Style Beauty. սեւ կետիկներն ու դրանցից ազատվելու միջոցները
22:04 28 նոյեմբերի, 2023Գրեթե բոլորն ունեն սեւ կետիկներ: Անկախ նրանից, թե ձեր T-զոնան լցված է դրանցով, թե ընդամենը մի քանիսն են «պտտվում» ձեր քթի շուրջը, դա շատ տարածված խնդիր է: Այս խնդրի երկրորդ մասը դրանք ճզմելու անկառավարելի ցանկությունն է։ Այնուամենայնիվ, դա ձեր մաշկին ոչ մի օգուտ չի բերի, եւ մասնագետները խորհուրդ են տալիս խուսափել դրանից:
Ի՞նչ են իրենցից ներկայացնում սեւ կետերը
«Սեւ կետը բաց կոմեդոն է՝ ծակոտի կամ մազի ֆոլիկուլ, որը լցված է ճարպով, մեռած մաշկով եւ բակտերիաներով»,-բացատրում է մաշկաբան Մելանի Պալմը։
Արժե՞ արդյոք հեռացնել սեւ կետերը
Թեեւ սեւ կետերը ճզմելը կարող է գայթակղիչ լինել, մասնագետները համոզված են, որ չպետք է տրվել դրան: «Սա կարող է իրականում վատթարացնել վիճակը, էլ չենք խոսում ցավի, սպիների եւ հետագա գրգռման մասին»,-ասում է մաշկաբան Դասթին Պորտելան՝ նշելով, որ ավելի լավ է այս գործընթացը թողնել մասնագետներին:
Ինչպե՞ս կանխարգելել դրանց հայտնվելը
Սեւ կետերը առաջանում են խցանված ծակոտիների պատճառով: Ամենապարզ, ամենահեշտ եւ ամենակարեւոր բանը, որ կարող եք անել, ձեր մաշկը մաքուր պահելն է: «Լվացեք ձեր դեմքը օրական երկու անգամ եւ ավելորդ քրտնարտադրությունից հետո»,-խորհուրդ է տալիս Պորտելան,-«Սա կկանխի ճարպի և մեռած բջիջների կուտակումը մազերի ֆոլիկուլների ներսում»:
Լվացման համար ավելի լավ է օգտագործել շերտազատող բաղադրիչ պարունակող միջոց, օրինակ՝սալիցիլաթթու (CeraVe SA, 7000-ից 10000 դրամ):
Կարող եք նաեւ օգտագործել սեւ կետերը հեռացնող կպչուն կտորներ, եթե դա անում եք միայն ամիսը մեկ կամ երկու անգամ, քանի որ բացի սեւ կետերը հեռացնելուց, դրանք նաեւ հեռացնում են մաշկի որոշ բջիջներ, ուստի դրանց չափից ավելի օգտագործումը կարող է առաջացնել գրգռվածություն:
Թեեւ կպչուն կտորները արագ լուծում են սեւ կետերի դեմ, եթե դուք չհետեւոք վերը նշված կանխարգելման միջոցներին՝ ձեր սեւ կետերը, ի վերջո, կվերադառնան դրանք հեռացնելուց հետո: