• Թատրոնի միջազգային օրվա թոփ 5 բեմադրությունները Երևանում

  Թատրոնի միջազգային օրվա կապակցությամբ մենք ձեզ համար պատրաստել ենք մայրաքաղաքի հինգ ամենահետաքրքիր թատերական բեմադրությունների ընտրանին ռուսերենով, որը կհետաքրքրի ինչպես մոլի թատերասերներին, այնպես էլ անփորձ հանդիսատեսին...

• Սաթի Սպիվակովան և Մոսկվայի «Ազգերի թատրոնը» շուտով Երևանում

  Օպերային դիվա Մարիա Կալլասի դերում հանդես կգա հաղորդավարուհի, հանրահայտ ջութակահար Զարեհ Սահակյանցի դուստրն ու աշխարհահռչակ ջութակահար և դիրիժոր Վլադիմիր Սպիվակովի կինը՝ Սաթի Սպիվակովան...

• Մայակովսկու պոեզիայով, բայց Արցախի ձայնով. Ստեփանակերտի ռուսական դրամատիկական թատրոնի պրեմիերան Երեւանում. ներկայացում՝ «Ամբողջ ձայնով»

  Ստեփանակերտի ռուսական դրամատիկական թատրոնը Երեւանում հանդես է եկել Մայակովսկու ստեղծագործությունների մոտիվներով՝ «Ամբողջ ձայնով» ներկայացման պրեմիերայով․․․

• Աֆիշա․ ու՞ր գնալ

  NEWS.am STYLE-ը ներկայացնում է դրանցից ամենահետաքրքիրները․․․

• «Գոմեշ». մոնոներկայացում, որն արթնացնում է հինգ զգայարաններից երեքը

  Մոնոներկայացումը պատմում է միայնակ գոմեշի մասին․․․

• Լակոնիկություն եւ տոտալիտարիզմ Լիլիթ Հակոբյանի «Heartless» պարային ներկայացման մեջ

  Տարբեր պարախմբեր ներկայացրեցին իրենց բեմադրությունները․․․

• Պարի մյուս կողմում․ «The Cube Untold»՝ պետերբուգյան «Kannon Dance Theatre» խմբից

  «Անտանելի լռություն» արտահայտությունը դերասանը գրել է բեմի եւ դահլիճի միջեւ տեղադրված ապակե պատի վրա․․․

• «SODO» պարային ներկայացում Gaspard & Dancers-ի կողմից

  Ներկայացման առաջին մասը հավաքական պար է նյարդային ջութակի տակ․․․

Կ.Ստանիսլավսկու անվան թատրոնի բեմում վերջապես կայացավ «Երկու գումարած երկու» կամ «Կապույտ հիմալայան կակաչների փունջը» ներկայացման երկար սպասված պրեմիերան՝ Իրա Հարությունյանի բեմադրությամբ, որը ստեղծվել է Բեատա Գուլչինսկայայի պիեսի հիման վրա։ Ներկայացմանը շատերն էին սպասում, ոչ միայն այն պատճառով, որ թատրոնը պիեսը բեմադրելու էքսկլյուզիվ հնարավորություն ուներ, որը մինչ այդ ոչ մի տեղ չէր ցուցադրվել, այլեւ որովհետեւ գլխավոր դերերում հանդես են գալիս հանրության կողմից սիրված դերասաններ Մկրտիչ Արզումանյանը եւ Աննա Բալանդինան։

Ինչի՞ մասին է այս պատմությունը։

Սեփական երջանկությունը կառուցելու՝ շատերին ծանոթ ձգտման եւ քայլ անելու վախի մասին, որը թաքցվում է ոչինչ չփոխելու «ցանկության» ներքո։ Սա պատմություն է այն մասին, թե ինչպես կարող է երիտասարդությունը անխոհեմության դրդել տարեցներին՝ ԶԱԳՍ-ի շեմ հասցնելով։

Ֆելիքսը (Մկրտիչ Արզումանյան) եւ Սառան (Աննա Բալանդինա) ծանոթ են դեռ երիտասարդ տարիներից։

Չնայած «առանց պարտավորությունների հարաբերությունների» մասին պայմանավորվածությանը՝  այդ հարաբերությունները կան արդեն երկար տարիներ, բայց բոլոր «խաղաթղթերը խառնվում են իրար», երբ հերոսներն իմանում են, որ իրենց երեխաները՝ Սառայի որդին՝ Մարեկը (Իվան Ստեպանով) եւ Ֆելիքսի դուստրը՝ Էվան (Հայարփի Զուռնաչյան) որոշել են ամուսնանալ։ Ավելին, երեխաները ծրագրում են ապրել Սառայի մոտ, իսկ Ֆելիքսը մնալու է մենակ։ Այստեղ գլխավոր հերոսների աշխարհը գլխիվայր շրջվում է։ Սառան հասկանում է, որ կարող է ինչ-որ բան փոխել, մինչդեռ Ֆելիքսն ամբողջ ուժով փորձում է խուսափել դրանից։

«Սա պատմություն է սիրո, ճակատագրական հանդիպումների եւ այն մասին, թե ինչպես է մարդը մշտապես հայտնվում այնպիսի իրավիճակներում, որոնցից խուսափում է, բայց ի վերջո ստիպված է տալ այն հարցերի պատասխանները, որոնք նրանից սպասում են։ Ներկայացման հերոսները մարդիկ են, որոնք հայտնվում են անհավանական իրավիճակներում, որոնք փորձում են ճիշտ ելք գտնել դրանցից»,- NEWs.am STYLE-ին պրեմիերայից առաջ ասել է Մկրտիչ Արզումանյանը։

Նա խոստովանել է, որ իր ստեղծագործական կարիերայում Ֆելիքս անունով մի հերոս էլ է եղել։ «Երկրորդ անգամ է, երբ խաղում եմ Ֆելիքս անունով կերպարի դերում, բայց Ֆելիքսը պիեսում տարբերվում է ֆիլմի կերպարից։ Այս Ֆելիքսը ճարտարապետ է, մի քիչ փառասեր, եսասեր, բայց հետաքրքիր կերպար է։ Հետաքրքիր աշխատանք է ստացվել»,- նշել է դերասանը։

Նոր կերպարների մարտահրավերներով Մկրտիչ Արզումանյանին վաղուց արդեն չես վախեցնի. դերասանը միշտ կարողանում է զարմացնել  յուրաքանչյուր կերպարին իր մոտեցմամբ, եւ Ֆելիքսի դերը բացառություն չէ, դահլիճում ոչ ոք անգամ չի էլ կասկածում, որ, այո, նա այդ նույն Էվայի հայրն է, այդ անհաջողակ ճարտարապետն ու անհույս ռոմանտիկը, որն ընկերություն է անում խավարասերների հետ ու կերակրում նրանց փշրանքներով, որովհետեւ «ավելի լավ է՝ խավարասերները լինեն խոհանոցում, այլապես կհայտնվեն գլխումդ»։

Ողջ անձնակազմի խաղը փայլուն էր։ Անկրկնելի Աննա Բալանդինան ապագա հարսնացուի երեկույթի իր մենախոսությունում անտարբեր չի թողնում հանդիսատեսին եւ երգիծական բեմադրության մեջ կարողանում  է ստիպել արտասվել, հատկապես կանանց... հատկապես նրանց, ովքեր տարիքով ավելի մեծ են, որովհետեւ նրանք բոլորը հասկանում են, որ գալիս է տարիք, «երբ կնոջ համար սիրելը պարզապես անհրաժեշտություն է»...

Դերասանների կատարյալ խաղ, կատարյալ բեմականացում՝ կոմպոզիտոր Մարինա Բրուտյանի կատարյալ ընտրված երաժշտության ուղեկցությամբ։ Ռեժիսոր Իրա Հարությունյանը շատ նուրբ է զգացել պիեսի բովանդակությունը՝ կարողանալով հանդիսատեսին հասցնել բոլոր նրբությունները եւ անգամ բոլոր փոքր դետալները՝ ներկայացման անկրկնելի մթնոլորտ ստեղծելով։

Իսկ ո՞վ է «հանդիսության մեղավորը»

Ռեժիսոր Իրա Հարությունյանը պրեմիերայից առաջ տված իր հարցազրույցներում ոչ մեծ անակնկալ էր խոստացել՝ պիեսի հեղինակ Բեատա Գուլչինսկայայի ներկայությունը։ Որքան մեծ էր մեր զարմանքը, երբ բեմ բարձրացավ Բեատա Գուլչինսկայա կեղծանվամբ հանդես եկող մեր գործընկեր եւ գրող Մարինա Բրուտյանը։ Ի դեպ, Մարինան նաեւ պիեսի երաժշտության հեղինակն է։

Մարինա Բրուտյանը երկու գրքերի հեղինակ է, հրապարակման է պատրաստում երրորդ գործը։ Դրանք բոլորը հրապարակվել են նրա իսկական անվամբ, ուստի մեզ չէր կարող չհետաքրքրել, թե որն է անակնկալ  կեղծանվան պատճառը։

«Երբ ես պիեսն ուղարկում էի Իրա Հարությունյանին, որի հետ երկար տարիներ բարեկամություն եմ անում, չէի ուզում նրան ասել, թե ով է հեղինակը, որպեսզի անհարմար դրության մեջ չդնեմ, եթե հանկարծ պիեսը նրան դուր չգա։ Մյուս կողմից՝ ուզում էի լսել անկեղծ կարծիք այն մասին, ինչ գրել եմ»,- խոստովանել է Մարինան NEWS.am STYLE-ի հետ զրույցում։ Մարինան ասում է, որ պիեսը գրվել է շատ արագ։ «Պիեսը գրել եմ չորս օրում։ Դա ուղղակի ներշնչանք չէր, ուղղակի մուսա չէր, դա բազմաթիվ, ինչ-որ տեղ շտապող «մուսաների» արշավանք էր»,- խոստովանել է նա։

Սա Մարինայի եւ Կ.Ստանիսլավսկու անվան թատրոնի միջեւ համագործակցության առաջին փորձը չէ, սակայն նախորդում Մարինան բացառապես կոմպոզիտոր էր։ Իսկ այժմ Մարինան դրսեւորվել է նոր որակով։ Մենք հետաքրքրվեցինք, թե արդյոք շարունակվելու է համագործակցությունը. «Առայժմ համաձայնեցված պլաններ չկան։ Բայց սա անգին փորձ էր, որը կցանկանայի կրկնել»,- ասել է Մարինան։

 Նանա Վահրամյան

Հետևեք NEWS.am STYLE-ին Facebook-ում, Twitter-ում և Instagram-ում