Louis Vuitton-ը ներկայացրել է 3D տպագրությամբ սպորտային կոշիկներ
17:26 1 դեկտեմբերի, 2023Louis Vuitton-ի՝ Հոնկոնգում կայացած աշնանային շոուի ժամանակ Ուիլյամ Ֆարելը ներկայացրել է 3D տպագրությամբ սպորտային կոշիկներ՝ ապացուցելով, որ նորարարությունն իր առաջնահերթություններից է:
Louis Vuitton-ի կոշիկի դիզայնի ղեկավար Մաթիաս Պատիլոնն իր Instagram-ում կիսվել է կոշիկների լուսանկարներով՝ մակագրության մեջ նշելով հավաքածուի անունը՝ LV COBRA:
Посмотреть эту публикацию в Instagram
Այս դիզայնը 3D տպագրության տեխնոլոգիայի առաջընթացն է ներկայացնում․ խառը հյուսվածքը նրբորեն համատեղում է փափուկ ցանցն ու հարթ եզրերը:
LV Monogram-ի ֆիրմային մոտիվը եւ նոր ապրանքանիշի պատկերագրությունը փորագրված են մոդելի վրա, իսկ վերեւի հատվածի անցքերը ապահովում են օդի թափանցումը՝ օգտագործման ընթացքում: Պոդիումի վրա դիզայնը ներկայացվել է երկու գույներով՝ կրեմա-սպիտակավուն եւ սեւ։