• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)

  Հայոց ցեղասպանության զոհերի հիշատակի օրվա կապակցությամբ «Եվրատեսիլ 2024»-ում Հայաստանի դեսպանները՝ «Լադանիվա» խմբի անդամներն, այցելել են Ծիծեռնակաբերդի հուշահամալիր...

• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

Թատրոնի եւ կինոյի դերասան Անդրանիկ Հակոբյանը հեռուստադիտողների լայն զանգվածին քաջ ծանոթ է «Երդում» եւ «Կույր աշխարհ» հեռուստասերիալներից։ Վերջինում նրա կերպարին՝ Դավիթին, ոչ միանշանակ են ընդունում․ ոմանք համակրում են հաճելի արտաքինով, գլխավոր հերոսուհուն նվիրված հերոսին, ոմանք էլ մեղադրում նրան՝ ֆիլմի սիրահար զույգի՝ Ռոզայի եւ Կարենի մեջտեղում հայտնվելու համար։ Իհարկե, թատրոնի բեմում ու կինոյում Անդրանիկը մարմնավորում է կերպարների, որոնք իր հետ կապ չունեն, բայց ինչպես հաճախ է պատահում, հեռուստադիտողը սիրում է ասոցացնել կերպարին ու դերասանին։

NEWS.am STYLE-ը «20 փաստ» խորագրում փորձել է բացահայտել Անդրանիկ Հակոբյանին՝ էկրանի հակառակ կողմից։

Ինչի՞ մասին էիք երազում մանուկ հասակում:

Փոքր հասակում երազում էի դառնալ զինվորական, հետո տիեզերագնաց, ռոք աստղ, նույնիսկ մի ֆիլմից ոգեւորված՝ երազում էի դառնալ Ռոբոտ ոստիկան։ Հետո հասկացա, որ եթե դերասան լինեմ, բոլոր մասնագիտություններն էլ կկարողանամ մարմնավորել:

Ինչի՞ մասին եք երազում այսօր:

Այսօրվա իմ երազանքներից մեկն այն է, որ ստեղծագործեմ ոչ միայն Հայաստանում, այլեւ դրա սահմաններից դուրս։

Ձեր կյանքի մեծագույն ձեռքբերումը:

Ես դեռ 28 տարեկան եմ, ու այս պահին իմ ամենամեծ ձեռքբերումը իմ կինն է, իսկ մասնագիտական ամենամեծ ձեռքբերումը՝ թոշակի գնալուց հետո նոր կկարողանամ պատասխանել:

Ձեր կարգախոսը:

Հավատալ, սիրել, պայքարել ու երբեք չկորցնել հույսը։

Ամենամեծ հիասթափությունը:

Հիասթափությունների վրա աշխատում եմ չկենտրոնանալ, որովհետեւ իմ կարգախոսում կա չկորցնել հույսը։ Ինձ համար հիասթափությունները ակնթարթ են տեւում: Կյանքը այնքան հրաշք բան է, որ չարժե կենտրոնանալ հիասթափությունների վրա:

Տարօրինակ սովորություններ ունե՞ք:

Երեւի, ավելի շատ շրջապատիս մարդիկ կարող են ասել, թե ինչն է իրենց համար տարօրինակ, որովհետեւ այն, ինչ ես անում եմ, ինձ համար տարօրինակ չէ:

Իսկ վատ սովորություննե՞ր:

Ծխելը։

Ո՞րն է, ըստ Ձեզ, Ձեր բնավորության ամենադրական գիծը:

Իմ ամենադրական գծերից իմ դրական մտածելն է:

Իսկ բացասակա՞նը:

Ամենաբացասական գծերից մեկն այն է, որ շատ ինքնաքննադատ եմ ու երբեմն ինձ թերագնահատում եմ:

Ի՞նչը չեք ների կյանքում:

Ես ամեն ինչ միշտ փորձում եմ ներել ու արդարացնել իմ մեջ: Թերեւս, չեմ կարողանում ներել բանսարկությունները ու ի պատասխան իմ վստահության՝ մեջքից հարվածները:

Ինչի՞ց եք ամենից շատ վախենում:

Ամենաշատը վախենում եմ սիրելի մարդկանց կորցնելուց: Նաեւ՝ մորեխներից (ծիծաղում է)։

Իսկ ֆոբիաներ ունե՞ք:

Իմ ֆոբիաներից մեկը վախն է բարձրությունից, մյուսը՝ երբ ծովի կամ օվկիանոսի կենտրոնում չեմ տեսնում հորիզոնում ցամաք:

Ո՞րն է Ձեր սիրելի ֆիլմը:

Սիրելի ֆիլմեր շատ կան, կառանձնացնեմ «Քաղցր կյանք»-ը, «Փախուստ Շոուշենկից», «Մեր մանկության տանգոն»...

Սիրելի գիրքը:

Սիրելի գրքերից մեկը՝ Պեր Լագերկվիստ՝ «Բարաբա»։

Ի՞նչ հոբբիներ ունեք:

Սիրում եմ ֆիլմեր եւ հետաքրքիր հաղորդումներ դիտել, երբեմն՝ սպորտով զբաղվել։

Ինչպիսի՞ն է «Կույր աշխարհ»-ի Ձեր կերպարը Ձեզ համար:

Դավիթը կրթված, նպատակասլաց երիտասարդ է՝ ապահովված ընտանիքից: Սովոր է, որ կյանքում միշտ պետք է հասնի իր ուզածին բայց, միեւնույն ժամանակ, զուրկ չէ բարոյականությունից։ Ինքնասիրություն ունեցող, երբեմն՝ տաքարյուն, երբեմն՝ սառը դատողությամբ։ Որոշումները կայացնում է կտրուկ եւ միեւնույն ժամանակ՝ հանգիստ:

Ինչպիսի՞ նախագծում եք Ձեզ պատկերացնում հաջորդիվ:

Իմ հետագա պատկերացումները հասնում են մինչեւ Հոլիվուդ, հիմա չեմ ուզում շատ շտապել ու առաջ ընկնել․ կնկարահանվեմ այնտեղ, որտեղից լինի լավ առաջարկ, ինչո՞ւ չէ, նաեւ սիթքոմային նախագծերում կցանկանայի ինձ փորձել:

Ո՞րն է Ձեզ համար ամենահիշարժան կերպարը, որին մինչ օրս մարմնավորել եք:

Մինչ օրս մարմնավորած կերպարներից կառանձնացնեմ Բրիկը՝ «Կատուն շիկացած տանիքին» ներկայացումից, Վիգոն՝ «ՕԹԹԿ» ֆիլմից, Դանիելը՝ «Երդում» հեռուստասերիալից։

Ինչպիսի՞ն եք տեսնում Ձեր կյանքը 10 տարի անց:

Չեմ սիրում ժամանակից առաջ ընկնել․ կապրենք կտեսնենք:

Սյունե Առաքելյան
Լուսանկարները՝ Անդրանիկ Հակոբյանի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում