• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ավելի քան 200 երաժիշտներ, այդ թվում Բիլի Այլիշը եւ Նիքի Մինաժը, հայտարարել են ԱԲ սպառնալիքի մասին երաժշտության ոլորտում

  Ավելի քան 200 երաժիշտներ, այդ թվում Բիլի Այլիշը, Նիքի Մինաժը, Ջեյ Բելվինը, Չաք Դին, Benny The Butcher-ը, Metro Boomin-ը եւ Q-Tip-ը, հայտարարել են արհեստական բանականության սպառնալիքի մասին երաժշտության ոլորտում...

• Բեյոնսեն դարձել է առաջին սեւամորթ արտիստը, ում քանթրի երգը չարթերում գրավել է առաջին հորիզոնականը

  Իր «Ռենեսանս» շրջագայությամբ աշխարհը նվաճելուց հետո Բեյոնսեն շարունակում է պատմություն կերտել իր նոր՝ Act II ալբոմով…

• Երաժշտության պատմությունը փոխած «Rhapsody in Blue» ստեղծագործությունը 100 տարեկան է

  Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը․․․

• Շերը Ռոքնռոլի փառքի սրահի հավակնորդների թվում է

  Շերը, Լենի Կրավիցը, Շինեյդ Օ'Քոնորը, Մերի Ջեյ Բլայջը, Օզի Օսբորնը եւ Մրայա Քերին Ռոքնռոլի փառքի սրահի հավակնորդներից են․․․

• Sony Music-ը Մայքլ Ջեքսոնի կատալոգի մասնաբաժինը կգնի ավելի քան 1,2 միլիարդ դոլարով

  Sony-ի գործարքը չի ներառում Բրոդվեյի պիեսների եւ Ջեքսոնի երաժշտությունը ներկայացնող այլ թատերական բեմադրությունների հոնորարները․․․

• Թեյլոր Սվիֆթը «Գրեմմիի» ռեկորդ է սահմանել

  Լոս Անջելեսում կայացել է Գրեմմիի 66-րդ մրցանակաբաշխությունը…

• Ջեյ Լոն եւ Latto-ն՝ «Can't Get Enough (Remix)» երգի «թեժ» տեսահոլովակում

  Միակ բանը, որից Ջենիֆեր Լոպեսը չի կարող կշտանալ, սերն ու բուռն երաժշտական ​​տեսահոլովակներն են․․․

Անցած փետրվարը եւ մարտի սկիզբը նշանավորվեցին հայկական տեսահոլովակների բազմաթիվ պրեմիերաներով։ Հայկական էստրադան գարնանն ընդառաջ դիմել է ռոմանտիզմին։ NEWS.am STYLE-ը ներկայացնում է մի քանի նոր տեսահոլովակներ, որոնք գուցե բաց եք թողել։

Տաթեւ Ասատրյան եւ Ռազմիկ Ամյան՝ «Իմ սրտի այգին է կանաչել»

Տեսահոլովակի պրեմիերան կայացել է փետրվարի 25-ին, եւ այն արդեն մեկ միլիոնից ավելի դիտում ունի YouTube-ում։

Պարզ տեսահոլովակ ռոմանտիկ սիրո երգի համար, որը նկարահանվել է նուրբ, աննկատ գույներով, առանձնանում է գռեհիկ եւ ցայտուն պատկերներով բազմաթիվ սիրային հոլովակների շարքում:

Տեսահոլովակում չկա սյուժե, որպես այդպիսին, կատարողները երգում են՝ փոխելով դիրքերը. կա՛մ քայլում են անտառային բնապատկերների եւ ծովային նավահանգիստների միջով, կա՛մ մեգապոլիսի փողոցներով: Սիրային երգի քնարական տեքստը զուգորդված է ռոմանտիկ բնապատկերներով եւ մեղեդիական մշակմամբ։

Պետք է հարգանքի տուրք մատուցել հայկական հոլովակների հերոսների կարծրատիպային կերպարները թողած կատարողներին. երեկոյան դիմահարդարման փոխարեն աղջիկն ավելի բնական տեսքով է, ծավալուն զարդերի փոխարեն՝ մինիմալիստական ​​լուք, իսկ անհարմար տարազների փոխարեն՝ լակոնիկ հագուստ։

Ուշադրություն է գրավում նաեւ այն փաստը, որ ամբողջ տեսահոլովակի ընթացքում հերոսները ժպտում են։ Այս մեկն առանձնանում է հատկապես նրանով, որ տղամարդն է ժպտում։ Անթիվ հոլովակների շարքում, որոնցում հերոսը հայտնվում է բռնի դաժանությամբ, տղամարդու անկեղծ ժպիտը բոլորովին անսպասելի է հայկական էստրադային տեսահոլովակի համար:

Սարգիս Եզիազարյան՝ «Լավ օրեր»

Տեսահոլովակի պրեմիերան կայացել է մարտի 1-ին։ YouTube-ում 52 հազար դիտում ունի։

Ավանդական ազգային երաժշտության առաջին նոտաներից բացվում են հայկական գույնի դասական կադրեր. մեծ տուն՝ պատշգամբով, որտեղ կազմակերպում են աղմկոտ հյուրասիրություն, տոնակատարություն, պար եւ զվարճանք։ Այս ամենը զուգորդվում է վառ հանդերձանքով, գունեղ դետալներով եւ բոլոր հերոսների ուրախ դեմքերով։

Երաժշտություն, խոսքեր եւ տեսահոլովակ. ամեն ինչ արված է հայկական գռեհիկ երգերի լավագույն ավանդույթներով ընտանեկան մեծ տոների համար: Երգեցողությունն ավարտվում է «Երջանիկ եմ, որ այսպիսի ուրախ օրեր ունեմ» տողերով։ Եթե ​​ժամանակակից հայկական երաժշտությունը պայմանականորեն բաժանենք առանցքային թեմաների, ապա դրանք կլինեն անպատասխան սեր, ողբերգական կորուստներ եւ զանգվածային ուրախություն։ «Լավ օրեր» հոլովակը վերաբերում է երրորդ տարբերակին. դասական ոգեշնչող սյուժե։

Երգը կարելի է հանգիստ անվանել հայ բազմազավակ ընտանիքներին ու խնջույքներին նվիրված շարական։

Գեղամ Սարգսյան՝  «ARM GREEK MIX»

Տեսահոլովակի պրեմիերան տեղի է ունեցել մարտի 1-ին։ YouTube-ում ունի 25 հազար դիտում։

Կարճ ժամանակով մենք հեռացանք կաղապարներից եւ նորից վերադառնում ենք հոլովակների հերոսների ինքնասիրության դասական սյուժեներին։ Երթուղին կառուցված է՝ մեր կանգառը՝ Հյուսիսային պողոտա և շրջակայք։ Այս անգամ տղամարդը շքեղ քայլում է Երևանի փողոցներով, պարում և համբուրում օպերատորին։

Ստիպված ժպիտը, մորուքն ու ակնոցը ստեղծում են մի կերպար, որի հետեւում չի երեւում հենց ինքը՝ երգիչը, ինչը, սակայն, այնքան էլ կարեւոր չէ, քանի որ հերոսը չի էլ փորձում մտնել սեփական երգի տեքստի մեջ։ Ամենից լավն այն է, որ կատարողին հաջողվում է դանդաղ շարժումով հանել ակնոցը եւ, բնականություն պատկերելով, մտախոհ հայացքով նայել դեպի հեռուն։

Երգչի ոչ այնքան ակնհայտ առավելություններից արժե առանձնացնել լեզուների իմացությունը։ Հոլովակի միջնամասում կատարողը սկսում է հունարեն երգել, ինչի պատճառով կոմպոզիցիան մի փոքր այլ կերպ է հնչում։ Խորամանկ քայլ՝ ունկնդրի ուշադրությունը պահելու համար՝ թույլ չտալով նրան ձանձրանալ: Այո, եւ գոնե ինչ-որ կերպ թուլացնեն երգի ու տեսահոլովակի կլիշեությունը։ Հոլովակն ավարտվում է Հյուսիսային պողոտայում։ Եթե ​​կարողացաք մինչեւ վերջ դիտել հոլովակը, շնորհավորում եմ, հասել եք նշանակետին, հիմա ազատ եք, կարող եք ականջներդ բուժել ավելի լավ բանով, օրինակ՝ ZHU - In the Morning եւ հիշեք, որ ամեն ինչ այնքան էլ վատ չէ։

Ռեգինա Մելիքյան

Հետևեք NEWS.am STYLE-ին Facebook-ում, Twitter-ում և Instagram-ում