• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

• Կաննի կինոփառատոնը ներկայացրել է մասնակիցների կազմը

  Կաննի կինոփառատոնը ներկայացրել է մասնակիցների կազմը. Կաննի 77-րդ կինոփառատոնին կմասնակցեն մի քանի խորհրդանշական ռեժիսորներ․․․

• Մարգո Ռոբին ցանկանում է ֆիլմ նկարահանել «Մոնոպոլիա» խաղի հիման վրա

  Մարգո Ռոբին եւ նրա LuckyChap ընկերությունը մտադիր են գեղարվեստական ​​ֆիլմի նկարահանել ընտանեկան սեղանի խաղի՝ «Մոնոպոլիա»-ի հիման վրա…

• Մայքլ Ջեքսոնի մասին պատմող կենսագրական ֆիլմի առաջին կադրերը ցուցադրվել են CinemaCon-ով

  Մայքլ Ջեքսոնի մասին պատմող կենսագրական ֆիլմի առաջին կադրերը ցուցադրվել են CinemaCon-ով…

• Warner Bros.-ը պաշտոնապես հրապարակել է Թոդ Ֆիլիպսի «Ջոկեր. Folie à Deux» ֆիլմի առաջին ամբողջական թրեյլերը

  Երկուսուկես րոպե տեւողությամբ հոլովակում Հոակին Ֆենիքսը կրկին Արթուր Ֆլեքի/Ջոկերի դերում է…

• Ռենե Զելվեգերը եւ Հյու Գրանտը կնկարահանվեն Բրիջիթ Ջոնսի մասին հայտնի ֆիլմաշարի չորրորդ մասում

  «Օսկարի» կրկնակի դափնեկիր դերասանուհին նկարահանվելու է «Բրիջիթ Ջոնս. խելագարվում է տղայի համար» ֆիլմում, որը հիմնված է գրող Հելեն Ֆիլդինգի համանուն բեսթսելեր գրքի վրա…

• Նվիրվում է «Գահերի խաղի» երկրպագուներին, կամ «Սյոգուն» սերիալը՝ որպես տարվա գլխավոր թողարկում

  Թողարկվել է «Սյոգուն» սերիալը՝ 80-ականների համանուն սերիալի ռիմեյքը, որը նկարահանվել է վեպի հիման վրա․․․

• Մարգո Ռոբին եւ Օլիվիա Ուայլդը աշխատում են «Ավենգելին» կոմիքսների ադապտացիայի շուրջ

  Մարգո Ռոբին եւ Օլիվիա Ուայլդը «X մարդիկ» ֆիլմի պրոդյուսեր Սայմոն Քինբերգի հետ միասին պատրաստվում են ադապտացնել «Դեդփուլի» համահեղինակ Ռոբ Լիֆելդի կողմից ստեղծված կոմիքսների հերոսներից մեկին…

Marvel կինոտիեզերքը գոյություն ունի արդեն 15 տարի եւ չի ծրագրում զիջել դիրքերը։ Այս ընթացքում այն դարձել է իսկական փոփ-մշակութային երեւույթ եւ սուպերհերոսապատումը զվարճանքների արդյունաբերությունում վերածել է ամենաազդեցիկ ժանրի։ Ռեժիսոր Փեյթոն Ռիդի «Մրջյուն-մարդը եւ կրետը. Քվանտոմանիա»-ն ֆրանշիզի 31-րդ ֆիլմն է, որը կինոտիեզերքի Հինգերորդ փուլի սկիզբն է դարձել։

Անվերջ թվացող սուպերհերոսական սերիալը երկար ճանապարհ է անցել։ 2008թ. թողարկված «Երկաթե մարդը» բավական անսպասելիորեն հիթ դարձավ. այդ պահին Marvel-ի կոմիքսների ամենահայտնի հերոսների իրավունքները գտնվում էին  այլ ստուդիաների ձեռքում, ուստի ստիպված էին դիմել երկրորդ էշելոնի կերպարներին։ Եվ այս մտահղացումն «աշխատեց». ֆիլմը ոչ միայն վերածնեց Ռոբերտ Դաունի-կրտսերի կարիերան, այլեւ մեկնարկ դարձավ հզորագույն ֆիլմերի շարքի համար։  Սեփական տիեզերք կառուցելու ծրագիրը պրոդյուսեր Քեւին Ֆայգին փայփայում էր ամենասկզբից. կինոնկարների կապն ապահովվում էր գործող անձանց կամեոների՝ էպիզոդիկ դերերի միջոցով, մեկից մյուսին հղումներով՝ տիտրերին հաջորդող տեսարանների օգնությամբ, որոնք դարձել են ստուդիայի ֆիրմային առանձնահատկությունը։ Չնայած բոլոր ստեղծագործությունները չէ, որ նույն հաջողությունն էին ունենում, զարգացման ընդհանուր ուղղությունը նպաստում էր հանդիսատեսի հետաքրքրվածության պահպանմանը։ Եվ ոչ իզուր, որովհետեւ 2012թ. թողարկված «Վրիժառուները» կարողացավ օրգանապես միավորել նախորդ ֆիլմերի սյուժետային գծերը, եւ, միաժամանակ, ունենալ սեփական դեմք. կատարյալ թիմային կինո սուպերհերոսների մասին, էպիկական մասշտաբի կոնֆլիկտով։

«Վրիժառուներից» հետո Marvel-ը վերջնականապես իր տեղն ապահովեց ժամանցային կինեմատոգրաֆիայի երկնակամարում (2015թ. ստուդիան գնեց Disney-ը, եւ թափն ավելի մեծացավ) եւ կարողացավ գործի դնել հոսքագիծը, որը մեկ տարում մի քանի ֆիլմ էր արտադրում տրիկոյով մարդկանց մասին։ Ընդ որում՝ չի կարելի ասել, որ արտադրությունը «հոգի չունի». Marvel-ը ներգրավում է տաղանդավոր ռեժիսորների եւ սցենարիստների, որոնք կարողանում են ձեւաչափերի փորձարկումներ անել։ Ստուդիայի ֆիլմերի վրա աշխատել են Ջեյմս Գանը, Քլոյա Ջաոն, Ռուսո եղբայրները, Թայկա Վայտիտին, Սեմ Ռեյմին եւ այլք։ Ուստի, Marvel  կինոտիեզերքում նայելու բան կա։

Օրինակ, ուշադրության է արժանի Կապիտան Ամերիկայի կերպարի «վերալիցքավորումը» «Առաջին վրիժառուն. ուրիշ պատերազմ» ֆիլմում (2014թ.), որն ստեղծվել է լրտեսական զիլ մարտաֆիլմի ոգով։ Շատ հետաքրքիր է նայվում Ռայան Կուգլերի «Սեւ հովազը» (2018թ.)՝ աֆրիկյան տպավորիչ ֆենթեզի, որը լուծում է Կինոտիեզերքում սեւամորթ հերոսների ներկայացվածության հարցը։

Վիզուալ առումով հետաքրքիր է Սքոթ Դերիկսոնի «Դոկտոր Սթրենջը» (2016թ.), որը կինոդիտողին տեղափոխում է սյուրռեալիստական իրականություն, որն ասոցացվում է Քրիսթոֆեր Նոլանի «Սկզբի» (2010թ.) հետ։ Կինոտիեզերքում առանձնանում է «Գալակտիկայի պահապանների» մասին ֆիլմաշարը։ Ջեյմս Գանը ստեղծել է հազվադեպ արկածախնդիր տիեզերական օպերա, որի հղումը տանում է դեպի «Լուսատտիկ» (2002) սերիալը ՝ լի երաժշտական ռետրո-հիթերով եւ ռեժիսորի սպեցիֆիկ հումորով։

Մի քանի առանձին ֆիլմերից հետո սովորաբար արտադրվում է ընդհանուր սուպերհերոսական կոմիկական «կապուստնիկ» «Վրիժառուների» մասին, որը Marvel կինոտիեզերքի ամենատպավորիչ ատրակցիոնն է, եւ որը տոմսերի ռեկորդային վաճառք է ապահովում։

Վերջին ժամանակներս Marvel-ը սկսել է գրոհել նաեւ փոքր էկրանները՝ թողարկելով բազմաթիվ սերիալներ իր հերոսների մասին։ Դրանք բոլորը լավ վարկանիշ ունեն, բայց քննադատների եւ կինոդիտողների ընդունելությունը միանշանակ չէր։ Այնուամենայնիվ, կասկած չի հարուցում, որ ապագայում մեզ սպասում են բազմաթիվ հեռուստասերիալներ ստուդիայի կողմից։

Կինոտիեզերքի չորրորդ փուլը նախորդներից ավելի սառն ընդունելության է արժանացել։ Չնայած նոր հերոսների առատությանը՝ սկսել է թվալ, որ ֆրանշիզը լճացել է, ի վիճակի չէ նույնքան տպավորիչ բան առաջարկել, որքան կոնֆլիկտն էր Թանոսի հետ։ Այդպես է, թե ոչ՝ հասկանալի կլինի ավելի ուշ, բայց թարմ «Մրջյուն-մարդը եւ Կրետը. Քվանտոմանիա»-ն, անշուշտ, կարեւոր նախագիծ է. իզուր չէ, որ այն բացում է սագայի նոր գլուխը։

Այստեղ մենք վերջապես կարողացանք լիարժեք ծանոթանալ Կանգ Նվաճողի հետ՝ Ջոնաթան Մեյջորսի կատարմամբ, որն իսկապես տպավորիչ եւ բազմակողմանի է ստացվել, ինչպես նաեւ իմանալ Մուլտիտիեզերքի սարքի ավելի շատ դետալների եւ այն վտանգների մասին, որոնք սպառնում են նրան։

Սակայն «Մրջյուն-մարդն» ինքնին հիանալի եւ գրավիչ բլոկբաստեր է։ Նրա հերոսները նախկինի պես վառ եւ համակրելի են, էքշընը նախկինի պես կրեատիվ է, իսկ հումորը՝ զվարճալի եւ չպարտադրվող։ Բայց, ի տարբերություն Սքոթ Լենգի մասին նախորդ երկու ֆիլմերի, թրիքվելն ուրախացնում է ավելի մեծ մասշտաբով, վառ եւ անսովոր աշխարհով՝ անցած դարի սկզբի դասական ֆանտաստիկայի ոճով, ինչպես նաեւ դրամատիզմի անսովոր մակարդակով։ Թեեւ «Քվանտոմանիան» հայտնություն չդարձավ, բայց ժանրի եւ Marvel կինոտիեզերքի սիրահարներին դժվար թե հիասթափեցնի։

Անտոն Մուխորտով

Հետևեք NEWS.am STYLE-ին Facebook-ում, Twitter-ում և Instagram-ում