• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

• «Կատվի աչք» մանիկյուրը թրենդ է, որը պահանջված կլինի այս ամառ

  «Կատվի աչք» եղունգները դիզայնի ինքնատիպ տեսակ են, ունեն առկայծող նեղ գիծ եղունգի վրա, որը նման է իսկական կատվի աչքի»,- բացատրել է մանիկյուրի հանրահայտ վարպետ Միշել Համֆրին, որն այդ տեխնիկան օգտագործել է իր հաճախորդների համար...

Մատնահարդարման նորաձեւությունը հետ չի մնում ընդհանուր միտումներից։ Նեյլ արտը դառնում է ավելի արկածային, ստեղծագործական եւ նույնիսկ ոչ այնքան հարմար։ Բայց ո՞վ է նայում հարմարավետությանը, երբ վտանգված են նորաձեւությունն ու գեղեցկությունը: NEWS.am STYLE-ն առաջարկում է դիտարկել 2023 թվականի գարուն-ամառ մատնահարդարման հիմնական թրենդները։

Ֆրանսիական մատնահարդարում

Ֆրանսիական մատնահարդարումը եղունգների դիզայնի թերեւս առաջին օրինակն է ամբողջ աշխարհում: Եվ եթե ձեզ թվում է, որ սա հնացած միտում է, ապա ոչ։ Ֆրենչը նոր բարձունքների է հասնում իր 1,1 միլիարդ TikTok դիտումների շնորհիվ: Այս սեզոնին հայտնիության գագաթնակետին են ֆրանսիական մատնահարդարման տարբեր մեկնաբանություններ:

2000-ականների ոճի եղունգները կրկին շատ հայտնի են դարձել։ Իհարկե, ֆրենչը գոյություն է ունեցել նույնիսկ 90-ականներից առաջ, սակայն 21-րդ դարի սկզբին այն ձեռք բերեց իր ծանոթ ձեւը՝ քառակուսի եղունգներ, կաթնագույն վարդագույն հիմք եւ հստակ սպիտակ գծերով։

2000-ականների թրենդները վերադարձել են նորաձեւության՝ մենք տեսնում ենք կարգո տաբատներ, կրոպ տոպեր։ Դրանց հետ մեկտեղ մատնահարդարման միտումները վերադառնում են «դասականներից» աննշան շեղումներով։ 2023 թվականի գարնանը նորաձեւության մեջ է ֆրենչի ավելի զուսպ տարբերակը, որը կարելի է անվանել վանիլային ֆրենչ։ Այն ունի ավելի չեզոք վարդագույն հիմք եւ ոչ թե սպիտակ է, այլ ավելի շատ վանիլային գույնի ծայրով:

Pantone-ի տարվա գույնը միշտ ճիշտ ընտրություն է գարուն/ամառ մատնահարդարման համար։ Viva Magenta-ն շքեղ կարմրա-վարդագույն է: Օգտագործեք այն շատ բարակ ֆրենչի համար՝ ձեր եղունգների ծայրին, որպեսզի նորաձեւ լինի: Գարնանային տրամադրությանը սատարելու համար կարող եք օգտագործել պաստելային գույներ, օրինակ՝ մանուշակագուն։

Փայլ

«Glazed Donut»-ը միկրոթրենդի օրինակ է, որը գրավել է TikTok-ը 2022 թվականին: Անցյալ ամառ այն հանրաճանաչ դարձավ Հեյլի Բիբերի կողմից: Նա պայթեցրել է համացանցը՝ տեղադրելով իր նոր եղունգների լուսանկարը․ սպիտակ մարգարտյա պիգմենտով վարդագույն-բեժ:

Եվ մենք շարունակում ենք փայլերի հետ փորձերը՝ օգտագործելով տարբեր գույների փայլուն փոշիներ։

Սոցիալական ցանցերի մեկ այլ միտում է «շուրթերի փայլով եղունգները»: Պատկերացրեք՝ Ձեր շուրթերին փայլ եք քսել, որը հազիվ է ծածկում է ձեր բնական գույնը, բայց շքեղ փայլ է հաղորդում։ Այս միտումը նույն ազդեցությունն է փոխանցում եղունգներին։ Հիմքի համար օգտագործեք սուպեր թափանցիկ վարդագույնը՝ գերփայլուն վերին շերտով, բայց կրկնակի չափաբաժնով:

Classic clean girl

«Աղջկա մաքուր եղունգները». նման հարցումը TikTok-ում հավաքել է 20,1 միլիոն դիտում։ Թերեւս այս միտումը մնում է ինքնամեկուսացման դարաշրջանի արձագանքը, երբ սրահ գնալու մասին խոսք լինել չէր կարող։ Հետո եղունգների բնական տեսքի միտում կար, ու սովորությունը մնաց։ Այն շատ լավ տեսք ունի մեկ այլ նորաձեւության թրենդով՝ բնական երկարությամբ եղունգներով:

Մենք հիշում ենք, որ այն ամենը, ինչ շատ բնական է թվում, մեզնից ոչ պակաս ժամանակ կպահանջի, քան վառ մատնահարդարումը։ Եթե ​​այս թրենդի սիրահար եք, ապա մեծ ուշադրություն դարձրեք ձեռքերի մաշկի խնամքին, օգտագործեք քսուքներ, յուղեր եւ սկրաբներ։ Պրոցեդուրաները ոչ միայն պետք է փոխեն ձեր եղունգները, այլեւ հեռացնեն մաշկի ֆոտոծերացման եւ ջրազրկման հետքերը:

Նորաձեւ է ոչ միայն գեղեցկությունը, այլեւ առողջությունը: Մարդիկ ուշադիր են լաքերի եւ խնամքի միջոցների բաղադրիչների նկատմամբ։ Ոմանք դա անում են ողջամիտ սպառման եւ էկոլոգիապես մաքուր խնամքի ցանկության պատճառով, բայց չպետք է մոռանալ ալերգիա ունեցող մարդկանց մասին: Մատնահարդարման պրոցեդուրան էլ ավելի էկոլոգիապես մաքուր եւ անվտանգ դարձնելու գաղափարին շատերն են աջակցում:

Քրոմ

Ֆուտուրիստական ​​քրոմատիկ երանգները 2022 թվականին գերիշխող այլմոլորակային էսթետիկայի ընդլայնումն են: Քրոմի կամ մետաղի արտաքին տեսքը 2000-ականների դարաշրջանի եւս մեկ նշան է: 2023 թվականի գարուն-ամառ սեզոնի պոդիումներում քրոմապատ եղունգները հայտնվեցին բազմաթիվ շոուների, այդ թվում՝ Tommy Hilfiger-ի ժամանակ։

Քրոմը կարելի է խառնել նաեւ այլ միտումների հետ: Օրինակ՝ ֆրանսիական մատնահարդարում՝ եղունգների փայլուն ծայրերով, քրոմի շեշտադրումներով, թափանցիկ հիմքի վրա փոքրիկ արծաթյա կամ ոսկե սրտերով: Դա կարելի է անել ներքսելու միջոցով: Բայց հիմա ավելի ու ավելի շատ բրենդներ են սկսում արտադրել այս էֆեկտով լաքեր։ Վարդագույն քրոմն այս գարնանը դառնում է եւս մեկ թրենդ, հատկապես երբ մոտենում է «Բարբի» ֆիլմի թողարկումը։

Նոր 3D

Անհարմար, բայց անսովոր 3D եղունգների արվեստը չափազանց տարածված է դարձել հիմնականում երաժշտական ​​տեսահոլովակների շնորհիվ։ TikTok-ում այս միտումը հավաքել է 136,4 միլիոն դիտում, եւ շատերն արդեն ուշադրություն են դարձնում դրան։

Եղունգների 3D արվեստն իր ճանապարհն է բացում մեր կյանք, եւ պետք է լինեն այն կիրառելի դարձնելու ուղիներ: Թերեւս մենք կտեսնենք անհավանական 3D եղունգներ ոչ միայն ամսագրերի շապիկներին, այլեւ առօրյա կյանքում։

Եթե ​​պատրաստ չեք ձեր եղունգների անհավանական խառնաշփոթին, սկսեք նվազագույնից։ Եղունգներին տեքստուրա հաղորդելու համար կարելի է փորձել Swarovski բյուրեղները կամ զարդերը: Այն շատ համարձակ չի լինի, նման մատնահարդարումը հարմար է կլինի։

Տրամադրության օղակներ

Նայելով նմանատիպ եղունգների մենք տեսնում ենք աուրան: Դա այն զգացումն է, որ գալիս է այս միտումից։ Նորաձեւության այս թրենդը TikTok-ում հավաքել է 29,5 միլիոն դիտում: Աերոգրաֆի օգնությամբ հեշտությամբ կանեք նման մատնահարդարում։ Գույնի թեթեւ հպումը բավական է գրադիենտ ստեղծելու համար:

Կոնտրաստային գույները կարող են աերոգրաֆի օգնությամբ լինել միմյանց վրա՝ ստեղծելու լիովին անհատական ​​դիզայն, որը կարտացոլի հաճախորդի տրամադրությունը (կամ աուրան): Այդ իսկ պատճառով այս միտումը հաճախ անվանում են տրամադրության օղակներ։ Նրանց համար, ովքեր չունեն աերոգրաֆ, այս էֆեկտը կարելի է ստանալ գելի, սպունգի կամ պիգմենտային փոշու միջոցով:

Տրամադրության օղակի էֆեկտին հասնելու մեկ այլ միջոց է օգտագործել «կատվի աչք» գելը: Սոցիալական ցանցերում մատնահարդարները փորձարկում են բազմաթիվ գույներ՝ ստեղծելու «հյուսիսային բեւեռափայլ եղունգներ», որոնք նաեւ ստեղծում են կախարդական աուրայի էֆեկտ: «Կատվի աչքն» այժմ թրենդում է։ Այն կոչվում է «թավշյա եղունգներ»:

Արհեստական եղունգներ

Արհեստական եղունգներ․ եւս մեկ թրենդ, որն ի հայտ է եկել կարանտինի ժամանակ։ Դրանք հիանալի են հատուկ առիթների համար, երբ գնում եք նկարահանման կամ միջոցառման: Երեկոյան կարող եք թույլ տալ շքեղ մատնահարդարում առանց սրահում երկար ժամանակ անցկացնելու։ Ոչ բոլորն են կարող ամեն օր երկար եղունգներով լինել, բայց միանգամայն հնարավոր է ինքներդ ձեզ շռայլ մատնահարդարում անել երեկոյան կամ հանգստյան օրերին: Թեեւ նորաձեւության մեջ են մտնում նաեւ առօրյա օգտագործման համար նախատեսված արհեստական եղունգները։ Օրինակ, ֆրանսիական մատնահարդարման կամ сlassic clean girl:

Գարնան եւ գալիս ամռան մատնահարդարման միտումները մեծ տեղ են տալիս երեւակայությանը եւ կբավարարեն նույնիսկ ամենաքմահաճներին։ Եվ բնական, եւ քրոմի փայլ, եւ 3D ձեւավորում եւ համեստ ֆրենչ։ Գույնի առումով ընտրությունը նույնպես շատ մեծ է՝ մեղմ վարդագույնից ու մաշկագույնից մինչեւ կարմիր ու կանաչի երանգներ։ Բայց պետք է հիշել, որ կա հիմնական միտում՝ խնամված լինելը։ Դրա հիման վրա եղունգների հետ կապված ցանկացած փորձեր լավ տեսք կունենան:

Հետևեք NEWS.am STYLE-ին Facebook-ում, Twitter-ում և Instagram-ում