Սելենա Գոմեսը կմարմնավորի Լինդա Ռոնշտադտին

Սելենա Գոմեսը կնկարահանվի Լինդա Ռոնշտադտի մասին կենսագրական ֆիլնում։

Գոմեսը կմարմնավորի Գրեմմիի 11-ակի մրցանակակրին: Ֆիլմը մշակում են պրոդյուսերներ Ջեյմս Քիչը եւ Ռոնշտադտի մենեջեր Ջոն Բոյլանը։

Ռոնշտադտի Facebook-ի եւ Instagram-ի պաշտոնական էջերը հրապարակել են ֆիլմի մասին նորությունները՝ նշելով. «Ամեն ինչ սկսվեց պարզ երազից»:

Ռոնշտադը եւ Գոմեսը մեքսիկական ծագում ունեն. 77-ամյա աստղը հայտնի է իր տասնամյակների երաժշտական ​​կարիերայով, որը ներառում է 24 ստուդիական ալբոմ եւ թիվ 1 հիթ՝ «You’re No Good»-ը։ Նա 2014 թվականի ապրիլին իր տեղն է գտել ռոքնռոլի փառքի սրահում, իսկ 2019-ին՝ ձեռքբերումների համար  Քենեդու կենտրոնի կողմից արժանացել պատվոգրի:

Իր մոտ ախտորոշված դեգեներատիվ հիվանդության պատճառով երգչուհին ստիպված է եղել հրաժարվել երգելուց։