Հանուն սլացիկ կազմվածքի շատ կանայք պատրաստ են ամեն ինչի, երբեմն նույնիսկ առողջությունը զոհաբերելուն: Այս հոդվածում ներկայացնելու եմ ոչ միայն վնասակար, այլ կարելի է ասել՝ զզվելի դիետաները: Նման կտրուկ միջոցների դիմում են կա՛մ լիովին հուսահատված, կա՛մ հոգեկան խնդիրներ ունենալու դեպքում:
Ցանկացած պարագայում անհրաժեշտ է մտածել, գեղեցկության նման պատրանքն արդյո՞ք պետք է սեփական մարմինն ու օրգանիզմը ծաղրելու հաշվին լինի:
Եվ այսպես, «զզվելի դիետաների» առաջին հորիզոնականում մակաբույծների միջոցով նիհարելն է: Այո, այո... Գտնվում են կանայք, ովքեր հանուն բարակ գոտկատեղի պատրաստ են իրենց օրգանիզմում կամովի ճիճուներ տեղավորել: Եթե հավատանք բազմաթիվ հրապարակումներին, նրանց թվում են Մարիա Կալլասը, Մառլեն Դիտրիխը, ինչպես նաեւ Լարիսա Դոլինան:
Առավել հայտնի են երիզորդները, ասկարիդներն ու եզան երիզորդները, որոնք օրգանիզմում հայտնվում են հաբերի միջոցով: Դրա հետ մեկտեղ սննդակարգը սահմանափակելու անհրաժեշտություն չկա, քանի որ մակաբույծներն ամեն ինչ ուտում են, այդ թվում՝ վիտամինները, նույնիսկ B12-ը: Այսպիսի դիետայի արդյունքները նկատելի են արդեն մեկ շաբաթ անց: Սակայն ձեր բախտը կբերի, եթե այսպիսի «դիետա»-ի դեպքում բավարարվեք միայն էնդոկրին համակարգի խնդիրներով կամ նյութափոխանակության խանգարմամբ: В12 վիտամինի պակասը ծայրահեղ ընկճվածություն է առաջացնում, ընդհուպ մինչեւ ինքնասպանություն:
Բացի այդ, դրանք արագ են բազմանում. էգ ասկարիդները կարող են մեկ օրում մինչեւ 200.000 ձու դնել, որոնցից էլ շատակեր ճիճուներ են դուրս գալիս: Այս ամենը մեծ վնաս է հասցնում ամբողջ օրգանիզմին, իսկ ճիճուներից օրգանիզմն ազատելն այնքան էլ դյուրին չէ, ինչպես թվում է: Մեկ կախարդական հաբով չեք ազատվի: Որդը հարձակվում է հյուսվածքների վրա, այստեղ հակամարմիններ են արտադրվում եւ օրգանիզմը ժամանակի ընթացքում դադարում է հասկանալ, որտեղ է վնասված հյուսվածքը, իսկ որտեղ՝ առողջը, եւ սպանում է ամբողջը:
Այս աղյուսակի երկրորդ հորիզոնականում նիհարեցնող հաբերն են: Դրանցից մի քանիսի մեջ, օրինակ՝ հայտնի «թայվանական հաբեր»-ում, հոգեմետ բաղադրիչներ կան, ինչպես նաեւ ամֆետանի դասի արգելված դեղորայք ֆենֆլյուրամին, ֆենտերմին եւ նատրիումի պոլի-4-ստիրենսուլֆոնատ: Դրանց անընդհատ օգտագործումը մեծ վնաս է հասցնում օրգանիզմին եւ հոգեկան խանգարում առաջացնում: Այդ հաբերը կարող են նաեւ բացասական հետեւանքներ ունենալ շատ այլ օրգանների վրա՝ լյարդի, երիկամների, սրտի եւ այլն:
«Հրաշք հաբերի» մեծ մասը հագեցածության կեղծ զգացում են առաջացնում՝ ազդելով բջիջների վրա: Իսկ երբ դադարում եք ընդունել դրանք, բջիջները շտապում են վերականգնվել եւ քաշն ավելի արագ ու կրկնապատիկ է վերադառնում: Այդպիսի հաբերի կողմնակի ազդեցություններն են քնի խանգարումը, անքնությունը, արյան բարձր ճնշումը, համի զգացողության կորուստը, ալերգիկ ռեակցիաները, սրտխառնոցը, լյարդի քայքայումը եւ այլն:
Ցանկում հաջորդը, այսպես կոչված, «ուրինոդիետաներն» են: Այս դեպքում ճաշելուց առաջ մեզ են խմում: Այլ ըմպելիքներ չի թույլատրվում, նույնիսկ ջուր: Դիետայի ընթացքում պետք է օգտագործել միայն չոր սնունդ. բանջարեղեն, հաց, միս, ձավարեղեն: Այս դիետան խոստանում մեկ ամսում 10 կգ քաշի կորուստ: Անգամ դժվար է պատկերացնել, թե ով կգնա նման քայլի: Այսպիսի դիետայի արդյունքում արյան մեջ թափանցում են մթերքների թափոններ, վնասակար բաղադրիչներ, ինչպես նաեւ մանրէներ, որոնք կարող են գոյություն ունենալ միզուղիներում: Հասնելով թոքերին՝ դրանք թոքերի համատարած բորբոքում են առաջացնում, որոնք ընդհանրացնում են գործընթացը եւ մահվան հանգեցնում:
Համոզված եմ, որ շատերը լսել եւ նույնիսկ փորձել են քացախի դիետան, որը նույնպես հեքիաթային արդյունքներ է խոստանում: Ուտելուց առաջ մեկ թեյի գդալ խնձորի քացախ խմելու արդյունքում ճարպերն այրվում են: Քաշն արագորեն նվազում է, սակայն ստամոքսի եւ աղիների լորձաթաղանթը պատվում է խոցերով եւ էրոզիաներով:
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը19:25, 23 ապրիլի
Կոմպոզիտոր Շառլ Ազնավուր․ շանսոնյեի հարյուրամյակի առթիվ16:22, 23 ապրիլի
Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան15:13, 23 ապրիլի
Նոր մանրամասներ Քենեդի եղբայրների հետ Մերիլին Մոնրոյի սիրավեպի եւ նրա կյանքի վերջին օրվա մասին14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով