Ֆրանսիան ծրագրում է միլիոնավոր եվրոներ ծախսել՝ գինին դեղագործական եւ կոսմետիկ արտադրանքի տեխնիկական ալկոհոլի վերածելու համար, որպեսզի կարողանա հսկայական ավելցուկները հեռացնի։ Այս մասին հայտնում է The Local-ը։
Ֆրանսիան՝ Իտալիայից հետո աշխարհում երկրորդ ամենամեծ գինի արտադրող երկիրն է։ Վաղուց հայտնի է որպես գինու սիրահարների ազգ: Բայց հարավ-արեւմտյան Բորդո շրջանի արտադրողներն ասում են, որ ավելի մատչելի ապրանքանիշերի գերարտադրությունը եւ ներքին սպառման նվազումը ճնշել են մառանները, եւ հաջորդ սեզոնի բերքը պահելու տեղ չունեն։
Գյուղատնտեսության նախարարությունը հայտարարել է, որ ըմպելիքը տեխնիկական սպիրտի մեջ թորելու համար կհատկացնի մինչեւ 160 մլն եվրո։
Բորդոյի գինեգործ Դիդյե Կուզինին կարծում է, որ այս գումարը բավական է ընդամենը մի քանի ամսով փոքր բիզնեսին օգնելու համար՝ միաժամանակ տարածելով ամբողջ արդյունաբերությունը ողջ երկրում: Մեր մառաններում 24 ամիս է, ինչ ապրանքն առանց օգտագործվելու դրված է», - ասել է նա։
Բորդոյի շրջանի գյուղատնտեսական արհմիությունները մի քանի բողոքի ցույցեր են կազմակերպել եւ փոխհատուցում են պահանջում իրենց խաղողի այգիների մի մասն արմատախիլ անելու դիմաց: Սա կնպաստի արտադրության ծավալների կրճատմանը եւ խաղողագործներին թույլ կտա հողը վերափոխել այլ գործունեության համար:
Կուզինի եւ գործընկեր այգեգործների գնահատմամբ, տարածաշրջանում առնվազն 15,000 հեկտար խաղողի այգիներ կան, ինչը համարժեք է 21,000 ֆուտբոլի դաշտերին, որոնք պետք է արմատախիլ արվեն, որպեսզի փոփոխություն լինի: Նրանք պահանջում են փոխհատուցում մեկ հեկտարի համար 10000 եվրոյի չափով։
Ֆրանսիական գինու արդյունաբերությունում աշխատում է մոտ կես միլիոն մարդ՝ ըստ Գինու ազգային միջպրոֆեսիոնալ հանձնաժողովի տվյալների:
Եթե ոչինչ չարվի՝ «մենք մտավախություն ունենք, որ 100,000-ից մինչեւ 150,000 աշխատատեղ վտանգի տակ կհայտնվի հաջորդ տասնամյակում»,- ավելի վաղ նախազգուշացրել էր հանձնաժողովի ղեկավար Բեռնար Ֆարժը:
Ֆրանսիական սուպերմարկետներում կարմիր գինու վաճառքն անցյալ տարի նվազել է 15 տոկոսով։ Այս մասին հայտնում է երկրի Գինեգործների գլխավոր ասոցիացիան: Սպիտակ եւ վարդագույն գինիներն ամենաքիչն են տուժել՝ գրանցելով մոտ երեք եւ չորս տոկոս անկում:
Գինեգործ եւ FNSEA գյուղատնտեսական միության գլխավոր քարտուղար Ջերոմ Դեսպինն ասել է, որ սա ավելի լայն միտում է արտացոլում: Նրա խոսքով՝ 70 տարի առաջ ֆրանսիացիները տարեկան միջինը մոտ 130 լիտր գինի էին խմում, իսկ այսօր այդ ցուցանիշն իջել է 40 լիտրի։
Հետևեք NEWS.am STYLE-ին Facebook-ում, Twitter-ում և Instagram-ում
11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին