանց հասանելի լինի այն խնդիրը, որ ոչ թե պարկուճն է խնդիր, այլ այն կիրառողը։ Գաղափարը նրանում է, որ այն, ինչ կարող է ոչնչացնել, կարող է նաեւ զարդարել»։

Մասնագիտությամբ նկարիչ-քանդակագործը զարդարվեստի հետ բացարձակ կապ չի ունեցել․ «Այդ հարցում ինքնուս եմ։ Երբ սկսեցի զբաղվել զարդարվեստով, չունեի ոչ մի գիտելիք այս ոլորտում, չունեի ոչ մի գործիք։ Նախ՝ գործիքները պատրաստեցի, հետո նոր սկսեցի դրանցից զարդեր կերտել։ Դա էլ ինձ համար ինչ-որ կարծրատիպ կոտրելու մեթոդ էր․ խնդիրը ցանկությունն է՝ եթե ցանկանում ես մի բան անել, չպիտի լինես միջակության մեջ․ կամ պետք է լավ անես, կամ ընդհանրապես չանես։ Փոքրուց այդ սկզբունոքով եմ առաջնորդվել»,-ասում է նա։

Անդրադառնալով իր մտահոգությանը, որն արտահայտում     է մշակույթի լեզվով, արվեստագետը նշում է․ 

«Մենք շատ ցավոտ տարիններ ենք ունեցել․ (90-ականներ, 2016, 2020...): Երեւի աշխարհում չկա մի այնպիսի սարսափ, որ իմ ժամանակակիցները տեսած չլինեն։ Իմ հաղորդագրությունն այն է, որ մենք պետք է հասկանանք, որ աշխարհն է ծնում ցանկացած ագրեսիա։ Ես փորձել եմ վերցնել այս համամարդկային գաղափարն ու անդրադառնալ այդ խնդրին մշակութային լեզվով, որպեսզի մարդիկ մտածեն՝ ինչպե՞ս են դաստիարակվել այն ագրեսորները, որոնք չարիք են դարձել։ Իհարկե, պատերազմը չի կարող քեզ վրա ազդեցություն չունենալ, բայց, որպես արվեստագետ, դու պետք է կարողանաս այնպես ներկայացնել այդ խնդիրը, որ մարդուն մոտեցնես հոգեւոր արժեքներին։ Յուրաքաչյուրը պետք է հասկանա, որ պետք է սկսի հենց իրենից։ Ուզում եմ, որ իմ զարդերը տեսնողները դառնան խաղաղություն կրող ու փոխանցող»։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում