Գարիկ Պապոյանի Mimod նախագիծը նոր է, բայց արդեն ներկայացնում է իր երրորդ երգը։ Անսովոր անունով ու երգացանկով խմբի նորույթը «Դե տուր» լիրիկական տեսահոլովակն է։ Այս անգամ շեշտը դրվել է ոչ թե վառ կերպարների (եթե հաշվի չառնենք, որ Լյուսին գլխին թղթե պարկ է կրում) եւ գույների վրա, այլ բառերի, իսկ Գարիկն ու Լյուսին (Լուսինե Աղաբեկյան) երգը կատարում են տանիքից։
Երգի խոսքերի եւ երաժշտության հեղինակը Գարիկ Պապոյանն է, գործիքավորումը եւս կատարել է Գարիկը։
Ամռանը Գարիկ Պապոյանը հայտարարեց Mimod խմբի ստեղծման մասին, որի կազմում առաջին՝ «Չկա» տեսահոլովակը ներկայացրեց օգոստոսի 5-ին։ Նորաստեղծ խումբը, որի մեներգչուհին Լյուսին է, միանգամից աչքի ընկավ անսովոր ռիթմերով ու վառ գույներով։
Օրերս Mimod-ը ներկայացրել էր նաեւ Vodka doo-doo երգի տեսահոլովակը։