Պիջակը դասական զգեստապահարանի ամենատարածված ու սիրելի իրն է, քանի որ այն չի ճանաչում ժամանակ կամ կոնկրետ առիթ։ Պիջակը տարբեր համադրություններով կարելի է կրել տարբեր ոճեր ստանալու համար։ Հաղորդավարուհի, դերասանուհի Դիանա Մալենկոն եւ դերասանուհի Եվա Զոհրաբյանը Instagram-ում նոր լուսանկարներ են տեղադրել, որոնցում երկուսն էլ պիջակով են, բայց տարբեր ոճավորում ու մոտեցում են ցուցաբերել հագուստի այս նմուշին։
Посмотреть эту публикацию в Instagram
Դիանա Մալենկոն այն կրում է սպիտակ վերնաշապիկի ու փողկապի հետ՝ համադրելով ջինսե լայնեզր տաբատով, դասական սանրվածքով ու դիմահարդարմամբ։ Աքսեսուարների հարցում դերասանուհին եւս նախընտրել է պարզությունը՝ կերպարը լրացնելով փոքրիկ կլոր ականջօղերով։
Посмотреть эту публикацию в Instagram
Եվան կրում է մոխարագույն օվերսայզ կոստյում, որը, ինչպես նշել է, ստեղծվել է SirQochar-ի հետ համագործակցությամբ։ Դերասանուհին ստացել է casual կերպար՝ թեթեւ ալիքներ եւ մինիմալ դիմահարդարում։ Հագուստն աչքի է ընկնում սպիտակ գծավոր պրինտով ու կրծքվանդակի շրջանում եւ եզրին արված գրառումներով։