Թենի Մելիդոնյանը նշանակվել է «Օսկար»-ի գլխավոր տնօրեն

Կինոարվեստի եւ գիտության ակադեմիան Թենի Մելիդոնյանին նշանակել է «Օսկար»-ի գլխավոր տնօրենի նորաստեղծ պաշտոնում։ Մերի Ջեյն Փարթլոուն նշանակվել է մրցանակների եւ հատուկ միջոցառումների գործադիր փոխնախագահ: Մելիդոնյանը ուղղակիորեն կենթարկվի Ակադեմիայի գլխավոր տնօրեն Բիլ Կրամերին, իսկ Փարթլոուն՝ Մելիդոնյանին:

Իր նոր պաշտոնում Մելիդոնյանը կղեկավարի ռազմավարությունը, տաղանդների հարաբերությունները, հատուկ միջոցառումները եւ արտադրական թիմերին՝  մրցանակաբաշխության բոլոր ծրագրերի եւ միջոցառումների համար: Նա նաեւ սերտորեն կհամագործակցի «Օսկար»-ի պրոդյուսերների, շոուների, Disney-ի, ABC-ի եւ ակադեմիայի ղեկավարների հետ՝ վերահսկելով այն թիմերը, որոնք մշակում եւ հանձնում են «Օսկարը» համաշխարհային լսարանին:

Մելիդոնյանը նաեւ ղեկավարում է գովազդի վաճառքը, մարքեթինգը եւ ռազմավարությունները, որոնք նպաստում են լսարանի աճին:

Մելիդոնյանն Ակադեմիայում իր կարիերան սկսել է 2005 թվականին՝ որպես հրապարակախոս, այնուհետեւ դարձել կապի եւ գովազդի բաժնի ղեկավար՝ տեղափոխվելով ռազմավարության թիմ: Նախկինում նա աշխատել է Վաշինգտոնում՝ ՀՀ դեսպանատանը։

«Օսկարի» 96-րդ մրցանակաբաշխությունը տեղի կունենա մարտի 10-ին։