• Wine Story. Մինչեւ 5000 դրամ արժողությամբ գինի՝ Մալբեկի համաշխարհային օրվա համար

  Մալբեկը հարուստ, դարավոր պատմություն ունեցող խաղողի տեսակ է, որն ամբողջ աշխարհի գինու սիրահարներին գերել է իր համարձակ համերով եւ տարբերվող հատկանիշներով․․․

• Wine Story. Van Ardi գինիները Հայաստանի ժառանգության մասին են

  Van Ardi գինեգործարանը, որը գտնվում է Արագածոտնի հնագույն գինեգործական մարզում, առաջին բուտիկ գինեգործարանն է Հայաստանում և առանցքային դեր է խաղացել հայկական գինեգործության վերածննդի գործում...

• 20000 դոլար՝ հայտնիների ընկերակցությամբ թանկարժեք գինի վայելելու համար

  Եթե ​​ցանկանում եք թանկարժեք գինի վայելել այնպիսի հայտնիների ընկերակցությամբ, ինչպիսիք են Լեբրոն Ջեյմսը, Կառլոս Սանտանան եւ Դենի Դե Վիտոն, ապա դա ձեզ կոպեկներ կարժենա․․․

• Wine Story. Պորտվեյնի ակունքները

  Պորտվեյն գինու՝ շշերի մեջ թանկարժեք գանձի պես խնամքով պահվող այս հիասքանչ խմիչքի պատմությունը...

• Վիշապի լեգենդը կամ հայկական «379beer» գարեջրի հաջողության պատմությունը

  Վիշապի լեգենդը կամ հայկական «379beer» գարեջրի հաջողության պատմությունը...

• Wine Story. Առաջին հայկական Ռիսլինգը եւ Alexandrea Winery եզակի գինիների պատմությունը

  Ռիսլինգը խորհրդավոր հմայքով սպիտակ գինու տեսակ է, որի համային պալիտրան տատանվում է չորից մինչև հագեցված-քաղցր՝ կախված տեռուարից և գինեգործի ոճից․․․

• Wine Story. Ինչպես ընտրել ճիշտ գինի Սուրբ Զատիկին

  NEWS.am STYLE-ը կկիսվի, թե ինչպես ընտրել ճիշտ գինի և պահպանել կրոնական կանոնները...

• Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ

  Diageo ընկերությունը միավորել է նորն ու հինը՝ ստեղծելով 50 հազար դոլար արժողությամբ վիսկիի երկու հազվագյուտ շիշ: Նոր արտադրանքը SmokeDNAi կոչվող արհեստական ինտելեկտի տեխնոլոգիան է, որը թույլ է տալիս ուսումնասիրել տակառներում վիսկիի հնեցման գործընթացը...

Երբեւէ խաղող, ելակ կամ մոշ տրորե՞լ եք ձեր ափերի մեջ՝ զգալով, թե ինչպես է հյութը հոսում ձեր ձեռքերով, և մանրացված կպչուն հատապտուղը հարուստ բուրմունք է հաղորդում: Փորձե՞լ եք այս տրորված  հատապտուղը: Հիշո՞ւմ եք, թե ինչպես էիք մանկության տարիներին ագահորեն կուլ տալիս ելակը՝ չհասցնելով այն համտեսել: Իսկ ինչպե՞ս էիք կեռասի ողկույզ ուտում ՝ կորիզները  դուրս թքելով։ Գիտեի՞ք, որ բալի կորիզն ունի իր համը, որը տարբերվում է միջուկից: Այս ամենը միայն համերի, գույների ու հոտերի մասին չէ։ Այս ամենը ավելի շատ գինու մասին է:

Հայաստանի սոմելիների և փորձագետների ասոցիացիայի նախագահ Արթուր Սարգսյանը NEWS․am STYLE-ի հետ զրույցում ասաց, թե ինչպիսին կարող է լինել գինին և ինչպես ճիշտ համտեսել այն, որպեսզի զգալ համերի ողջ գունապնակը։ 

Գինիներ, որոնք լավագույնս գնահատվում են այնպես, ինչպես կան, առանց գաստրոնոմիայի

Հատուկ ուշադրության են արժանի Հայաստանում արտադրվող ռեզերվային գինիները։ Դրանց թվում կան այնպիսիք, որոնք արժե խմել առանց գաստրոնոմիական ուղեկցության, քանի որ դրանք ինքնին գեղեցիկ են և արժե վայելել նրանց համը՝ չընդհատելով այն ուտելիքով։ Դրանք անպայման ներառում են՝ Երազ, Հին Արենի Հնեցված (և սպիտակ, և կարմիր), «Ալուրիա» - սրանք բոլորը շատ նատուրալիստական ​​գինիներ են:

Հզոր ու թանձր գինիները օգտակար են մսային ուտեստների համար, դրանք հագեցած են, և դուք ցանկանում եք դրանցով ինչ-որ բան ուտել: Բայց սոմելյեի խնդիրը երրորդ համ ստեղծելն է։ Պատկերացրեք՝ մենք լավ ուտեստ ենք պատրաստել, այս ուտեստի համար ընտրում ենք գինի և դրանք համադրելով՝ ստանում ենք երրորդ համը, որից զգացողությունները պետք է լինեն դրական և հաճելի։ Իհարկե, նման գինիները կարելի է առանձին խմել, բայց եթե ինքնին թույլ գինի ես վերցնում, թեկուզ լավը, իսկ ճաշատեսակը, օրինակ, խորոված գառան միս է, ապա պարզ գինի, որքան էլ այն որակյալ լինի, հարմահ չի լինի. Միսը կխեղդի գինու ողջ համն ու բույրը։ Զգացողություն կլինի , որ գառան միս եք ուտում և խմում սառը ջուր։ Միևնույն ժամանակ, գինին ինքնին կարող է շատ արժանի լինել, բայց այս կերպ անհաջող ընտրված ուտեստը կարող է «մարել»: Ընդհակառակը, եթե գինին շատ հզոր է համով, որոշ չափով կոպիտ, ապա առանց գաստրո ուղեկցության խմելն այնքան էլ հաճելի և հեշտ չի լինի, տանինները «կսեղմեն» ամբողջ բերանը։ Այս ամենը շատ գաստրոնոմիկ պատմություն է, երբ գինին նուրբ է, երբ այն ունի երկար հետհամ, զարգանում է բաժակի մեջ, երբ զգացվում են սուրճի կամ նույնիսկ ծխախոտի, շոկոլադի, կաշվի երանգներ։

Պարզ և բարդ գինիներ

Պարզ գինին այն է, երբ մի կում ես խմում և զգում ես ելակ, հաջորդ կումը՝ բալի նոտաներ են հայտնվում։ Դա բարդ է, բայց ոչ չափազանց, այս երանգները այնքան էլ շերտավոր չեն: Բարդ գինու հետ յուրաքանչյուր հաջորդ կում բացահայտում է նոր, տարբեր համ: Գինին որոշ ժամանակ մնաց, և համը նորից փոխվեց, այսինքն՝ ամեն անգամ,  նոր բան ես բացահայտում: Պարզ գինին ներկայացում է, որտեղ տարբեր կերպարներին միավորում է ընդհանուր պատմությունը: Բարդ գինին օպերա է, որում, բացի հերոսներից, սյուժեում կան նաև դեկորացիաներ, երաժշտություն և ճյուղավորումներ: Բարդ գինին բացահայտում է համերի բազմաձայնությունը:

Գինի ամռանը և ձմռանը

Սպիտակ, վարդագույն և փրփրուն գինիներն ավելի շատ ամառային պատմություն են: Բոլոր ժամանակներում կարմիր գինիներն ավելի քիչ են խմում ամռանը, քան սպիտակները, իսկ ձմռանը հակառակը՝ կարմիր գինիները ջերմություն և հագեցվածություն են հաղորդում, երբ մրգերն ու հատապտուղները քիչ են: Քանի որ ամռանը թարմ մրգեր ունեք, ավելի քիչ հավանական է, որ դրանք գինու մեջ փնտրեք։ Բայց նկատի ունեցեք, որ գինին միշտ տարբեր է և տարիքի հետ համային որոշակի փոփոխություններ է ցույց տալիս։ Օրինակ՝ Բուրգունդիան տալիս է մրգայինություն մինչև 5 տարի, իսկ 5 տարի անց գինու մեջ հայտնվում են գոմի երանգներ, բենզոլային և կաշվե նոտաներ, շամպինյոնների երանգներ և այլն։ Սրանք հազիվ տարբերվող երանգներ են, և դրանք անմիջապես չեն հայտնվում գինու մեջ: 

Բնական գինիներ

Եթե ձեր գինին չի ստացվել , ապա դուք կասեք, որ դա բնական է։ Գիտե՞ք, թե որն է գինու արտադրության ամենածույլ մեթոդն աշխարհում ՞ Կախեթական. Մի խոսքով, այսպես է՝ խաղողը տրորեցիր, թողեցիր որ գինին ծնվի։ Բնական գինիները միշտ յուրահատուկ պատմություն են, յուրաքանչյուր շիշ ապրում է իր առանձին կյանքով: Դուք կարող եք բացել մեկը և ձեզ դուր կգա, իսկ մյուսը վանող տպավորություն կթողնի, ընդ որում, դրանք կլինեն երկու շիշ նույն խմբաքանակից։ Դա տեղի է ունենում այն ​​պատճառով, որ ոչ բոլոր բնական գինիներն են դիմանում  փոխադրմանը և ճիշտ են արձագանքում ջերմաստիճանի փոփոխություններին, գինին կարող է խմորվել և այլն:

Օրինակ՝ վերցնենք հայ արտադրողներին։ Օրինակ՝ Վան Արդիի ոճը բավականին ճանաչելի է՝ գինիները շատ հյութալի են՝ ընդգծված սորտային ոճով։ Կատարո գինիները ստեղծվում են այլ, բացարձակապես ճանաչելի ոճով՝ հզոր, առնական, իդեալականորեն հարմարեցված մսին, քանի որ միսը չի կարող հաղթել նրանց, և այսպես է ծնվում երրորդ համը։

Կանացի գինի

Գինիները, ինչպես և կանայք, ունեն տեսակներ. Երբ մի կում ես անում, հասկանում ես, թե ինչ գինի է դա՝ առնական, թե կանացի, փափուկ, պարուրող, ժպտացող և այլն։ Համտեսելիս կարելի է որոշել, թե որ գինին է իր տեսակով ավելի կանացի, իսկ ճաշակով որը՝ առնական։ Գինին կարող է լինել կանացի կամ կոպիտ, բայց կանացի բնույթով։ Կան տարբեր տատանումներ, բայց գլխավորը համն ու բույրը զգալն է։

… Պետք է գնահատել յուրաքանչյուր գինի, անկախ նրանից, թե արտադրողը որքան լավն է: Կենտրոնացեք այն ամենի վրա, ինչ կա ձեր բաժակում. մնացած ամեն ինչ ընդհանրապես նշանակություն չունի: Ես գինին ավելի շատ կապում եմ ազնվականության հետ։ Կա գեղջուկ գինի, կոպիտ, անկյունային, և կա ազնվական:

Վարպետության դաս՝ ինչպես համտեսել գինի

Առաջին հերթին գնահատվում է գինու արտաքին տեսքը՝ այն պղտոր է թե ունի փայլ։ Հետո գույնը՝ այն կարևոր է, սոմելյեն գույնից կարող է որոշել մոտավոր բերքահավաքը։ Առաջին քիթը՝ գինու բույրը ներշնչելն է ՝առանց այն թափահարելու ։ Այնուհետև երկրորդ քիթը - թափահարեք գինին բաժակի մեջ և նորից լսեք. գինին սկսում է շնչել և ավելի բացվել:

Անցնենք համին։ Գինի մի փոքր կում անելու փոխարեն մի լավ մեծ կում արեք, գինին պահեք բերանում, ապա կուլ տվեք կամ թքեք այն։ Առաջին կումը մեզ գրեթե ոչինչ չի ասի, քանի որ այն գրգռում է ընկալիչները՝ ակտիվացնելով դրանք։ Քաղցրության համար պատասխանատու է լեզվի ծայրը, լեզվի ընկալիչները կողքերում որոշում են թթվայնությունը, մեջտեղում՝ աղիյությունը, իսկ լեզվի հետինը՝ դառնությունը։ Գինու ճիշտ նկարագրություն տալու համար պետք է ազդեն բացարձակապես բոլոր ընկալիչները։ Երկրորդ կումի ժամանակ բացահայտվում է համի ողջ փունջը, քանի որ գրգռված են բոլոր ընկալիչները, այդ թվում՝ քիմքը, ատամները, շուրթերը. ամեն ինչ ակտիվացել  է։ Դուք կարող եք զգալ, թե իրականում ինչպես է հնչում ձեր գինին, շատ բան իմանալ իրա մասին, զգալ, թե ինչպես է այն տարածվում և պարուրում բերանը:

Հետհամը մեծ դեր է խաղում՝ որքան ավելի  երկար զգաք այն, այնքան լավն է գինին։ Այսպիսով, դուք կարող եք վայելել համի և բույրի ողջ գունապնակը։ Կան գինիներ, որոնք այնքան թեթև են, որ նրանց համը շատ նուրբ է և հազիվ ընկալելի, և կան գինիներ, որոնցից հետո զգում ես երկար ու վառ հետհամ:

Այս կերպ համտեսելով յուրաքանչյուր գինին, անհրաժեշտ է հիշել զգացողությունները, բայց ավելի լավ է դրանք գրի առնել ։ Այս մոտեցմամբ դուք ժամանակի ընթացքում կզարգացնեք ձեր ճաշակը։

Զրուցեց Ռեգինա Մելիքյանը

Հետևեք NEWS.am STYLE-ին Facebook-ում, Twitter-ում և Instagram-ում