• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

Ամեն տարի սերիալները գրավում են ավելի ու ավելի շատ հեռուստադիտողների ուշադրությունը։ Նախ, մալուխային հեռուստատեսության լայն տարածման, ապա նաեւ սթրիմինգային ծառայությունների հաղթական երթի շնորհիվ փոքր էկրանների համար նախատեսված արտադրանքը վերածվել է մշակութային ֆենոմենի. բազմասերիանոց ֆիլմերը ոչ միայն աներեւակայելի տարածված են, այլեւ որակով չեն զիջում լիամետրաժին եւ կարող են պարծենալ արժանի պատկերներով, առաջնակարգ աստղերով եւ հզոր դրամատուրգիայով։

Անցած 2022 թվականն այս առումով բացառություն չէր, իսկ 2023 թվականն արդեն սկսել է ուրախացնել պրեմիերաներով։ Ի՞նչ թարմ սերիալների վրա պետք է ուշադրություն դարձնել:

1. «Վիշապի տունը» HBO-ի «լուրջ» բազմասերիանոց նովելների առաջամարտիկներից է՝ «Գահերի խաղի» սփին-օֆֆը։
   
   
   
   Շատերը զգուշությամբ էին սպասում այս շարքի թողարկմանը։ Նախ, երկու անգամ նույն գետը մտնելը բավականին դժվար է, եւ Վեստերոս վերադառնալու մեծ սպասելիքները կարող էին դաժան կատակ խաղալ ստեղծողների հետ: Երկրորդ՝ «Գահերի խաղի» վերջին եթերաշրջանները հիասթափեցրել էին հեռուստադիտողներին եւ ստիպել կասկածի տակ դնել հեղինակների՝ արժանի ստեղծագործություն թողարկելու հնարավորությունները։ Սակայն «Վիշապի տունը» լուրջ հաղթաթուղթ ունի՝ ավարտված սկզբնաղբյուրը։ Եթե Ջորջ Մարտինի՝ «Սառույցի եւ կրակի երգը» ավելի քան 10 տարի գոյություն ունի անորոշ վիճակում, ապա Թարգարիենների տան ճակատագրի մասին «Կրակ եւ արյուն» տարեգրությունը նա գրել է ամբողջությամբ, ուստի սերիալի հեղինակներն ամուր սցենարի հիմք ունեն մի քանի սեզոնների համար: Բացի այդ, կեղծ պատմական գրվածքի տեսքով գիրքը հնարավորություն է տալիս նաեւ իրադարձությունների ազատ մեկնաբանման համար։ Իսկ «Վիշապի տունը» իրացնում է իր ներուժը ամբողջությամբ։ Սա ինտրիգների եւ պայքարի պատմություն է մեկ տան ներսում՝ համեմված հիանալի դերասանական աշխատանքով եւ վայրագ էքշնով։
   
   
2. Netflix սթրիմինգային հսկայի «Ուենսդեյը»՝ վերադարձ «Ադամսների ընտանիքի» աշխարհ։
   
   
   
   Այս բազմասերիանոց հիթին արժե ուշադրություն դարձնել գոնե միայն այն պատճառով, որ սա Թիմ Բյորթոնի հաղթական վերադարձն է ռեժիսորի կոչմանը, որընա կարող է հաջողված գոթական հեքիաթ ստեղծել, ինչը բազմիցս արել է իր կարիերայի լավագույն տարիներին: Եվ այս շարքը երկրորդ շունչ հաղորդեց «Ադամսների ընտանիքին»։ Բայց «Ուենսդեյի» «գլխավոր զենքը» ոչ թե լավ ռեժիսորն ու հայտնի սեթթինգն է, այլ երիտասարդ դերասանուհի Ջեննա Օրտեգան, որը ստեղծեց գրավիչ կերպար եւ պայթեցրեց սոցցանցը վիրուսային պարով։ 
   
   
3. Disney+ ծառայության «Անդոր» («Andor») սերիալը «Աստղային պատերազմների» տիեզերքի ամենաարտասովոր սերիալն է։
   
   
   
   «Մկնիկի տան» էքսպերիմենտները «Աստղային պատերազմների» հետ երկրպագուների համայնքում շատ երկիմաստ են ընկալվում։ Եթե «Հեռու, հեռու գալակտիկան» չկարողացավ համոզիչ կերպով ցույց տալ իրեն, ապա սերիալային ոլորտում հաջողությունն անմիջապես եկավ. մի քանի տարի առաջ թողարկված «Մանդալորացին» դարձավ ակնթարթային հիթ: Այնուամենայնիվ, «Անդորը» կասկածներ առաջացրեց։ Ո՞ւմ է պետք սերիալը ոչ ամենահաջողակ Rogue One-ի երկրորդական կերպարի մասին: Բայց վախերը չիրականացան․ Թոնի Գիլրոյը հանդիսատեսին նվիրեց անզիջում նեոնուար՝ միացված «Աստղային պատերազմների» սեթինգում քաղաքական թրիլերի հետ։ Այս աշխարհը երբեք այսքան մութ ու երկրային չի եղել: Ապստամբներն այստեղ ոչ մի բանի առաջ կանգ չեն առնի՝ իրենց նպատակին հասնելու համար։ Կայսրությունը շահագործում է բանտարկյալների աշխատանքը, իսկ գլխավոր հերոսը ազնիվ ջեդայ չէ, այլ մի մարդ, որը չի խորշում պայքարի կեղտոտ մեթոդներից։
4. Հրեշը՝ Ջեֆրի Դամերի պատմությունը Netflix-ից․ կենսագրական թրիլեր է պատմության ամենասարսափելի մոլագարներից մեկի կյանքի եւ վայրագությունների մասին: Չնայած բարոյախոսների բոլոր բողոքներին՝ սերիական մարդասպանի թեման տարիների ընթացքում աներեւակայելիորեն գրավում է կինոյի սիրահարներին: Հավանաբար, ապագայում մենք կտեսնենք քիչ թե շատ հայտնի չարագործների կենսագրությունները մեծ կամ փոքր էկրաններին: Netflix-ն արդեն անդրադարձել է նման թեմայի «Մտքի որսորդը» սերիալում, իսկ հիմա ուշադրություն է դարձրել Դամերին։ Ամենեւին պարտադիր չէ մանրամասնել մարդասպանի կյանքը, սակայն նրա արարքները լրջորեն հուզել են ամերիկյան հասարակությանը։ Նոր շարքը փորձ է մանրամասնորեն ներկայացնելու մոլագարի ճանապարհը մանկությունից մինչեւ մահվան դատավճիռ: Արժե դիտել այն, եթե ցանկանում եք հասկանալ մարդկային շեղումների հոգեբանական ֆոնը։ Դերասան Էվան Փիթերսը եւս մեկ անգամ հաստատել է տարբեր վառ կերպարների կերպարանափոխվելու իր կարողությունը։
5. «Մեզանից ոմանք»–ը հետապոկալիպտիկ սերիալ է HBO-ից լեգենդար համակարգչային խաղի մոտիվներով։
   
   
   
   Ցուցակի ամենաթարմ սերիալը. առաջին սեզոնը նոր է սկսել դուրս գալ, բայց այն արդեն միանշանակ արժանի է ուշադրության: Այս պահին սա HBO-ի ամենաբարձր վարկանիշ ունեցող նախագիծն է։ Սերիալը կարող է պարծենալ ինչպես աշխարհի վերջից հետո աշխարհի համոզիչ իրողություններով, այնպես էլ հիանալի դրամատուրգիայով, որը ստիպում է անկեղծորեն կարեկցել հերոսներին։ Իսկ սարսափ տարրերը մշտական լարվածության մեջ են պահում։ Նախագիծը արժեքավոր է նաեւ նրանով, որ այն վիդեոխաղի հաջող էկրանավորման հազվագյուտ օրինակներից է, որը չի նահանջում բնօրինակի տառից եւ ոգուց։

Անտոն Մուխորտով

Հետևեք NEWS.am STYLE-ին Facebook-ում, Twitter-ում և Instagram-ում