• Չեմպիոնների լիգայի խաղից հետո Պեպ Գվարդիոլայի՝ 1,26 միլիոն դոլար արժողությամբ ժամացույցը հայտնվել է մամուլի ուշադրության կենտրոնում

  Մինչ «Մանչեսթեր Սիթիի» գլխավոր մարզիչ Պեպ Գվարդիոլան Չեմպիոնների լիգայի քառորդ եզրափակիչի ժամանակ հետեւում էր «Ռեալի» դեմ խաղին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

• Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը

  Hermès-ի Oran սանդալները նշում են իրենց 25-ամյակը, սակայն դեռևս կորցրել են իրենց պաշտամունքի կարգավիճակը։ Ստեղծման օրվանից՝ 25 տարի առաջ, Oran-ը դարձել է աշխարհի ամենաբաղձալի կոշիկներից (և աքսեսուարներից)...

• Նաոմի Քեմփբելը պատրաստվում է բացել սեփական ցուցահանդեսը

  Բացմանն ընդառաջ Նաոմին որոշել էր ճաշկերույթ կազմակերպել Դորչեսթերում․․․

Դիզայներների ոչ բոլոր գաղափարներն են կիրառելի առօրյա կյանքում։ Որոշ ապրանքանիշերի հավաքածուներն ավելի մոտ են թանգարանային ցուցանմուշներին, քան հագուստին, որը կարելի է կրել գորգուղիների վրա եւ առավել եւս՝ առօրյա կյանքում։ Բայց միշտ չէ, որ այդպես է։

Իհարկե, պատահում է, որ նորաձեւության ցուցադրություն դիտելիս զգացվում է, որ նման իրեր հագնելու հարմար վայր պարզապես չի լինի։ Դրանցից ոմանք չափազանց հանդիսավոր են եւ հարմար են միայն հատուկ առիթների համար: Իսկ երբեմն պոդիումի կերպարը չափազանցնում է նորաձեւության միտումները, չափազանց ավանգարդ է ու անհասկանալի։

Բայց ոչ բոլոր ցուցադրություններն են չափազանցված ու կտրված առօրյայից։ Դրանցում կարող եք գտնել գրեթե պատրաստի մտքեր աշխատանքի, հանգստի, զբոսանքի, զգեստների, կիսաշրջազգեստների եւ տաբատների ոճավորման տարբերակների ընտրության համար: Եկեք նորաձեւության ցուցադրություններից դիտարկենք որոշ մոդելներ, որոնք կարող ենք կրել:

Աշխատանքի գնալու կերպար

House of Dagmar Stockholm Spring 2023, Issey Miyake Spring 2023 Ready-toWear, Sara Battaglia Sping 2023 Ready-toWear

Ձեր աշխատանքային հագուստի կոդը կարող է տարբեր լինել, բայց կարող եք որսալ ընդհանուր միտումները: Ամենայն հավանականությամբ, պետք է խիստ ու էլեգանտ տեսք ունենալ։ Սպիտակ վերնաշապիկն ու սեւ ներքեւն այնքան էլ ձանձրալի համադրություն չէ, ինչպես կարող է թվալ: Հատկապես, եթե իրերի կտրվածքը տեղին է, ինչպես Issey Miyake-ինը: Եվս երկու դասական գունային տարբերակ՝ շագանակագույն եւ մոխրագույն: Ընտրեք կոստյումներ տաբատով կամ մաքսի կիսաշրջազգեստով, ինչպես անում են Sara Battaglia-ն եւ House of Dagmar-ը։

Խիստ եւ հանդիսավոր

Andrew GN Spring 2023 Ready-to-Wear, Sukeina Spring 2023 Ready-to-Wear, Antonio Grimaldi Spring 2023 Couture.

Անկախ նրանից, թե դուք պետք է մասնակցեք պաշտոնական միջոցառման, որը կապված է ձեր աշխատանքի հետ, կամ գուցե դուք պարզապես ցանկանում եք խելացի եւ հանդիսավոր տեսք ունենալ, այս գարնան շոուները կարող են օգնել: Ուշադրություն դարձրեք, թե ինչպես է աշխատում մոնոխրոմ կերպարներ Antonio Grimaldi-ի եւ Sukeina-յի կողմից՝ ավելացնելով մի քանի համարձակ դետալներ: Իսկ Andrew GN-ն սպիտակն ընտրել է որպես հիմնական գույն՝ գույներ հավելելով աքսեսուարներին:

Ջինս

Rokh Spring 2023 Ready-to-Wear, Fabiana Filippi Spring 2023 Ready-to-Wear, AZ Factory Spring 2023 Ready-to-Wear.

Ջինսե հագուստն այս սեզոնի թրենդներից է, որը ստեղծված է առօրյայում կրելու համար։ Օրինակ, դուք կարող եք ջինսե total-look ստեղծել՝ ոգեշնչված Fabiana Filippi-ից։ Լավագույնն այն է, որ ջինսերը կարելի է կրել ինչպես առօրյա կերպարում, այնպես էլ տոնական օրերին: Ամեն ինչ կախված է նրանից, թե ինչպես եք լրացնում ձեր զգեստապահարանի այս բազային իրը։

Առօրյա բաճկոնով, վանդակավոր վերնաշապիկով կամ բլուզով ջինսերն ամեն օրվա լուքի հիմքն են։ Իսկ եթե դրանք լրացնում եք էլեգանտ բլուզով կամ անսովոր բաճկոնով, ապա կստանաք հանդերձանք սրճարան կամ միջոցառման գնալու համար։ Ջինսի գույնը նույնպես կարող է տարբեր լինել՝ բացից, ինչպես Rokh-ն է առաջարկում, մինչեւ մուգ երանգներ, ինչպես AZ Factory-ն։

Վերնաշապիկներ

Gauchere Spring 2023 Ready-to-Wear, Yeohlee Spring 2023 Ready-to-Wear, Theory Spring 2023 Ready-to-Wear.

Կանացի զգեստապահարանի եւս մեկ ունիվերսալ դետալ։ Պոդիումներում կարելի է գտնել օվերսայզ մոդելներ, որոնք կարելի է կրել ամեն օր, եւ ցուցահանդես, եւ թատրոն այցելելիս։ Կարեւորը՝ ճիշտ կտրվածքն ու ոճավորումն է։ Տարբեր գույների ու ոճերի մի քանի վերնաշապիկ կարող են լավ կապսուլային զգեստապահարանի հիմքը լինել:

Կարճ տոպ

Ermanno Scervino Spring 2023 Ready-to-Wear, Max Mara Spring 2023 Ready-to-Wear, Cinon Tokyo Spring 2023.

Կարճ վերնաշապիկը եւ բլեյզերը կատարյալ են նրանց համար, ովքեր ցանկանում են կրել վերնազգեստ, բայց ամաչում են չափազանց ազատ կերպարից: Հագեք ջինսե տաբատ եւ բաճկոն, ինչպես ցույց է տալիս մեզ Cinon, կամ վերցրեք էլեգանտ կոստյում, ինչպես դա անում են Ermanno Scervino-ն եւ Max Mara-ն: Բաճկոնները կատարյալ լրացնում են կարճ վերնաշապիկները՝ ցուցադրելու ձեր ոճը՝ առանց չափազանց անկեղծության:

Zimmermann Spring 2023 Ready-to-Wear, Max Mara Spring 2023 Ready-to-Wear, Brunello Cucinelli Spring 2023 Ready-to-Wear.

Կրոպ-թոփի մեկ այլ նորաձեւ հավելում մաքսի կիսաշրջազգեստն է, հատկապես ցածր գոտկատեղով, ինչպես Brunello Cucinelli-ի լուսանկարում է: Եթե ​​կերպարը ձեզ չափազանց բաց է թվում, կրեք ժիլետ, բաճկոն կամ բոմբեր։ Իսկ դուք կարող եք կրել բավականին փակ կարճ տոպ եւ մինչեւ հատակ հասնող երկար կիսաշրջազգեստ՝ առանց լրացուցիչ դետալների, ինչպես մեզ ցույց է տալիս Max Mara-ն։

Տաբատներ

Undercover Spring 2023 Ready-to-Wear, S.S. Daley Spring 2023 Ready-to-Wear, Lala Berlin  Spring 2023 Ready-to-Wear.

Թեթեւ հոսող գործվածքներից կարված տաբատները, հատկապես եթե դրանք ունեն թեթեւ մետաղական փայլ, ուղղակի անփոխարինելի են ամռանը։ Համադրեք դրանք վերնաշապիկի կամ շապիկի ու հարմարավետ կոշիկների հետ՝ զբոսանքի կամ ընկերների հետ հանդիպելու համար: Իսկ եթե վերցնում եք բաձրակրունկ սանդալներ եւ մի քանի հետաքրքիր աքսեսուարներ, կարող եք գնալ սրճարան կամ ռեստորան։

Givenchy Spring 2023 Ready-to-Wear, Brunello Cucinelli Spring 2023 Ready-to-Wear, Coperni Spring 2023 Ready-to-Wear.

Այս սեզոնի մեկ այլ հիթ է կարգո տաբատը։ Դրանք կարելի է կրել ջինսե, բամբակյա կամ նույնիսկ ատլասե: Համադրեք դրանք ձեր զգեստապահարանի տարբեր իրերի հետ՝ վառ տեսք ունենալու համար: Ոգեշնչված Brunello Cucinelli-ից՝ կրեք այն բաճկոնով եւ բարձրակրունկ սանդալներով։ Ավելի հանգիստ տարբերակների համար այս տաբատները համադրեք բլուզների, կաշվե բաճկոնների կամ բոմպերների հետ։

Շապիկներ

Officine Generale Spring 2023 Ready-to-Wear, Partow Spring 2023 Ready-to-Wear, AG Spring 2023 Ready-to-Wear.

Ամենապարզ հագուստը դառնում է նորաձեւության միտում։ Շապիկները կարող են կրել որպես անկախ տարր, կամ կարող են օգտագործվել որպես բաճկոնի, ջինսե կամ բոմպեր բաճկոներնի հիմք: Կազակների եւ դասական գլխարկի հմուտ ոճավորումը, ինչպես դա անում է AG ապրանքանիշը, շատ հետաքրքիր տեսք ունի։ Կարելի է եզրակացնել, որ շապիկը եւ՛ չեզոք հիմք է, եւ՛ հագուստի անկախ վառ տարբերակ՝ չնայած իր պարզությանը։

Կիսաշրջազգեստներ եւ զգեստներ

Maje Spring 2023 Ready-to-Wear, Adam Lippes Spring 2023 Ready-to-Wear, 3.1 Phillip Lim Spring 2023 Ready-to-Wear.

Մենք ունենք կիսաշրջազգեստների ոճավորման շատ տարբերակներ՝ հիմնված նորաձեւության ցուցադրությունների գաղափարների վրա: Ստեղծեք մոնոխրոմ տեսք վերնաշապիկով եւ ցածրակրունկներով, ինչպես դա անում է Adam Lippes-ը: Հագեք կտրվածքով կիսաշրջազգեստ՝ սպորտային վերնաշապիկի, պանամայի եւ Maje-ի նման գունավոր կոշիկների հետ: Նորաոճ ծոպերով կիսաշրջազգեստներն այսօր կարելի է համադրել ցածրակրունկների եւ հետաքրքիր վերնաշապիկների հետ։ Նմանատիպ գաղափարի համար դիմենք 3.1 Phillip Lim ապրանքանիշին:

Elie Saab Spring 2023 Ready-to-Wear, Philosophy of Lorenzo Serafini Spring 2023 Ready-to-Wear, Erdem Spring 2023 Ready-to-Wear.

Շատերի համար զգեստը կանացի զգեստապահարանի անբաժան մասն է։ Ցուցադրություններում կարող եք գտնել էլեգանտ տարբերակներ, որոնք կարող եք կրել թատրոնում, ցուցահանդեսի բացմանը կամ փողոց դուրս գալու այլ պատճառ գտնել: Ոճավորեք դրանք փայլուն աքսեսուարներով եւ գերժամանակակից կոշիկներով:

Lala Derlin Spring 2023 Ready-to-Wear, Tod’s Spring 2023 Ready-to-Wear, Beatrice .B Spring 2023 Ready-to-Wear.

Բայց նույնիսկ սովորական, առաջին հայացքից զգեստը կարելի է կրել այնպես, որ հետաքրքիր տեսք ունենա։ Բարձրակրունկներն, մետալիկ աքսեսուարները, գլխարկներն ու շարֆերը կօգնեն ձեզ անմոռանալի դարձնել ձեր լուքը։

Նորաձեւության ցուցադրությունները միայն վառ շոուներ չեն: Դրանք կրում են այն գաղափարները, որոնք դնում է դիզայները, որոշում են գալիք սեզոնի նորաձեւության միտումները: Պոդիումներում մենք գաղափարներ ենք փնտրում մեր սեփական զգեստապահարանի համար: Նույնիսկ ամենաէկլեկտիկ ու գրոտեսկային կերպարներով դուք կարող եք ինքներդ ձեզ համար օգտակար դետալներ տեսնել եւ օգտագործել դրանք:

Հետևեք NEWS.am STYLE-ին Facebook-ում, Twitter-ում և Instagram-ում