Ինչու՞ են արքայազն Ուիլյամն ու Քեյթ Միդլթոնը Սուրբ Ծննդյան առավոտյան առանձին նախաճաշելու

Բրիտանական թագավորական ընտանիքը մի քանի արտասովոր ավանդույթներ ունի, եւ, ըստ երեւույթին, դրանցից մեկը պահանջում է, որ տղամարդիկ եւ կանայք Սուրբ Ծննդյան առավոտյան առանձին նախաճաշեն:

Սուրբ Ծնունդը, սովորաբար, բավականին լարված տոն է թագավորական ընտանիքի անդամների համար: Նրանք սիրում են ամեն ինչ անել տոների համար՝ բացիկներ ուղարկելուց մինչեւ իրենց տները շքեղ ծառերով զարդարելը: Երբ գալիս է Սուրբ Ծնունդը, ընտանիքն ավանդաբար ժամանակ է անցկացնում Սանդրինգհեմի կալվածքում, որտեղ նրանք մասնակցում են Սուրբ Մարիամ եկեղեցում մատուցվող պատարագին, որին հաջորդում է աշխույժ խաղը:

Սակայն, ըստ պալատի նախկին խոհարար Դարեն Մակգրադիի, Սուրբ Ծննդյան առավոտը, սովորաբար, առանձին են անցկացնում, ինչը նշանակում է, որ արքայազն Ուիլյամն ու արքայադուստր Քեյթը սուրճը խմելու են առանձին սենյակներում:

«Սուրբ Ծննդյան օրը կանայք, սովորաբար, ընտրում են թեթեւ նախաճաշ՝ կտրատած մրգեր, կես թուրինջ, տոստ եւ սուրճ, որը առաքվում է նրանց սենյակ»,-դեռ 2017 թվականին The Daily Mail-ի հետ զրույցում ասել էր Մակգրեդին,-«Իսկ թագավորական տղամարդիկ առավոտյան 08:30-ին իջնում ​​են ճաշասենյակ՝ ձու, բեկոն եւ սունկ, ապխտած ձուկ եւ խորոված երիկամներ ուտելու, որպեսզի պատրաստվեն եկեղեցական ծառայությանը: Վերադարձին նրանց խմիչք են մատուցում ճաշից առաջ»։

Սա մեզ համար, գուցե, հնաոճ տարանջատում է, բայց ինչպես նշում է The Mirror-ը, ավանդույթը, ըստ երեւույթին, առաջացել է այն պատճառով, որ կանայք ավելի շատ ժամանակ են հատկացնում առավոտյան պատրաստվելուն, ինչը բացատրում է, թե ինչու են նրանք նախաճաշում իրենց սենյակում:

Ամեն դեպքում, Սուրբ Ծննդյան գիշերը, սովորաբար, ամենամտերմիկ ժամանակն է ընտանիքի համար, քանի որ հենց այդ ժամանակ են նրանք փոխանակվում նվերներով եւ միասին վայելում հաճելի ընթրիքը: