• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

Կ․ Ստանիսլավսկու անվան դրամատիկական թատրոնում վաղը՝ ապրիլի 2-ին, ինտրիգային իրավիճակներով լի պրեմիերա է սպասվում։ Նոր՝ «Два плюс два» ներկայացման ռեժիսորը Իրա Հարությունյանն է, իսկ անհավանական իրավիճակների հերոսը՝ ամենաարկածային կերպարներով հայտնի Մկրտիչ Արզումանյանը։ 

NEWS.am STYLE-ը Մկրտիչ Արզումանյանի հետ զրուցել է նոր ներկայացման ու հերթական կերպարի առանձնահատկությունների մասին։ 

Դերասանն, իհարկե, չբացեց բոլոր փակագծերը, բայց վստահեցրեց՝ հանդիսատեսը հետաքրքրության պակաս չի ունենա․

«Այս պատմությունը սիրո, ճակատագրական հանդիպումների եւ այն մասին է, թե ինչպես է մարդն անընդհատ հայտնվում այնպիսի իրավիճակներում, որոնցից խուսափում է, բայց, ի վերջո, պետք է տա հարցերի պատասխաններ, որոնք իրենից սպասում են: Ներկայացման հերոսներն անհավանական իրավիճակներում հայտնված մարդիկ են, ովքեր փորձում են ճիշտ ելքեր գտնել՝ դրանցից դուրս գալու համար»: 

Մկրտիչ Արզումանյանի կերպարը Ֆելիքսն է։ Դերասանի ստեղծագործական կյանքում նա առաջին Ֆելիքսը չէ, բայց Մկրտիչի խոսքով՝ կտրուկ տարբերվում է «Քայլ ձիով» կատակերգության իր համանուն հերոսից․

«Ֆելիքսը ճարտարապետ է․ մի փոքր ինքնահավան, եսակենտրոն, բայց հետաքրքիր կերպար է: Աշխատանքը հետաքրքիր է ստացվում, ու անհամբերությամբ սպասում եմ, թե երբ եմ հանդիսատեսի հետ կիսվելու այս նոր հերոսի գծերով: Երկրորդ անգամ եմ մարմնավորում Ֆելիքս անունով հերոսի, բայց ներկայացման Ֆելիքսը տարբերվում է ֆիլմի հերոսից: Հետաքրքիր է՝ ինչ-որ առեղծված ունի այս անունը. եւ առաջին դեպքում էր աշխատում, եւ հիմա: Կարծում եմ՝ ինչ-որ ուժ կա այս անվան մեջ, որն օգնում է հասկանալու կերպարը»,-կատակում է դերասանը։

Մկրտիչ Արզումանյանին նոր կերպարների մարտահրավերներով վաղուց չես զարմացնի, բայց դերասանը՝ ինքը, միշտ է կարողանում զարմացնել՝ հերոսներից յուրաքանչյուրի հանդեպ յուրովի մոտեցմամբ․

«Ինչպես միշտ փորձում եմ նոր լինել, նորովի ներկայանալ: Աշխատում եմ հրաշալի պայմաններում, հրաշալի մարդկանց հետ: Ռեժիսոր Իրա Հարությունյանը շատ նուրբ է զգում ամեն ինչ, շատ է օգնում, որ ավելին հասկանաս թե պիեսի, թե կերպարիդ մասին: Անընդհատ շփման մեջ ենք, որպեսզի ավելի շատ կերպարային գծեր բացահայտենք»:

Ներկայացումը բեմադրված է ռուսերենով․ Մկրտիչ Արզումանյանի խոսքով՝ լինի հայերեն, թե ռուսերեն՝ ցանկացած ներկայացում պահանջում է մեծ աշխատանք ու պատասխանատու մոտեցում։ 

«Կապ չունի՝ հայերենով ես խաղում, թե ռուսերենով. ցանկացած դեպքում երկար աշխատանք է պահանջվում խոսքդ ճիշտ մատուցելու, տեղ հասցնելու համար: Իհարկե, ռուսերենով շատ ավելի բարդ է, քան մայրենի լեզվով, բայց, ամեն դեպքում, դա երկար օրերի, ամիսների տաժանակիր աշխատանքի արդյունք է։ Ամեն օր մի քանի ժամ տրամադրում եմ ընթերցելուն, տարբեր վարժությունների, որոնք պահանջում է բեմական խոսքը»:

«Два плюс два» ներկայացման գլխավոր հերոսուհուն մարմնավորում է Աննա Բալանդինան։ Պատմության հետաքրքիր զարգացումները ծավալվում են հենց նրա ու Մկրտիչ Արզումանյանի կերպարների շուրջ։ Մյուս հերոսներին մարմնավորում են Արմեն Մարգարյանը, Իվան Ստեպանովը, Հայարփի Զուռնաչյանը եւ Հռիփսիմե Նահապետյանը։ Հերոսների զգեստների հեղինակը դերասանուհի Յուլիա Ֆինկն է, ներկայացման խորեոգրաֆը՝ Նունե Կիրակոսյանը, կոմպոզիտոր՝ Մարինա Բրուտյան։ 

Սյունե Առաքելյան
Լուսանկարները՝ Կ․ Ստանիսլավսկու անվան դրամատիկական թատրոնի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում