• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

Աստղիկ Սաֆարյանն, իր երաժշտական գործունեությանը զուգահեռ, որոշել է հիմնել իր գործակալությունը, որը զբաղվելու է Հայաստանում եւ արտերկրում տաղանդավոր մարդկանց «փնտրտուքով»։ Քասթինգն արդեն սկսված է, իսկ նախաձեռնության առաջին մանրանասներով երգչուհին կիսվել է NEWS.am STYLE-ի հետ։ 

Աստղիկի խոսքով՝ փորձելու են փնտրել ու գտնել տաղանդների՝ նրանց համար հնարավորություններ ստեղծելով դեպի հեռուստատեսություն եւ մեծ նախագծեր։

«Միշտ ունեցել եմ  ցանկություն լինել օգտակար նրանով, ինչով կարող եմ, ու օգնել նրանց, ովքեր դրա կարիքը ունեն։ Այսօր իմ 16-17 տարիների փորձով կարող եմ իրականացնել ցանկությունս, որն, ըստ էության, նաեւ ազգօգուտ գործ է։ Իսկ գաղափարն ինձ մոտ հաստատվեց այն ժամանակ, երբ հրավիրված էի մոդելինգային քասթինգի՝ որպես ժյուրի մասնակցելու։ Երբ քննում էի մասնակիցներին, հասկացա, որ նրանք մասնակցում են մոդելային նախագծի, բայց ունեն շատ այլ ուրիշ տաղանդներ, որոնց մասին անգամ իրենք տեղյակ չէին»,-պատմում է երգչուհին՝ հավելելով,-«Կան տաղանդավորներ, որոնք իրոք շնորհալի են, բայց անգամ չգիտեն՝ որտեղից է պետք սկսել իրենց գործունեությունը, ինչի արդյունքում մարում են իրենց ներսի տաղանդը։ Իսկ մենք պատրաստ ենք աջակցել եւ ստեղծել իրենց համար համապատասխան հնարավորություններ»։ 

Աստղիկն իր փնտրտուքը որոշել է սկսել Հայաստանի մարզերից։ «Պետք է հատուկ շնորհակալություն հայտնեմ մեր բոլոր մարզերի մարզպետարաններին ու համայնքապետարաններին՝ ի դեմս տնօրինությանը, գաղափարս ողջունելու եւ սրտանց աջակցություն ցուցաբերելու համար։ Մարզերում մեր քաստինգներն իրականացվում են բացառապես մարզպետարանների, համայնքապետարանների եւ ամեն քաղաքի մշակութային կառույցների աջակցությամբ։ Քասթինգներ ենք պլանավորում նաեւ Բարսելոնայի, Փարիզի եւ Ամստերդամի հայ համայնքների շրջանում։ Այժմ էլ բանակցում եմ նշված քաղաքների հայկական համայնքների ղեկավարությունների հետ։ Նրանք էլ մեծ ոգեւորությամբ են ընդունել իմ նորաստեղծ ընկերության գաղափարը։ 

Արդեն այցելել ենք Էջմիածին։ Մեր հաջորդ այցը կլինի Գյումրի՝ մայիսի 20-ին՝ Ն. Տիգրանյանի անվան թիվ մեկ արվեստի դպրոցում։ Նույն օրը երեկոյան Գյումրիում  կունեմամ համերգային երեկո՝ 20:00-ից սկսած։ Մայիսի 22-ին կայցելենք քաղաք Հրազդան եւ տեղի թիվ 8 հիմնական դպրոցում կսպասենք Հրազդանի բոլոր տաղանդներին։ Իսկ մայիսի 23-ին կայցելենք Աբովյան՝ թիվ 5 հիմնական դպրոց։ Երեւանյան քասթինգը նախատեսում ենք հունիսի 1-ին՝ Երեխաների պաշտպանության օրը»։ 

Աստղիկը նշում է նախաձեռնությանը կարող են մասնակցել 5-60 տարեկան բոլոր շնորհալիները։ Երգչուհին չի բացառում նաեւ որոշակի ճանաչվածության հասած անձանց անդամակցությունը։ 

Ինչ վերաբերում է Աստղիկի երաժշտական գործունեությանը, ապա Գյումրիում կայանալիք համերգից բացի՝ սպասվում են նոր երգեր, որոնցից մեկը հեղինակային է, մյուսը՝ համագործակցություն երգահան Անուշ Ալեքսանյանի հետ։ Երգչուհու խոսքով՝ կլինեն նաեւ նոր տեսահոլովակներ։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում